شو کمار بٹالوی اک سفر

[نیرنگ خیال]

اوہ وی شہروں آرہی سی
میں وی شہروں آرہیا ساں
یکا ٹریا جا رہیا سی
دور لہندے دی خشک ٹہنی تے دور
پھل سورج دا اجے کملا رہیا سی
اوہدے تے میرے وچا لے وتھ سی
فیر وی مینوں سیک اوہدا آرہیا سی
یکے والا ہولی ہولی گا رہیا سی
یکا ٹریا جا رہیا سی

دوویں کنڈھے سانولی جہی سڑک دے
اوہدے بلھاں وانگ پئے سی پھر کدے
جاپدا سی میل پتھر بر جیاں
سڑک دے پئے دند ہوون ہسدے
پون دا چمٹا پیا سی وجدا
ٹالھیاں دے پت پئے سی کھڑ کدے
ویکھ رہے سن ساڈے ولے نامراد
کاشنی جہے پھل پہاڑی اک دے
بیج رہے سن میرے دل وچ سر گھیاں
لال سو ہے کور اوہدی اکھ دے
دور اک آتھن دا تارا پھکڑا
گگن دی ہن گلھ تے مسکا رہیا سی
اک نیا نے دے گلابی مکھ اتے
کالے تل دے وانگ نظیں آرہیا سی
اوہدے تے میرے وچالے فاصلا
ساڈی منزل وانگ گھٹدا جا رہیا سی
یکے والا ہولی ہولی گا رہیا سی
یکا ٹریا جا رہیا سی

افق دے نیناں چ کجھ نیلا کو دھوں
کاگ دے جیوں بوٹ دے پنڈے تے لوں
بخشدا سی جا رہیا مینوں سکون
دور اس دھوئیں دے اس جنگل توں پار،
جا رہی سی اک پنچھیاں دی ڈار
میرا جی کیتا کہ میں اس ڈار نوں
اجی دتی ایہ کہاں آواز مار
نال آپنے لے چل سانوں وی پار
دور اس دنیا توں کدھرے پر لے پار
دینا سانوں اس جزیرے تے اتار
جتھے سکیے رات اج دی ایہ گزار
سیاہ انھیرا سیاہ ہی اک سپنی دے وانگ
میرے ولے سر کدا ہی آرہیا سی
میرا ہتھ ہن اوہدیاں ہتھاں دے نال
خورے کنی دیر توں ٹکرا رہیا سی
جیکناں گھگھیاں دا جوڑا کندھ تے
چنجھ دے وچ چنجھ پا کے مسکا رہیا سی
یکے والا ہولی ہولی گا رہیا سی
یکا ٹریا جا رہیا سی

سڑک دے بلھاں تے انیاں دی قطار
مہک اپنے بور دی سی رہی کھلا ر
اس پلاڈے وچ اجے تیک
چگ رہی سی بجڑیاں دی اک ڈار
ہن اوہدے ہتھ میرباں ہتھاں چ سن
برف نالوں ودھ سن جو ٹھنڈے ٹھار
جیکناں بلے دے مونہہ موئی گٹار
کر رہے سن فیروی مینوں پیار
جد ہی بھیڑی راہ اساڈی کٹ گئی
کالی بلی واکناں اک کالی کار
ساڈے مونہہ تے روشنی دی بک مار
سانوں ساڈی کھیڈ توں گئی وسار
پچھ _ بتی لال جہی اس کار دی
اجے تیکن چمک پئی سی ماردی
جا پدی سی سڑک دے متھے تے جیوں
کم دونی دا پئی دی ساردی
یاں منی چمکے گلے دے ہار دی
پون دے پیراں چ جھا نحھبر مہک دی
پھل چونہہ ہتھاں دا رل کے پا رہیا سی
جا پدا سی تیز سورج ہاڑدا
ساڈیاں تلیاں چوں چڑ ھدا آرہیا سی
سیک ودھدا جا رہیا سی
یکے والا ہولی ہولی گا رہیا سی
یکا ٹردا جا رہیا سی

آرہی سی تیز سماں دی آواز
تال وچ سی چھنکدا یکے دا ساز
ساز چوں اک ابھردی ایسی آواز
بجلی دے کھنیاں چوں جس طرحاں
نکے ہوندیاں کن لا سندے آواز
پر نہ آؤندا سمجھ دے وچ اس دا راز
سمجھد ے کہ ہے پر یتاں دی آواز
اڈ رہے نیں یاں کہ لاماں وچ جہاز
جگت دے پاپاں توں چڑ کے سمجھدے
ہو گئے یاں دیو تے سارے ناراض
ہتھ ساڈے اگ دی اس کھیڈ توں
اجے تیکن وی نہیں سن آئے باز
آرہی سی تیز سماں دی آواز
چھنکدا سی جا رہیا یکے دا ساز
اوہدے پنڈ دی اچی مسجد دا منار
اس انھیرے وچ وی نظریں آرہیا سی
اوہ تے اوہدے نال اوہدا ہتھ وی
میرے ہتھاں چوں نکل کے جا رہیا سی
اوہدے باجھوں اوس دا ہی ہن گراں
لگیا کہ کھان نوں جیوں آرہیا سی
یکے والا خورے کیہ کرلا رہیا سی
بے رحم، گھوڑے نوں اک جلاد وانگ
اچی اچی تیز چھا نٹے لا رہیا سی
دور اچی چغل اک چچلا رہی سی
سارا راہ اس چغل دی آواز نال ،
لگیا کہ نیند وچ برڑا رہیا سی
سارا یکا ہن کسے تازا مرے
جانور دا کر کرنگ نظریں آرہیا سی
دور لہندے دی خشک ٹاہنی نوں ہن
تاریاں دا گھن جہیا بس کھا رہیا سی
دیویاں دی لوء چ ہن میرا گراں
دوروں قبر ستان نظریں آرہیا سی
دل میرا اڈدے پھرار ے واکناں
ہر گھڑی پچھے نوں ٹیا جا رہیا سی
یکے والا خورے کیہ کرلا رہیا سی
بے رحم، گھوڑے نوں اک جلا د وانگ
اچی اچی تیز چھا نٹے لا رہیا سی
یکا ٹریا جا رہیا سی
یکا ٹریا جا رہیا سی​

 

[فلک شیر]

سبحان اللہ..........
سبحان اللہ................................
واہ نین.........کیا چیز پڑھن نوں عطا کیتی اے لالہ

 

[نیرنگ خیال]

سبحان اللہ..........
سبحان اللہ................................
واہ نین.........کیا چیز پڑھن نوں عطا کیتی اے لالہ

شکریہ صاب ہوراں دا۔۔۔۔ میں ایس نوں کئی وار پڑھیا۔۔۔ تے سوچیا محفل اچ پیش کراں کہ رہن دیاں۔۔۔ آخر دو دناں دی کشمکش تو بعد شامل کر ای دتی آخر۔۔۔ اصل اچ ایدے وچ ای اک مصرعہ اے۔۔۔ "سیک ودھدا جا رہیا سی" ۔۔۔ بس آخر سیک ایناں ودھ گیا کہ شامل کرنی ای پئی۔۔۔

 

[فلک شیر]

شکریہ صاب ہوراں دا۔۔۔ ۔ میں ایس نوں کئی وار پڑھیا۔۔۔ تے سوچیا محفل اچ پیش کراں کہ رہن دیاں۔۔۔ آخر دو دناں دی کشمکش تو بعد شامل کر ای دتی آخر۔۔۔ اصل اچ ایدے وچ ای اک مصرعہ اے۔۔۔ "سیک ودھدا جا رہیا سی" ۔۔۔ بس آخر سیک ایناں ودھ گیا کہ شامل کرنی ای پئی۔۔۔

کشمکش کیوں سی جی؟

 

[نیرنگ خیال]

کشمکش کیوں سی جی؟

بس ایویں۔۔۔ کوئی خاص وجہ نئیں۔۔۔

 

[عمراعظم]

لاجواب کلام شریک کرن لئی شکریہ جناب۔

 

[نیرنگ خیال]

لاجواب کلام شریک کرن لئی شکریہ جناب۔

بہت شکریہ سر انتخاب نوں پذیرائی بخشن دا۔۔۔۔۔

 

[سید زبیر]

شالا جیویں تے سُکھی رہویں

 

[حاتم راجپوت]

جیو نیرنگ سرکار۔۔۔ کی ظالم کلام سنا ماریا جے۔۔ دل کھچ لیا ایس نے تے۔۔
بہوں ودھیا تے بہوں زبردست سرکاراں۔۔۔ پر کم تساں چنگا نئیں کیتا۔۔ اسانوں یکے چہ چھڈ آئے او۔۔ ہُن اساں مُڑ کنج پرت آئیے۔۔!!

جیوندے رہوو سرکاراں تے سدا وسدے رہوو۔۔۔

 

[نیرنگ خیال]

شالا جیویں تے سُکھی رہویں

شکریہ سرکار

جیو نیرنگ سرکار۔۔۔ کی ظالم کلام سنا ماریا جے۔۔ دل کھچ لیا ایس نے تے۔۔
بہوں ودھیا تے بہوں زبردست سرکاراں۔۔۔ پر کم تساں چنگا نئیں کیتا۔۔ اسانوں یکے چہ چھڈ آئے او۔۔ ہُن اساں مُڑ کنج پرت آئیے۔۔!!

جیوندے رہوو سرکاراں تے سدا وسدے رہوو۔۔۔

شکریہ سرکارو۔۔۔۔ تہاڈا شکریہ انتخاب دی پذیرائی دا۔۔۔

 

[غدیر زھرا]

ودھیا----
شو ہوراں دے کلام دی کیا ہی بات اے---
ونڈن لئی شکریہ بھرا

 

[نیرنگ خیال]

ودھیا----
شو ہوراں دے کلام دی کیا ہی بات اے---
ونڈن لئی شکریہ بھرا

کتھے رئے او۔۔۔۔ بڑے چیر باد دسدے پئے او۔۔۔ سکھی تے وسدے رہو۔۔۔ شالا رب خیر رکھے۔ شکریہ

 

[شمشاد]

اے کالیاں گڈیاں والے یکے والیاں واسطے کالی بلی ہی ہوندے نیں۔

بہت شکریہ جی شریک محفل کرن دا۔

 

[غدیر زھرا]

کتھے رئے او۔۔۔ ۔ بڑے چیر باد دسدے پئے او۔۔۔ سکھی تے وسدے رہو۔۔۔ شالا رب خیر رکھے۔ شکریہ

آمین------تہاڈیاں دعاواں دا بھار ہور ودھ گیا اے-------جزاک اللہ--
رہنا کتھے سی-----محفل وچ ای ساں بس ذرا اولھے ہو کے بیٹھے ساں
ویکھ رہے سی کہ

میں جب ادھر سے گزرتا ہوں کون دیکھتا ہے
میں جب ادھر سے نہ گزروں گا کون دیکھے گا


اے تے او وجہ سی جنہوں تسی بہانہ کہیہ سکدے ہو ویسے ہی بھرا کجھ مصروفیات سن ان شاء اللہ ہن روز باقاعدگی نال آواں گی

 

[نیرنگ خیال]

آمین------تہاڈیاں دعاواں دا بھار ہور ودھ گیا اے-------جزاک اللہ--
رہنا کتھے سی-----محفل وچ ای ساں بس ذرا اولھے ہو کے بیٹھے ساں
ویکھ رہے سی کہ

میں جب ادھر سے گزرتا ہوں کون دیکھتا ہے
میں جب ادھر سے نہ گزروں گا کون دیکھے گا


اے تے او وجہ سی جنہوں تسی بہانہ کہیہ سکدے ہو ویسے ہی بھرا کجھ مصروفیات سن ان شاء اللہ ہن روز باقاعدگی نال آواں گی

اولا ہر کم تو چنگا نئیں ہندا۔۔۔ ہاں مصروفیات دا دورہ ہوے تے گل وکھری اے۔۔۔ وسدی رہ رب دی امان۔۔

 

[غدیر زھرا]

اولا ہر کم تو چنگا نئیں ہندا۔۔۔ ہاں مصروفیات دا دورہ ہوے تے گل وکھری اے۔۔۔ وسدی رہ رب دی امان۔۔

جزاک اللہ-----