اک شخص سارے شہر کو ویران کر گیا

[یوسف-2]

رخصت ہوا تو بات میری مان کر گیا​

جو اُس کے پاس تھا،وہ مجھے دان کر گیا​

بچھڑا کچھ اس ادا سے کہ رت ہی بدل گئی​

اک شخص سارے شہر کو ویران کر گیا​

دلچسپ واقعہ ہے کل اک عزیز دوست​

اپنے مفاد پر مجھے قربان کر گیا​

کتنی سدھر گئی ھے جدائی میں زندگی​

ہاں وہ جفا سے مجھ پر احسان کر گیا​

خالد میں بات بات پہ کہتا تھا جس کو جان​

وہ شخص آخرش مجھے بے جان کر گیا​

 

[بھلکڑ]

ایک دفعہ پھر مشہور زمانہ شعر کو ہی کوٹ کوں گا۔۔۔۔ سُبحان اللہ کیا یاد دلا دیا۔۔۔۔۔۔۔ جزاک اللہ۔۔۔
بچھڑا کچھ اس ادا سے کہ رت ہی بدل گئی
اک شخص سارے شہر کو ویران کر گیا

 

[شوکت پرویز]

بہت عمدہ غزل شیئر کی ہے یوسف بھائی!
یہ شاید یہاں فرخ بھائی بھی شئیر کر چکے ہیں۔۔۔

 

[الف عین]

یہاں شاید ’آخرش‘ ہو گا،

وہ شخص آخر مجھے بے جان کر گیا

 

[یوسف-2]

جی شکریہ برادر۔ آپ کی بات درست ہے ۔ کاپی پیسٹ میں یہ شین نہ جانے کہاں اور کیسے کھو گیا

 

[عبد الرحمٰن]

بچھڑا کچھ اس ادا سے کہ رت ہی بدل گئیاک شخص سارے شہر کو ویران کر گیا​

ہائے کیا کہہ دیا لاجواب