ایرانی قریے 'پنجاب' میں نوروزخوانی کی روایت

[حسان خان]

ایرانی صوبے مازندران میں نوروز کی ایک خاص روایت یہ ہے کہ 'نوروزخواں' کہلائے جانے والے چند افراد آغازِ فصلِ بہار کا مژدہ دینے کے لیے گھر گھر جا کر بہار کی مدح اور دینی مفاہیم پر مشتمل اشعار پڑھتے ہیں۔ یہ اشعار یا تو فارسی زبان میں ہوتے یا پھر علاقائی مازندرانی زبان میں۔ اور پھر صاحبانِ خانہ ان نوروزخوانوں کی پذیرائی کے طور پر انہیں پیسے یا شیرینی عطا کرتے ہیں۔
صوبۂ مازندران کے ایک قریے 'پنجاب' میں اس روایتِ نوروزخوانی کی تصاویر پیش ہیں۔

صوبۂ مازندران کی جائے وقوع

ماخذِ تصاویر: خبرگزاریِ مہر
عکاس: فائزہ سلیمی
تاریخ: ۲۱ مارچ ۲۰۱۵ء

ختم شد!

 

[عبدالقیوم چوہدری]

بہت خوب۔
یوں لگ رہا ہے جیسے تصاویر بنانے کے لیے تقریب منعقد کی گئی ہے

 

[ادب دوست]

یوں لگ رہا ہے جیسے تصاویر بنانے کے لیے تقریب منعقد کی گئی ہے

تصاویر واقعی اچھی ہیں ؎1

 

[ادب دوست]

ہندستان، پاکستان، افغانستان اور ایران یعنی چاروں ملکوں میں "پنجاب"نامی علاقے موجود ہے-
اور بھی کہیں ہے ؟

 

[فاروق احمد بھٹی]

بہت ہی خوبصورت

 

[تلمیذ]

انتہائی معلوماتی۔ جزاک اللہ! حسان خان جی۔
خصوصاً یہ کہ ایران میں بھی 'پنجاب' نام سے قریہ موجود ہے۔ ضرور اس کی کوئی وجہ تسمیہ بھی ہوگی۔ اس بار ے میں کچھ معلوم ہو سکے تو پیشگی شکریہ۔
ماشاءاللہ کتنی پیاری اور محبت بھری روایت ہے۔

 

[میر انیس]

میں نے بھی ایران میں پنجاب کے نام کے قریے کے بارے میں پہلی بار سناہے۔ بہر حال کوئی بھی ایسی روایت جس میں ایک دوسرے سے محبت و پیار کا عنصر موجود ہو چاہے مذہب میں اسکا ذکر ہونے کا ثبوت موجود ہو یا نہیں مجھ کو بہت پسند آتی ہے۔لیکن تصاویر سے لگ رہا ہے یہ صرف چند لوگ ہی ہر تصویر میں سب کے گھر جاکر تحائف اکھٹے کرتے پھر رہے ہیں۔

 

[ادب دوست]

یہ صرف چند لوگ ہی ہر تصویر میں سب کے گھر جاکر تحائف اکھٹے کرتے پھر رہے ہیں

جی چند افراد کا جانا ہی روایت ہے - جن کا تعلق ایک مخصوص گروہ سے ہے-