بلوچستان چونکہ وسیع و عریض رقبے پر مشتمل ہے اس لئے موجودہ جدید دور میں بھی خبروں کے حصول اور متعلقہ حکام سے تصدیق میں مشکلات پیش آتی ہیں۔ ایسا ہی کچھ کل بھی ہوا جب بلوچستان کے ضلع واشک کی تحصیل ماشکیل سے اطلاع ملی کہ ایرانی فورسز کے گیارہ اہلکار کو پاکستانی حدود میں گرفتار کرلیا گیا ہے ۔ پہلے تو فورسز کی جانب سے صرف گرفتاریوں کی تصدیق کی جارہی تھی اور واقعہ کی تفصیل نہیںبتائی جارہی تھی اس لئے تمام ٹی وی چینلز اور خبر رساں اداروں نے مذکورہ بالا خبر جاری کی جس میں واقعہ کی مکمل تفصیلات شامل نہیں
بعد میں مسلسل رابطوں کے بعد ماشکیل کے تحصیلدار نصیربلوچ سے (جو پاکستانی فورسز کی کارروائی کے دوران بھی موقع پر موجود تھے ) تفصیلات معلوم ہوئی ںِ۔ تحصیلدار نے بتایا کہ دو گاڑیوں میں سوار ایرانی فورسز کے آٹھ اہلکار سمگلروں کا تعاقب کرتے ہوئے پاکستانی حدود میں (ساڑھے سات کلو میٹر )تک داخل ہوئے ۔ جودر کے مقام پر سمگلروں کی گاڑی کے ٹائر برسٹ کرنے کے بعد ایرانی فورسز انہیں گرفتار کرنے میں کامیاب ہوئی ۔ اس دوران پاکستانی سرحدی فورسز فرنٹیئر کور اور لیویز اہلکار بھی موقع پر پہنچ گئے ۔ پاکستانی حکام کے کہنے پر ایرانی فورسز نے ہتھیار ڈال دیئے جس کے بعد انہیں حراست میں لے لیا گیا جبکہ دو سمگرز بھی گرفتار کئے گئے ۔ ایرانی فورسز کے اہلکاروں کو ابتدائی تفتیش کے بعد سرحدی معاہدے کے تحت واپس ایران بھیج دیا گیا ۔
