ایورسٹ پر پہلے انسانی قدم کی ساٹھویں سالگرہ

[محسن وقار علی]

ماؤنٹ ایورسٹ دنیا کی سب سے اونچی چوٹی ہے۔ اس کی بلندی 8848 میٹر ہے۔ اسے سب سے پہلے نیوزی لینڈ کے کوہ پیما سر ایڈمنڈ ہلیری اور نیپالی شرپا تن زنگ نے 29 مئی 1953 میں سر کیا تھا۔

بہ شکریہ بی بی سی اردو

 

[محسن وقار علی]

وہ چوٹی کے جنوبی پہلو کی طرف سے چڑھنے کے بعد مقامی وقت کے مطابق دوپہر ساڑھے گیارہ بجے چوٹی پر پہنچے۔

 

[محسن وقار علی]

ہلیری نے آس پاس کے منظر کی کئی تصویریں لیں، جب کہ تن زنگ نے برطانیہ، نیپال، اقوامِ متحدہ اور بھارت کے پرچم لہرائے۔

 

[محسن وقار علی]

تن زنگ نے بدھ مذہبی روایات کے مطابق مٹھائیاں اور بسکٹ برف میں دفن کیے۔

 

[محسن وقار علی]

دونوں چوٹی پر صرف 15 منٹ ٹھہرے کیوں کہ ان کے پاس آکسیجن کم تھی۔

 

[محسن وقار علی]

ان کا ساز و سامان نیا تھا اس کا پہلے تجربہ نہیں کیا گیا تھا۔ چوٹی سر کرنے سے دو دن پہلے انھیں چوٹی سے صرف ایک سو میٹر کے فاصلے سے لوٹنا پڑا تھا کیوں کہ ان کے پاس موجود آکسیجن کا نظام خراب ہو گیا تھا۔

 

[محسن وقار علی]

انھوں نے 21 اپریل کو چڑھائی شروع کی تھا، جب کہ یہ خبر دو جون کو دنیا کو پہنچی۔ اس دن ملکۂ برطانیہ کی تاج پوشی کی سالگرہ تھی۔

 

[محسن وقار علی]

مہم جو ٹیم نے بیس کیمپ میں ریڈیو انٹینا نصب کیے۔ وہ آپس میں وائرلیس کی مدد سے بات کرتے تھے۔

 

[محسن وقار علی]

انھوں نے ملکۂ برطانیہ کی تاج پوشی کی خبر بھی وائرلیس پر سنی۔

 

[محسن وقار علی]

اس مہم کے دوران ایورسٹ پر سات کیمپ قائم کیے گئے تھے تاکہ کوہ پیما موسم سے مطابقت پیدا کر سکیں۔

 

[محسن وقار علی]

شرپاؤں نے بیس کیمپ تک اہم ساز و سامان کی ترسیل کا فریضہ سرانجام دیا۔ اس تصویر کے دائیں جانب لھولا کی چوٹی ہے۔ اسے سر کرنا بظاہر آسان لگتا ہے لیکن اس میں ہر وقت برفانی تودے گرتے رہتے ہیں۔

 

[محسن وقار علی]

مہم کے دوران سینکڑوں قلیوں نے باربرداری کا کام کیا۔

 

[محسن وقار علی]

یہ ماؤنٹ ایورسٹ کو سر کرنے کے لیے نویں برطانوی کوشش تھی، اور پہلی مصدقہ کامیابی۔

 

[محسن وقار علی]

ٹیم کے سربراہ کرنل جان ہنٹ تھے، اور اس کے لیے سرمایہ جائنٹ ہمالین کمیٹی نے فراہم کیا تھا۔

 

[عائشہ عزیز]

بہت خوب محسن بھیا

 

[محسن وقار علی]

بہت خوب محسن بھیا

شکریہ مانو بچے

 

[قیصرانی]

مزے کی شیئرنگ ہے۔ بہت خوبصورت تصاویر ہیں۔ صبح سے اب تک کئی بار بی بی سی اردو پر محض انہی تصاویر کو دیکھنے کی خاطر چکر لگا چکا ہوں

 

[شمشاد]

ہمت مرداں مدد خدا۔

 

[محسن وقار علی]

مزے کی شیئرنگ ہے۔ بہت خوبصورت تصاویر ہیں۔ صبح سے اب تک کئی بار بی بی سی اردو پر محض انہی تصاویر کو دیکھنے کی خاطر چکر لگا چکا ہوں

شکریہ منصور بھائی
بہت خوب اب تو مزید چکر لگنے بند ہو جائیں گے کیونکہ یہ اب محفل پر موجود ہیں

 

[محسن وقار علی]

ہمت مرداں مدد خدا۔

بالکل شمشاد بھائی۔وہ کیا کہتے ہیں کہ

ہمت کرے انسان تو کیا نہیں ہو سکتا