ایک آنسو بھی نہ چشم ر

[Atif Chauhdary]

میں ٹوٹ کے اس وقت کے آثار سے نکلا
آنسو بھی نہ اک چشمِ عزادار سے نکلا

دنیا سے عداوت تو بہت بعد میں ٹھہری
پہلے میں تِرے دل ، تری گفتار سے نکلا

لہجہ ترا کچھ اور تھا ، آنکھوں میں تھا کچھ اور
اقرار کا پہلو ترے انکار سے نکلا

ھے رقصں میں ھوتے ھوئے تنہائی کا دکھ بھی
میں دشت سے نکلا ھوں کہ دیوار سے نکلا

مجھ سے وہ بچھڑ کر کہیں آباد تھا مجھ میں
سایا کبھی گرتے در و دیوار سے نکلا

اس دشت میں رکنا مری پسپائ تھی عاطف
میں آبلہ پا اور بھی رفتار سے نکلا

شاعر: عاطف چوہدری