یہ تو واقعی ادنیٰ سی کاوش ہے، تمہاری انکساری ہی نہیں۔ کہ تم اس سے اچھی شاعری کرتے ہو۔ بہر حال ۔۔۔
پیجئے اور پلائیں ہم کو
آئیں دور لے جائیں ہم کو
جب پوری غزل میں آئیں جائیں کا استعمال ہے تو یہاں پیجئے کی بجائے اسی انداز سےپی لیں‘ کہنا بہتر ہو گا۔ لیکلن دوسرا مصرع بہر حال بدلنے کی ضرورت ہے۔’ے جائیں‘ بطعر ’لجائیں‘ تقطیع ہو رہا ہے۔لے‘ کو بطور فع آنا چاہئے۔
گُم ہیں آپ کے اندر کب سے
جائیں ڈھونڈ کے لائیں ہم کو
۔۔اندر ہی گم ہیں تو کہاں جانے کا کہا جا رہا ہے؟؟
آسانی سے مل جائیے گا
تھوڑی دور بھگائیں ہم کو
÷÷مفہوم سمجھ نہیں سکا۔ جائیے گا بھی ’جئیے گا‘ تقطیع ہو رہا ہے۔ یہ بھی غلط ہے۔
اُنکو دینا جُرم پہ اُنکے
راحت اور سزائیں ہم کو
۔۔ان کو کیا دیا جائے؟ یہ تو کچھ بتایا ہی نہیں۔ ’ان کو‘ زائد ہے شاید۔یوں ہو سکتا ہے
ان کا جرم اگر ہے، دیجے
راحت اور سزائیں۔۔
اگرچہ یہ بھی سوال اٹھتا ہے کہ جرم پر راحت کون دیتا ہے؟ سزا کی خلاف انعام کہا جا سکتا ہے، راحت نہیں۔
باقی دو تین اشعار درست ہیں
