ایک اور غزل

[امر شہزاد]

غمِ جہاں نہ غمِ دل سے جان جاتی رہی
ہمیں تو آتشِ احساس ہی جلاتی رہی

بدن کا درد عجب سا سرور دیتا رہا
تمام رات تھکن لوریاں سناتی رہی

رخِ شباب کو جی بھر کے ہم نہ دیکھ سکے
تلاشِ‌رزق میں خوابوں کی عمر جاتی رہی

تھے ہم کہ دام میں نہ آئے، زندگی ورنہ
ہزار بھیس بدل کر تو آزماتی رہی

جو صبح آنکھ کھلی تکیے پر نمی سی تھی
لگا کہ رات مجھے تیری یاد آتی رہی

 

[مغزل]

امر شہزاد صاحب ۔۔
خوش آمدید ۔
کیا ہی خوبصورت غزل نظر نواز کی ہے ۔۔۔
رسید حاضر ہے باقی گفتگو آئندہ
(آپ تعارف کے تھریڈ میں اپنا تعارف تو پیش کیجیے)
ربط یہ ہے

 

[ایم اے راجا]

بہت خوب بہت پیاری

 

[محمد وارث]

بہت اچھی غزل ہے امر شہزاد صاحب، بہت خوب

 

[شمشاد]

امر شہزاد صاحب خوش آمدید، اپنا تعارف تو دیں۔

 

[سجادعلی]

اچھے خیالات ہیں

 

[گرو جی]

بہت اچھی غزل

 

[الف عین]

کچھ لیٹ ہو گئے امر شہزاد۔ ورنہ مقابلے میں حصہ لے سکتے تھے۔
غزل اچھی ہے امر۔

 

[جیہ]

بہت خوب بہت پیاری

راجا صاحب کون ہے وہ جو خوب بھی اور پیاری بھی

 

[ہما]

اچھا لکھا آپ نے ماشا ء اللہ ۔۔۔۔!

 

[خرم شہزاد خرم]

غزل کی بات ہو رہی ہے آپی

بہت خوب بہت پیاری غزل ہے
اب یہ نا پوچھیے گا کہ غزل کون ہے

 

[محمداحمد]

حیرت ہے امر شہزاد کی اتنی خوبصورت غزل ہماری آنکھوں سے اب تک اوجھل رہی۔

امر شہزاد اردو محفل کے بہت ہی اچھے شاعر رہے ہیں لیکن کافی عرصے سے امر شہزاد محفل میں نہیں آئے۔

اللہ کرے جہاں ہوں باخیریت ہوں اور ہو سکے تو محفل میں پھر سے آ جائیں۔

 

[احسن مرزا]

بہت خوب جناب۔ داد حاضر ہے!!!