ایک تازہ غزل برائے تنقید،تبصرہ اور اصلاح

[عمرمختارعاجز]

ان کو چاہنے والا میں کون ہوں
محترمی جناب والا میں کون ہوں
ان کی مست آنکھیں،گلابی ہونٹ واہ
جلنےوالے کا منہ کالا میں کون ہوں
میں ہوں ان کاعاشق،پیار کرنے والا
پوچھتے کیا ہو حوالہ،میں کون ہوں
فلسفیوں ،شاعروں اور سائینسدانوں نے
مجھے مشکل میں ڈالا میں کون ہوں
عاجز،عاجز بندہ ہے رب کریم کا
آپ ہیں ارفع و اعلی میں کون ہوں​

ّ
خصوصی طور پر الف عین ،اظہر نزیر اور یعقوب آسی صاحب سے التجا ہےکہ خصوصی شفقت فرمائیں۔

 

[محمد یعقوب آسی]

عزیزی عمرمختارعاجز صاحب۔
آپ فی الحال اپنے ذوق کے مطابق اچھی شاعری کا مطالعہ کیجئے۔

 

[عمرمختارعاجز]

آپ فی الحال اپنے ذوق کے مطابق اچھی شاعری کا مطالعہ کیجئے۔

استاذی مطالعہ تو مسلسل جاری رہتا ہے کیا یہ غزل اس قابل نہیں کے اس پر کوئی اچھا برا تبصرہ کیا جائے ۔

 

[محمد اظہر نذیر]

محترم جناب عاجز صاحب
اصلاح کا مرتبہ اساتذہ کا ہے میں یہاں طالب علم کی حیثیت رکھتا ہوں پھر بھی آپ نے اس قابل سمجھا ہے تو شکر ہے پروردگار کا، میری ناقص رائے میں ''غزل'' آپ کی نظر ثانی چاہتی ہے کہ موجودہ حالت میں اس کی بنت نہایت مشکل ہو گی۔ آپ اسے کسی اور ڈھنگ سے کہنے کی کوشش کیجئے

 

[الف عین]

آسی بھائی کا مشورہ صائب ہے۔ اساتذہ کا کلام پڑھنے سے کچھ طبیعت میں موزونی آ جاتی ہے، اور بحر و عروض جانے بغیر بھی موزوں اشعار ’سرزد‘ ہوتے ہیں۔