ایک تازہ غزل - منیب احمد فاتح

[منیب احمد فاتح]

ایک تازہ غزل پیش ہے۔ جی کھول کر تنقید کریں تاکہ معائب و محاسن سامنے آ سکیں۔ عرض کیا ہے:

کسے فراغ پریشانئ عدو کے لئے​

بہت ہے حلقہِ احباب ہاؤ ہو کے لئے​

حسد سے مانگتی پھرتی ہے چشم رو بفرار​

شکستگی تمکنتِ حسنِ خوب رو کے لئے​

زشہرِ سنگ پرستاں ہوں داد خواہِ جنوں​

شکستِ شیشہِ پندارِ آبرو کے لئے​

سخن طرازئ فاتح ہے پاسِ اہلِ ہنر​

مقامِ نقد نہیں خوئے عیب جو کے لئے​

(ق)​

اڑی جو دشت میں بادِ خزاں بھبوکے لئے​

تو آ کے بوسے مری چشمِ بے وضو کے لئے​

کہا یہ میں نے کہ مت چھیڑ فکرمندِ بہار!​

کہ ہم بھی بیٹھے ہیں کچھ داغ آرزو کے لئے​

ذرا متابعِ جوشِ جنوں تو ہوں کہ چلیں​

ہزار خار سہی پائے جستجو کے لئے​

 

[شوکت پرویز]

حسد سے مانگتی پھرتی ہے چشم رو بفرار​

شکستگی تمکنتِ حسنِ خوب رو کے لئے​

شکستگی میں "ت" بھی تقطیع میں شمار ہو گی، یہ تائے فارسی نہیں ہے۔۔۔ اور اس وجہ سے درج بالا شعر وزن سے خارج ہو رہا ہے۔۔۔

 

[منیب احمد فاتح]

شکستگی میں "ت" بھی تقطیع میں شمار ہو گی، یہ تائے فارسی نہیں ہے۔۔۔ اور اس وجہ سے درج بالا شعر وزن سے خارج ہو رہا ہے۔۔۔

صحیح کہا، شکریہ!

 

[مدیحہ گیلانی]

واہ واہ !
خوب غزل کہی آپ نے منیب میاں ۔
جیتے رہیں بیٹا اللہ کرے زور قلم اور زیادہ۔

 

[الف عین]

خوب غزل ہے، بس وہی شکستگی ہی شکستہ ہے

 

[منیب احمد فاتح]

خوب غزل ہے، بس وہی شکستگی ہی شکستہ ہے

ہاں جی، اس کو دیکھتا ہوں۔

 

[منیب احمد فاتح]

واہ واہ !
خوب غزل کہی آپ نے منیب میاں ۔
جیتے رہیں بیٹا اللہ کرے زور قلم اور زیادہ۔

آمین!

 

[محتشم سلمان]

حضور حضور حضور! حد ہوتی ہے کسی شے کی بھی۔ عمر بیس برس آپ کی اور کلام دیکھئے۔۔۔ سبحان اللہ! ایک ایک شعر پر بجائے واہ آہ نکلتی ہے:

زشہر سنگ پرستاں ہوں داد خواہ جنوں​

شکست شیشہ پندار آبرو کے لئے​

اللہ اللہ! اور وہ جو ایک شعر آپ کا غلط ہوا تو مجھے تسلی ہوئی کہ یہ کلام آپ ہی کا ہے۔ ​

اور قطعہ دیکھئے، کیا ہی نقشہ آنکھوں میں گھما دیا آپ نے۔ ماشاءاللہ!​

میں نے تو دوسری ہی غزل آپ کی دیکھی ہے اور معتقد ہو گیا ہوں۔ آپ تو میرے ہی شہر میں رہتے ہیں۔ کوئی ملاقات کیجئے۔​

 

[محمداحمد]

زشہرِ سنگ پرستاں ہوں داد خواہِ جنوں
شکستِ شیشہِ پندارِ آبرو کے لئے

واہ واہ واہ

بہت عمدہ کلام ہے۔

 

[منیب احمد فاتح]

زشہرِ سنگ پرستاں ہوں داد خواہِ جنوں
شکستِ شیشہِ پندارِ آبرو کے لئے
واہ واہ واہ
بہت عمدہ کلام ہے۔

نہایت شکرگزار ہوں۔

 

[منیب احمد فاتح]

حضور حضور حضور! حد ہوتی ہے کسی شے کی بھی۔ عمر بیس برس آپ کی اور کلام دیکھئے۔۔۔ سبحان اللہ! ایک ایک شعر پر بجائے واہ آہ نکلتی ہے:

زشہر سنگ پرستاں ہوں داد خواہ جنوں​

شکست شیشہ پندار آبرو کے لئے​

اللہ اللہ! اور وہ جو ایک شعر آپ کا غلط ہوا تو مجھے تسلی ہوئی کہ یہ کلام آپ ہی کا ہے۔ ​

اور قطعہ دیکھئے، کیا ہی نقشہ آنکھوں میں گھما دیا آپ نے۔ ماشاءاللہ!​

میں نے تو دوسری ہی غزل آپ کی دیکھی ہے اور معتقد ہو گیا ہوں۔ آپ تو میرے ہی شہر میں رہتے ہیں۔ کوئی ملاقات کیجئے۔​

جناب معتقد بھی ہو گئے آپ!!!
جی ضرور، چند دن میں یونیورسٹی کے ایگزیمز سے فارغ ہو جاؤں گا۔ پھر آپ سے ملاقات یقینی۔

 

[محتشم سلمان]

بہت نوازش۔