ایک تصویر

[قیصرانی]

یہ تصویر آج صبح سے مجھے پریشان کر رہی ہے۔ کیا کوئی دوست اس تصویر کو دیکھ کر بتا سکتا ہے کہ اس بچے کے ذہن میں‌ کیا سوچ ہوگی

 

[عمر سیف]

تصویر واقعی پریشان کر دینے والی ہے۔ اس عمر میں بچوں کے ہاتھ میں قلم کتابیں ہونی چاہئیں اور جو مسقتبل کے معمار ہیں ان کو اس حال میں دیکھ کر دکھ ہوتا ہے۔

 

[ماوراء]

ہائے میں صدقے۔
قیصرانی، یہ تو کچھ بھی نہیں۔ دنیا میں ان معصوم بچوں پر تو اس سے بھی بڑے بڑے ظلم ہوتے ہیں۔
یہ اس وقت تو یہی سوچ رہا ہو گا کہ کب میں سیڑھیاں پار کر کے منزل تک پہنچوں گا۔

 

[قیصرانی]

اس بچے کے ذہن میں یہ سوال بھی تو ہو سکتا ہے کہ یہ کون الو کا پٹھا تصویر بنا رہا ہے، کیا میرا بوجھ ہلکا نہیں کر سکتا؟

یہ بھی سوال ہو سکتا ہے کہ میرا کیا قصور ہے جو اس عمر میں اس کام پر لگا دیا گیا؟

یہ بھی سوال ہو سکتا ہے کہ کیا یہی زندگی ہے؟

یہ بھی سوال ہو سکتا ہے کہ اگر میں کل کو بڑا آدمی بنا تو کسی کو معاف نہیں‌ کروں گا؟

 

[ماوراء]

سوال تو اس کے ذہن میں اس سے بھی زیادہ ہوں گے۔ لیکن اس کے سوالوں کا جواب کون دے گا؟؟؟

 

[نبیل]

اس تصویر کو دیکھ کر ایک ہی بات ذہن میں آتی ہے اور وہ ہے "انسانیت کی تذلیل"۔ اور کبھی شدید بے بسی کا احساس ہوتا ہے کہ میں ان کے لیے کچھ بھی نہیں کر سکتا۔ جن لوگوں کے اپنے بچے ہوتے ہیں وہ شاید اس کو زیادہ محسوس کر سکتے ہیں۔

میں گزشتہ سال پاکستان گیا تھا تو لاہور میں ایک سگنل پر گاڑی روکی۔ وہاں ایک عجیب منظر دیکھ کر میرا دل ٹوٹ گیا۔ ایک چھوٹا سا بچہ اخبار بیچنے کی کوشش کر رہا تھا اور اس کی آنکھوں سے آنسو بہہ رہے تھے۔ اس بچے پر سختی کرنے والا اسی سے کچھ بڑی عمر کا لڑکا تھا۔ اب مجھے یہ معلوم نہیں ہے کہ یہ سارا ایموشنل بلیک میل تھا یا حقیقت تھی، لیکن جب بھی مجھے اس کا خیال آتا ہے، میری آنکھوں سے آنسو نکل آتے ہیں اور اس کے بعد انتہائی تلخ جذبات اس کی جگہ لے لیتے ہیں۔

 

[شمشاد]

یہ تو کچھ بھی نہیں۔ لاہور سے گجرات تک، ادھر سیالکوٹ تک اور ادھر فیصل آباد تک، گھریلو صنعت بہت زیادہ ہے۔ کبھی وہاں دیکھیئے کہ بچے کتنی عمر سے عملی زندگی میں قدم رکھ دیتے ہیں۔ اس میں والدین کا بھی بہت قصور ہے کہ بچوں کو پڑھاتے نہیں اور دس سال سے بھی کم عمر بچوں کو کام سیکھنے پر لگا دیتے ہیں کہ چلو کچھ پیسے گھر میں آئیں گے۔

 

[انیس الرحمن]

یہ تصویر آج صبح سے مجھے پریشان کر رہی ہے۔ کیا کوئی دوست اس تصویر کو دیکھ کر بتا سکتا ہے کہ اس بچے کے ذہن میں‌ کیا سوچ ہوگی

یہ سوچ رہا ہے کہ یہ مجھ سے وزن لینے کے بجائے تصویر لے رہا ہے۔