ایک تھا ٹائیگر‘ صرف پانچ دن میں 100کروڑ کا بزنس

[حسیب نذیر گِل]

بھارت کے الیکٹرونک اور پرنٹ میڈیا کی آج کی سب سے بڑی انٹرٹیمنٹ نیوز یہ ہے کہ سلمان خان اور کترینہ کیف کی بدھ کو ریلیز ہونے والی نئی فلم ’ایک تھا ٹائیگر‘ نے صرف پانچ دن میں 100 کروڑ یعنی ایک ارب روپے کا بزنس کرکے تہلکہ مچا دیا ہے۔
اس سے قبل اب تک کسی بھی فلم نے اتنی کم مدت میں اتنا زیادہ بزنس نہیں کیاتھا۔ یہ ایک ریکارڈ ہے اور تجزیہ نگاروں کا کہنا ہے کہ آئندہ ریلیز ہونے والی کسی بھی فلم کو یہ ریکارڑ توڑ نے کے لئے ایک مدت درکار ہوگی۔
ٹائمز آف انڈیا‘ ،’ این ڈی ٹی وی‘ اور ’زی نیوز‘ سمیت متعدد میڈیا رپورٹس کے مطابق ’ایک تھا ٹائیگر‘ بھارت کے یوم آزادی، یعنی 15اگست کے موقع پر بدھ کو ریلیز ہوئی تھی آج اس فلم کی ریلیز کو 5دن مکمل ہوگئے ہیں۔ یوم آزادی کے سبب بھارت بھر میں عام تعطیل تھی لہذا فلم کی اوپننگ زبردست انداز میں ہوئی ۔ فلم نے پہلے ہی دن تقریباً33 کروڑ روپے کا بزنس کیا لیکن 16اگست یعنی جمعرات کو فلم نے مخض سواچودہ کروڑ روپے کا بزنس کیا۔ جمعہ کو موصول ہونے والے اعداو و شمار انتہائی حیران کن تھے ۔ اس روز فلم نے صرف ساڑھے بارہ کروڑ روپے کمائے لیکن ہفتے کو فلم نے ساڑھے پندرہ کروڑ کا شاندار بزنس کیا ۔ اتوار کے دن یہ رقم مزید بڑھ گئی۔ اس روز فلم نے23کروڑ سے زیادہ کا بزنس کیا ۔
ہندی فلم کی تاریخ میں آج تک کسی بھی فلم نے پانچ دن میں ایک ارب روپے کا بزنس نہیں کیا لیکن سلمان خان کی’ ایک تھا ٹائیگر‘ نے یہ ریکارڈ بنا کر باقی فلموں کو بہت پیچھے چھوڑ دیا ہے۔ اس فلم کی کہانی روایت سے ذرا ہٹ کر ہے ۔ ایک اور قابل ذکر بات یہ کہ ’ایک تھا ٹائیگر‘ ایک ارب روپے کا بزنس کرنے والی مسلسل چوتھی فلم ہے ۔ اس سے پہلے ’دبنگ‘ نے ایک ارب 47کروڑ، ’ریڈی‘ نے ایک ارب 22کروڑ اور’باڈی گارڈ‘ نے ایک ارب 48کروڑ روپے کا بزنس کیا تھا۔
یہ تینوں ہی فلمیں عید کے موقع پر ریلیز ہوئی تھیں جبکہ’ ایک تھا ٹائیگر‘ ایسے موقع پر ریلیز ہوئی ہے جب عید کے ساتھ ساتھ ایک ہی ہفتے میں ’ یوم آزادی‘ بھی دھوم دھام سے منایا گیا۔
منبع

 

[عسکری]

ظاہر ہے انڈین عوام پروپیگینڈہ کو بہت پسند کرتے ہیں اور اگر یہ پاکستان کے خلاف یا ہمارے اداروں کے خلاف ہو تو سونے پر سہاگہ

 

[نایاب]

اس فلم کی کہانی اور موضوع کیا ہے ؟۔جو پانچ دن میں اک ارب روپئے کا بزنس کر گئی ۔ ؟

 

[حسیب نذیر گِل]

اس فلم کی کہانی اور موضوع کیا ہے ؟۔جو پانچ دن میں اک ارب روپئے کا بزنس کر گئی ۔ ؟

میں نے اڑتی اڑتی سنی تھی کہ سلمان خان اس فلم میں ایک را ایجنٹ کا کردار ادا کر رہے ہیں۔اور اس فلم میں پاکستان کے بارے میں کافی مغلظات ہیں۔باقی فلم دیکھنے کے بعد پتہ چلے گا

 

[عسکری]

اس فلم کی کہانی اور موضوع کیا ہے ؟۔جو پانچ دن میں اک ارب روپئے کا بزنس کر گئی ۔ ؟

آئی ایس آئی کے خلاف ہیرو پاکستان میں دندناتا پھرتا ہے اور پاکستان کو ایسا دکھایا گیا ہے جیسے آزادی سے پہلے انڈیا کا کوئی دور دراز سا پتھر کے زمانے کا شہر جس میں بنیادی سہولتیں تو دور پہننے کو کپڑے تک نہیں عوام کے پاس ۔ اور ساتھ میں لڑکی پاکستانی جسے انڈین لڑکے سے پیار ہو جاتا ہے

 

[حسیب نذیر گِل]

آئی ایس آئی کے خلاف ہیرو پاکستان میں دندناتا پھرتا ہے اور پاکستان کو ایسا دکھایا گیا ہے جیسے آزادی سے پہلے انڈیا کا کوئی دور دراز سا پتھر کے زمانے کا شہر جس میں بنیادی سہولتیں تو دور پہننے کو کپڑے تک نہیں عوام کے پاس ۔ اور ساتھ میں لڑکی پاکستانی جسے انڈین لڑکے سے پیار ہو جاتا ہے

آپ نے دیکھی ہے کیا؟

 

[عسکری]

آپ نے دیکھی ہے کیا؟

نہیں میں نے پڑھا ہے میں فلمیں نہیں دیکھتا

 

[نایاب]

میں نے اڑتی اڑتی سنی تھی کہ سلمان خان اس فلم میں ایک را ایجنٹ کا کردار ادا کر رہے ہیں۔اور اس فلم میں پاکستان کے بارے میں کافی مغلظات ہیں۔باقی فلم دیکھنے کے بعد پتہ چلے گا

آئی ایس آئی کے خلاف ہیرو پاکستان میں دندناتا پھرتا ہے اور پاکستان کو ایسا دکھایا گیا ہے جیسے آزادی سے پہلے انڈیا کا کوئی دور دراز سا پتھر کے زمانے کا شہر جس میں بنیادی سہولتیں تو دور پہننے کو کپڑے تک نہیں عوام کے پاس ۔ اور ساتھ میں لڑکی پاکستانی جسے انڈین لڑکے سے پیار ہو جاتا ہے

سنا ہے کہ یہ پاکستان میں نمائیش کے لیئے پاکستان فلم سنسر بورڈ کے پاس ہے ۔
اگر ایسا موضوع ہے تو کیا پاکستان سنسر بورڈ اسے اجازت دے دیگا ۔ ؟

 

[حسیب نذیر گِل]

11 جولائی بی بی سی اردو کی ایک خبر
ایک تھا ٹائیگر‘ کی تشہیر پر پابندی

پاکستان میں بالی وڈ اداکار سلمان خان کی آنے والی فلم ’ایک تھا ٹائیگر‘ کے تشہیری پروموز پر پابندی لگا دی گئی ہے۔
خبر رساں ایجنسی پی ٹی آئی کے مطابق پاکستان الیکٹرانک میڈیا ریگولیٹری اتھارٹی نے پاکستان کے کیبل آپریٹرز اور سیٹلائٹ ٹی وی چینلز کو ہدایت دیتے ہوئے کہا ہے کہ یہ فلم پاکستان کی خفیہ ایجنسی آئی ایس آئی کی شبیہ کو غلط طریقے سے پیش کر رہی ہے۔
فلم کے ہدایت کار کبیر خان نے ٹوئٹر پر اپنے پیغام میں کہا ہے کہ ’ایک تھا ٹائیگر، کسی بھی طرح سے سخت گیر موقف کے حامیوں یا پاکستان کی مخالف فلم نہیں ہے‘۔
انہوں نے کہا کہ ’افسوس کی بات ہے کہ انڈسٹری میں پہلے کچھ شدت پسند فلمز بنائی گئیں جس کا نتیجہ آج ہم بھگت رہے ہیں۔ میں پاکستان میں سلمان کے مداحوں کو یقین دلاتا ہوں کہ پاکستان سنسر بورڈ یہ فلم دیکھنے کے بعد کسی طرح کا اعتراض نہیں اٹھائے گا اور ان کے تھیٹرز میں یہ فلم ضرور ریلیز ہوگی‘
’ایک تھا ٹائیگر‘ میں سلمان خان بھارتی خفیہ ادارے ’را‘ کے ایجنٹ کا کردار نبھاتے نظر آئیں گے جنہیں ایک مشن کے تحت پاکستان بھیجا جاتا ہے۔ اس فلم میں کترینہ کیف اور رنویر شوري بھی اہم کردار ادا کر رہے ہیں۔
مزید

 

[حسیب نذیر گِل]

اور یہ ڈان اردو 12 جولائی


سلمان خان کی فلم پر پاکستان کے تحفظات

بالی وڈ کے اداکار سلمان خان بارہ جولائی کو ممبئی میں ان کی آئندہ فلم ایک تھا ٹائیگر کے لئے پروموشنل ایونٹ میں۔ – اے ایف پی فوٹو
پاکستان نے سلمان خان کی نئی فلم ‘ایک تھا ٹائیگر’ کی ملک میں نمائش پر پابندی کی اطلاعات کو بے بنیاد قرار دیتے ہوئے کہا ہے کہ فلم کی نمائش سینسر سرٹیفیکیٹ حاصل کرنے سے مشروط ہے ۔
دی ٹائمز آف انڈیا کے مطابق پاکستان الیکٹرانک میڈیا ریگولیٹری اتھارٹی (پیمرا) نے چھ جولائی کوایک خط کے ذریعے تمام کیبل آپریٹرز اور ٹی وی چینلز کو پابند کیا تھا کہ وہ سینٹرل بورڈ آف فلم سینسر سے این او سی ملنے تک فلم سے متعلق کسی قسم کا مواد نہ چلائیں۔
خط کے مطابق فلم کی جھلکیوں سے پتا چلتا ہے کہ فلم میں ہندوستانی انٹیلیجنس ایجنسی را اور پاکستانی آئی ایس آئی کے درمیان پراکسی جنگ کو دکھایا گیا ہے۔
جب منگل کے روز پیمرا کے ترجمان اور جنرل مینیجر فخر الدین مغل سے اس بارے میں پوچھا گیا تو انھوں نے کسی بھی خط کے جاری ہونے کی تردید کی۔
تاہم انہوں نے بتایا کہ پاکستانی قانون کے مطابق ملک کی خود مختاری کے خلاف کسی قسم کی فلم نشر نہیں کی جا سکتی
منبع

 

[عسکری]

بات صرف فلم کی نہیں ہے جناب بلکہ اس پروپیکنڈے کی بھی ہے جو لا شعوری طور پر ناظرین اپنے دماغ میں بٹھاتے ہیں جیسے کہ پاکستان ایک ملک نہیں جنگل ہے جس میں ٹائیگر چھوڑ رکھا ہے انڈیا نے ۔ اسی طرح کئی سو ایسی چیزیں دکھائی جاتی ہیں جن کا پاکستان میں وجود ہی نہیں ۔ اسی طرح آئی ایس آئی ایک پاکستانی انٹیلی جینس سروس نہیں جیسے مافیا ہے جو ان پڑھ گنوار ملاؤں کا غول ہے ۔ اصل میں اگر دیکھا جائے تو آئی ایس آئی انڈیا کے خلاف ہمیشہ سے کامیاب ٹول ہے ، اس کے سات میں سے صرف ایک ونگ جے ائی بی Joint Intelligence Bureauکے انڈر انڈیا آتا ہے باقی چھ ونگ اور کام کے ہیں ۔ یہ ایک ڈسپلن والا فوجی ادارہ ہے جس میں پاکستان کے بہترین انٹیلی جنس آفیسرز کام کرتے ہیں جن کا کام مار دھاڑ بمباریاں قتل و غارت نہیں بلکہ انٹیلی جنس ہے ۔ اور حیرت کی بات سن لیں انڈین را سے زیادہ ٹرانسپیرنس اور اچھے انفسٹراکچر کی مالک آئی ایس آئی ہے کبھی آپ نے آفسز ہاوسنگز یا ایجنسی کے کسی آفس میں جائیں تو آپکو حیرت ہو گی کہ اتنی زیادہ جدید اور ماڈرن ٹیکنالوجی اور سہولیات سے مزین یہ ایجنسی ہے ۔ جسے انڈین بڑی بے شرمی سے ایک ایسی روگ اینجسی بنا کر پیش کرتے ہین جسے نا کوئی سلیقہ ہے نا جسکا کقئی قانون نا جن میں کوئی عقل ہے چند رومال ڈاڑھی والے ملا اور انگریز کے زمانے والے فوجی اسے چلا رہے ہین۔

یہ ہے اسلام آباد میں آئی ایس آئی کا نیا پروجیکٹ جس میں ملازمین کے لیے نیا کمپاؤنڈ بنایا جا رہا ہے

 

[MughalS]

مسلسل چوتھی بیکار فلم کا شاندار بزنس۔ انڈین کو واقع کہانی سے کوئی لینا دینا نہیں ہوتا۔ جتنی بونگیاں اس کی اور اکشے کی فلموں میں ہوتیں ہیں اور کسی کی فلموں میں نہیں ہوتیں۔

 

[حسیب نذیر گِل]

بس جی نام چلتا ہے

 

[MughalS]

اسی لئے ہم نے فلموں سے کنارا کر کے ٹی وی شوز دیکھنے شروع کئے ہیں۔

 

[عظیم اللہ قریشی]

واہ واہ پاکستانی یعنی عبداللہ
آپ کے پاس تو کافی معلومات ہیں یار آپ اتنے ٹیڑھے نہیں جتنے کےنظر آتے ہو