ایک حماقت کا ازالہ-ترمیم شدہ غزل

[حمید]

یاران محفل کے مشورے پر غزل کی زمین ہی تبدیل کر دی ہے،اس لیے دوبارہ لگا رہا ہوں-

اپنا چہرہ چھپا لے نہیں جاتے اب​

میرے گھر سے اجالے نہیں جاتے اب​

​

عقل کی تھیں عمارت میں ویرانیاں​

ذہن پر چھائے جالے نہیں جاتے اب​

​

مانگتے ہیں سمجھ کر وہ اب اپنا حق​

کچھ گھروں سے اُٹھالے نہیں جاتے اب​

​

ہے سزاآدمی کو طرب دائمی​

جنتوں سے نکالے نہیں جاتے اب​

​

سچ ہے اب آنکھوں میں آنکھیں ڈالے ہوئے​

کیوں زبانوں سے تالے نہیں جاتے اب​

​

دوستی پالتے ہو تم اس دور میں​

لوگوں سے بچے پالے نہیں جاتے اب​

 

[حمید]

کوئی مہر نہیں، کوئی قہر نہیں، پھر سچا شعر سنائیں کیا

 

[الف عین]

اچھی غزل ہے، اصلاح سخن میں ہوتی تو کچھ کہتا بھی۔

 

[حمید]

جناب اب اصلاح سخن میں ہے، ویسے جہاں بھی ہو، نیت ہمیشہ طالب علمانہ ہے-

 

[اسامہ جمشید]

دوستی پالتے ہو تم اس دور میں
لوگوں سے بچے پالے نہیں جاتے اب

سبحان اللہ۔​

 

[الف عین]

اب اصلاح کی نیت کرتا ہوں!!!!
پہلی بات تو ردیف مجھے اب بھی پسند نہیں ا رہی ہے۔ اس میں روانی نہیں، کہ ’جاتِ اب‘ تقطیع ہو رہا ہے۔ بہتر ہو کہ یہی بحر و اوزان رکھتے ہوئے، ’ہی جاتے نہیں‘ یا ’بھی جاتے نہیں‘ ردیف کر دی جائے۔
دوسری بات، مطلع کا پہلا مصرع ہی غلط گرامر کا ہے۔
اپنا چہرہ چھپا لے نہیں جاتے اب
سے کیا یہ مطلب نکالا جائے کہ چہرہ نہیں چھپاتے!!