ایک شرارتی سے غزل ذرا ہٹ کے، '' جان مانگی ہی نہیں، لے بھی ہے لی جانی نے''

[محمد اظہر نذیر]

جان مانگی ہی نہیں، لے بھی ہے لی جانی نے
دیکھ، سینے سے جو لُپٹی ہے چنر دھانی نے

خوش رہو تُم کے میں ہجراں کا پرستار ہوا
بے مزہ کر سا دیا وصل فراوانی نے

خشک حلقوم پہ انگار بنا برسا ہے
آگ سُلگائی ہے انگور ملے پانی نے

آرزو ہے کے وہ ملبوس پہ اب جاگے ہے
ایک نیکی تو چلو کی ہے یہ عریانی نے

جو کہ ہونا تھا ہوا ویسا ہی سوچا جیسے
مجھ کو حیراں سا کیا میری ہی حیرانی نے

جانے کس کس کے ہے جزبات کو چھیڑا جا کر
ہائے اظہر ترے الفاظ کی شیطانی نے​

 

[قیصرانی]

اچھی لگی۔ تاہم یہ مصرعہ کچھ ترتیب بدلنے سے بہتر نہ ہو جاتا؟

جان مانگی ہی نہیں، لے بھی ہے لی جانی نے

کی جگہ

جان مانگی ہی نہیں، لے بھی لی ہے جانی نے

بہر طور اس بارے اساتذہ بہتر فرما سکتے ہیں

 

[شیرازخان]

بہت خوب۔۔۔۔۔

 

[شیرازخان]

بہت خوب۔۔۔۔۔

 

[الف عین]

خوب، بس مطلع پسند نہیں آیا۔ الفاظ کی نشست اچھی نہیں ہے، بلکہ الفاظ کا انتخاب بھی۔ بہتر ہے کہ دوسرا مطلع کہو۔ باقی سب اشعار درست ہیں