اسی شعر کی ایک شکل اور کچھ یوں بنی ہے
لیا ہے درس کسی نے تو زندگی سے مری
کتابِ عشق کا تہہ دار اک ورق ہوں میں
اساتذہ اور شعراء سے توجہ کی درخواست.
جزاک اللہ ظہیر بھائی خصوصی توجہ کا.تابش بھائی ، جب بیٹھے بٹھائے یوں ہی شعر ہونے لگیں تو سمجھئے کہ اب آپ گئے کام سے !
دوسرا والا ٹھیک نہیں لگ رہا ۔ چونکہ بات ورق کی ہے اس لئے یہاں تہہ دار کے بجائے تہہ شدہ کا محل ہے ۔ تہہ دار کے معنی تو کچھ اور ہیں جو آپ جانتے ہی ہیں ۔ اور اس میں دونوں مصرعے زیادہ مربوط نہیں ۔ پہلا شعر بہتر ہے ۔ فیض لینا ویسے تو ٹھیک ہے لیکن فیض اٹھانا یا فیض پانا فصیح ہے۔
ویسے آپ کے اس شعر سے ہمیں اپنی ایک پرانی غزل یاد آگئی جو مشاعرے کے بعد کئی اور بازیاب غزلیات کے ساتھ محفل پر پوسٹ کرنے کا ارادہ ہے ۔ اس غزل کامطلع کچھ یوں ہے:
کب سے لگی ہےاُس کی نشانی کتاب میں
کاغذ مُڑا ہوا ہے پرانی کتاب میں
باقی پھر ۔
جزاک اللہ وارث بھائی.
اگر کسی کتاب کی جگہ "کتابِ ہست" کر دوں تو کیا یہ ترکیب درست ہے؟کسی نے فیض اٹھایا ہے زندگی سے مری
یہ مصرع زیادہ رواں لگ رہا ہے، حشو اور تعقید لفظی سے بھی صاف ، اب اس کو مصرع ثانی کے ساتھ دیکھیں تو
کسی نے فیض اٹھایا ہے زندگی سے مری
کسی کتاب کا موڑا ہوا ورق ہوں میں
یہاں کسی کی تکرار ہو گئی ہے لیکن بری نہیں لگ رہی
پھر اس سے بہتر" کتابِ زیست" ہے۔
بہت بہتر
تو یہ تو کسی کتاب سے بھی مطلب نہیں نکلتا
آپ کی رائے آ گئی ہے. تو اب کسی ہی رہنے دیتا ہوں.
یوں کر کے دیکھ لیں "کسی " کی تکرار سے بھی بچ جائیں گے اور عمومیت بھی ختم ہو جائے گی .
جزاک اللہ بہن.
آپ کے مزید کلام کا انتظار رہے گا.