ایک طوفاں ہے بے حیائی کا ۔

[عظیم]

ایک طوفاں ہے بے حیائی کا
اس پہ دشمن ہے بھائی بھائی کا

ڈر نہ ہو جان کا تو ہر کوئی
دعوی کرتا ہے بس خدائی کا

روکتے ہو کسی غریب کو کیوں
جب ارادہ کرے بھلائی کا

کتنا آساں ہے راستہ، ہے خبر ؟
آج کے دور میں برائی کا

کاٹنا چاہتے ہو دوسرے ہاتھ
خامہ ٹوکا نہیں قصائی کا

عشق بس کی نہیں ہے اس کے بات
جس کو خدشہ ہو جگ ہنسائی کا

چاہتا ہوں وہ یوں اسیر کرے
سوچ پاؤں نہ کچھ رہائی کا


*****
​

 

[الف عین]

واہ واہ، یہ تو اچھی غزل تھی۔ میرے دیکھنے سے کیسے رہ گئی۔

 

[فاخر رضا]

ایک طوفاں ہے بے حیائی کا
اس پہ دشمن ہے بھائی بھائی کا

ڈر نہ ہو جان کا تو ہر کوئی
دعوی کرتا ہے بس خدائی کا

روکتے ہو کسی غریب کو کیوں
جب ارادہ کرے بھلائی کا

کتنا آساں ہے راستہ، ہے خبر ؟
آج کے دور میں برائی کا

کاٹنا چاہتے ہو دوسرے ہاتھ
خامہ ٹوکا نہیں قصائی کا

عشق بس کی نہیں ہے اس کے بات
جس کو خدشہ ہو جگ ہنسائی کا

چاہتا ہوں وہ یوں اسیر کرے
سوچ پاؤں نہ کچھ رہائی کا


*****
​

زبردست
خامہ ٹوکا نہیں قصائی کا
اسکا مطلب بتا دیں

 

[فہد اشرف]

زبردست
خامہ ٹوکا نہیں قصائی کا
اسکا مطلب بتا دیں

کہیں پڑھا تھا کہ قصائی کا صحیح املا قسائی ہوتا ہے۔

 

[عظیم]

زبردست
خامہ ٹوکا نہیں قصائی کا
اسکا مطلب بتا دیں

مطلب کہ قلم قصائی کا ٹوکا نہیں ہے جس سے دوسرے لکھنے والوں کے ہاتھ کاٹے جائیں ۔ یعنی زور دکھایا جائے ۔

 

[فہد اشرف]

مطلب کہ قلم قصائی کا ٹوکا نہیں ہے جس سے دوسرے لکھنے والوں کے ہاتھ کاٹے جائیں ۔ یعنی زور دکھایا جائے ۔

ٹوکا ایک قسم کا کاٹنے کا آلہ ہوتا ہے نا؟