ایک غزل، تنقید، تبصرہ اور رہنُمائی کے لیے،'' ترے جمال سے بڑھ کر جمال کیا ہو گا''

[محمد اظہر نذیر]

ترے جمال سے بڑھ کر جمال کیا ہو گا​

ترا جواب نہیں ہے، سوال کیا ہو گا​

​

​

قرار چھین گیا ہے ترا تصور ہی​

حضور حسن میں جانے یہ حال کی ہو گا​

​

​

ترے خیال کا ہجراں میں لطف اتنا ہے​

میں سوچتا ہوں کہ آخر وصال کیا ہو گا​

​

​

کمال اُس کا بنایا ہے تُجھ کو فرصت سے​

غرور جس پہ اُسے ہو، کمال کیا ہو گا​

​

​

وہ آ گئے ہیں عیادت کو اور کیا مانگوں​

مریض اس سے زیادہ نہال کیا ہو گا​

​

​

شریک میری وہ خوشیوں میں جب نہیں ہوتے​

مجھے ہے رنج، تو اُن کو ملال کیا ہو گا​

​

​

سرور قرب سے بڑھتا ہے اور بڑھ جائے​

ذرا بھی خود کو نہ اظہر سنبھال، کیا ہو گا​

 

[الف عین]

واہ اظہر، پہلی نظر میں تو کوئی خامی نظر نہیں آ سکی۔مبارک ہو

 

[شوکت پرویز]

​

​

​

شریک میری وہ خوشیوں میں جب نہیں ہوتے​

شریک خوشیوں میں میری وہ جب نہیں ہوتے