ایک غزل ،''دیدہ دل بھی فرش راہ کیے''

[محمد اظہر نذیر]

ایک غزل ہوی ہے، مطلع میں شک ہے کہ بحر میں ہے کہ نہیں؟ بادی النظر میں تو لگتا

دیدہ دل بھی فرش راہ کیے​

دوست پھر بھی کہ آہ، آہ کیے​

​

​

ڈھونڈ پائے نہ اپنی وہ منزل​

اور کھوٹی مری بھی راہ کیے​

​

​

خود تو اُجڑے مگر ستم اُس پر​

گلُ گلزار بھی تباہ کیے​

​

​

کیسے لاوں میں شاھد الفت؟​

چاند تاروں کو ہم گواہ کیے​

​

​

تیری رحمت کے سامنے کیا ہیں​

عمر بھر ہی سہی، گناہ کیے​

​

​

لوگ اظہر کے تھے تمنائی​

اور وہ تھا تری ہی چاہ کیے​

 

[مزمل شیخ بسمل]

مطلع پہلا مصرعہ "فرش" گڑبڑ کر رہا ہے. کچھ اور سوچیں شاید حل نکل آئے.
باقی تو سب ٹھیک ہے.
استاد محترم بھی آتے ہوں شاید.

 

[محمد اظہر نذیر]

یہ در اصل دیدہ و دل ہے
دی ۔۔د۔۔۔او۔۔دل ،،،،،، ب۔۔فر۔۔ش۔۔را،،،،،، ہ۔۔ک۔۔یے
فاعلاتن،،،،،،،،،،،،،،،،،،،،مفاعلن،،،،،،،،،،،،،،،،،،،،،فعلن

 

[محمد اظہر نذیر]

دیدہ و دل بھی فرش راہ کیے​

دوست پھر بھی کہ آہ، آہ کیے​

​

ڈھونڈ پائے نہ اپنی وہ منزل​

اور کھوٹی مری بھی راہ کیے​

​

خود تو اُجڑے مگر ستم اُس پر​

گلُ گلزار بھی تباہ کیے​

​

کیسے لاوں میں شاھد الفت؟​

چاند تاروں کو ہم گواہ کیے​

​

تیری رحمت کے سامنے کیا ہیں​

عمر بھر ہی سہی، گناہ کیے​

​

لوگ اظہر کے تھے تمنائی​

اور وہ بس تری ہی چاہ کیے​

 

[مزمل شیخ بسمل]

عروضی تو کوئی غلطی نہیں اب. میری ناقص عقل کے مطابق.

 

[الف عین]

عروضی تو کوئی غلطی نہیں اب. میری ناقص عقل کے مطابق.

تمہاری بات درست ہے، تفصیلی رائے بعد میں۔

 

[محمد اظہر نذیر]

ایک تبدیلی

​

دیدہ و دل بھی فرش راہ کیے​

دوست پھر بھی کہ آہ، آہ کیے​

​

ڈھونڈ پائے نہ اپنی وہ منزل​

اور کھوٹی مری بھی راہ کیے​

​

خود تو اُجڑے مگر ستم اُس پر​

گلُ گلزار بھی تباہ کیے​

​

کیسے لاوں میں شاھد الفت؟​

چاند تاروں کو ہم گواہ کیے​

​

تیری رحمت کے سامنے کیا ہیں​

عمر بھر گو کہ ہم، گناہ کیے​

​

لوگ اظہر کے تھے تمنائی​

اور وہ بس تری ہی چاہ کیے​

 

[الف عین]

دیدہ و دل بھی فرش راہ کیے
دوست پھر بھی کہ آہ، آہ کیے
// پہلے مصرع میں بات مکمل نہیں ہوتی۔ دیدہ و دل میں سے دیدہ نکال دو، دوسرا مصرع بھی ربط نہیں رکھتا۔ یوں ممکن ہے:
ہم تو تھے دل کو فرش راہ کیے
لوگ بیٹھے تھے آہ، آہ کیے

ڈھونڈ پائے نہ اپنی وہ منزل
اور کھوٹی مری بھی راہ کیے
//درست، بس ’مری بھی‘ اچھا نہیں لگتا
اور کھوٹی بھی میری راہ کیے


خود تو اُجڑے مگر ستم اُس پر
گلُ گلزار بھی تباہ کیے
//ستم کس پر؟

کیسے لاوں میں شاھد الفت؟
چاند تاروں کو ہم گواہ کیے
//مفہوم؟ پہلے مصرع میں صیغہ میں‘ کا ہے، دوسرے میں ’ہم‘ کا

تیری رحمت کے سامنے کیا ہیں
عمر بھر ہی سہی، گناہ کیے
// تیری رحمت کے سامنے کیا ہیں
عمر بھر ہم رہے گناہ کیے

لوگ اظہر کے تھے تمنائی
اور وہ بس تری ہی چاہ کیے
//درست