ایک غزل آپ کی بصارتوں کی نذز

[عبدالوہاب سخن]

پتھر تمام شہرِ ستمگر کے ہو گئے
جتنے تھے آئنے وہ مرے گھر کے ہو گئے

شاید کہ یہ زمانہ انہیں پوجنے لگے
کچھ لوگ اِس خیال سے پتھر کے ہو گئے

سفاک موسموں نے عجب سازشیں رچیں
ٹکڑے ہوا کے ہاتھوں گلِ تر کے ہو گئے

محور سے اُن کو کھینچ نہ پائی کوئی کشش
شوقِ طواف میں جو ترے در کے ہو گئے

وہ اپنے لاشعور سے ہجرت نہ کر سکا
میرے ارادے سات سمندر کے ہو گئے

میری بلندیوں پہ تھی جِن کی نظر سخنؔ
میں خوش ہوں وہ بھی میرے برابر کے ہو گئے

عبدالوہاب سخن

 

[محمد تابش صدیقی]

بہت خوب.
کیا خوب باندھا ہے

شاید کہ یہ زمانہ انہیں پوجنے لگے
کچھ لوگ اِس خیال سے پتھر کے ہو گئے

 

[عبدالوہاب سخن]

محمد تابش صدیقی صاحب بے حد نوازش

 

[عباد اللہ]

شاید کہ یہ زمانہ انہیں پوجنے لگے
کچھ لوگ اِس خیال سے پتھر کے ہو گئے

واہ واہ

 

[عبدالوہاب سخن]

عباد اللہ صاحب۔۔ ریحان صاحب بہت شکریہ پسندیدگی کے لئے

 

[ادب دوست]

بہت خوب جناب واہ

 

[عبدالوہاب سخن]

نوازش ادب دوست اسم با مسمیٰ۔۔

 

[ادب دوست]

میرے بلندیوں پہ تھی جِن کی نظر سخنؔ
میں خوش ہوں وہ بھی میرے برابر کے

یہاں شاید "میری" کی جگہ "میرے" لکھا گیا ہے مصرع اؤل ٹائیپو

 

[عبدالوہاب سخن]

صحیح فرمایا درست کرتا ہوں۔شکریہ

 

[عبدالوہاب سخن]

میری بلندیوں پہ تھی جِن کی نظر سخنؔ​

میں خوش ہوں وہ بھی میرے برابر کے​

 

[عدنان عمر]

بہت خوب۔ کیا کہنے۔

 

[عبدالوہاب سخن]

نوازش عدنان عمر صاحب

 

[ظہیراحمدظہیر]

بہت خوب عبدالوہاب سخن صاحب! بہت داد! کیا اچھی غزل ہے !
اس لئےبھی اچھی لگی کہ اس زمین میں کوئی دس سال پرانی ہماری بھی ایک غزل ہے۔
تیسرے شعر کا مصرع اولیٰ ایک نظر دیکھ لیجئے۔ توجہ چاہتا ہے ۔

 

[کاشف اسرار احمد]

ماشا اللہ خوب غزل ہے جناب !

 

[ابن رضا]

بہت خوب جناب

 

[گلزار خان]

میں خوش ہوں وہ بھی میرے برابر کے ہو گئے

بہت خوب
اللہ آپکو خوش ہی رکھے سدا

 

[فوزیہ رباب]

بہت خوب سخن صاحب مطلع تا مقطع کیا عمدہ مرصع و مسجع کلام سے نوازا ہے خصوصاً آپ کا مشہور زمانہ شعر

شاید کہ یہ زمانہ انہیں پوجنے لگے
کچھ لوگ اس خیال سے پتھر کے ہو گئے

بہت پسند آیا ہے عمدہ غزل کے لئے تہہ دل سے مبارکباد قبول فرمائیں