ایک غزل اچار مکس ،'' مجھ میں کچھ تبدیل ہونا چاہئے''

[محمد اظہر نذیر]

مجھ میں کچھ تبدیل ہونا چاہئے
خود کو اچھا فیل ہونا چاہئے

ہاتھ ہوں میزوں کے اوپر ہی دھرے
اُن کے نیچے ڈیل ہونا چاہئے

شر تو ملا نے ہو پھیلایا مگر
مسجدوں کو سیل ہونا چاہئے

کھال مزدوروں کی کیوں چھلکے سی ہے
بس کہ چھلکا پیل ہونا چاہئے

مرہم۔ زخم زباں درکار ہے
زخم فورا ھیل ہونا چاہئے

اُس کے در کے سامنے بیٹھا رہوں
مجھ کو اتنی ڈھیل ہونا چاہئے

گھر اگر معشوق کا کچھ دور ہو
ایک فٹ کا میل ہونا چاہئے

قوم باندھوں ڈور سے مظبوط ہو
ریل میں اسٹیل ہونا چاہئے

اطمناں کچھ راستہ کٹنے کا ہو
کوئی سنگ میل ہونا چاہئے

بنت حوا کی نزاکت کی قسم
جسم پر کیا نیل ہونا چاہئے؟

گھر ہو باغیچہ ہو اظہر پھول ہوں
اور کنارے جھیل ہونا چاہئے​

 

[الف عین]

خوب
شر تو ملا نے ہو پھیلایا مگر
مسجدوں کو سیل ہونا چاہئے
پہلا مصرع کچھ بدلو

کھال مزدوروں کی کیوں چھلکے سی ہے
بس کہ چھلکا پیل ہونا چاہئے
سمجھ میں نہیں آیا۔ پہلا مصرع تبدیلی چاہتا ہے

قوم باندھوں ڈور سے مظبوط ہو
ریل میں اسٹیل ہونا چاہئے
÷÷مطلب؟ پہلا مصرع بدلنا ہو گا

اطمناں کچھ راستہ کٹنے کا ہو
کوئی سنگ میل ہونا چاہئے
اطمینان کی یا ہجائے بلند ہے۔
راہ کٹ جانے کا کچھ امکان ہو
یا اس قسم کا کچھ کیا جا سکتا ہے

 

[محمد اظہر نذیر]

خوب
شر تو ملا نے ہو پھیلایا مگر
مسجدوں کو سیل ہونا چاہئے
پہلا مصرع کچھ بدلو
جی بہت بہتر جناب، یوں دیکھ لیجئے
ہے عجب پھیلائے شر مُلا مگر

کھال مزدوروں کی کیوں چھلکے سی ہے
بس کہ چھلکا پیل ہونا چاہئے
سمجھ میں نہیں آیا۔ پہلا مصرع تبدیلی چاہتا ہے
جی بہتر
محنت ۔ مزدور کیا احسان ہے؟
ان کا چھلکا پیل ہونا چاہئے

قوم باندھوں ڈور سے مظبوط ہو
ریل میں اسٹیل ہونا چاہئے
÷÷مطلب؟ پہلا مصرع بدلنا ہو گا
گویا قوم کو مضبوطی سے باندھنا ہے ڈور چاہئے، یوں کہیں تو؟
قوم باندھوں ڈور اک درکار ہے

اطمناں کچھ راستہ کٹنے کا ہو
کوئی سنگ میل ہونا چاہئے
اطمینان کی یا ہجائے بلند ہے۔
راہ کٹ جانے کا کچھ امکان ہو
یا اس قسم کا کچھ کیا جا سکتا ہے
یوں دیکھئے تو
راستہ کٹنے کا کچھ احساس ہو

گویا صورتحال کچھ ایسی ہوئی

مجھ میں کچھ تبدیل ہونا چاہئے
خود کو اچھا فیل ہونا چاہئے

ہاتھ ہوں میزوں کے اوپر ہی دھرے

اُن کے نیچے ڈیل ہونا چاہئے

ہے عجب پھیلائے شر ملا مگر
مسجدوں کو سیل ہونا چاہئے

محنت ۔۔ مزدور کیا احسان ہے
ان کا چھلکا پیل ہونا چاہئے

مرہم۔ زخم زباں درکار ہے
زخم فورا ھیل ہونا چاہئے

اُس کے در کے سامنے بیٹھا رہوں
مجھ کو اتنی ڈھیل ہونا چاہئے

گھر اگر معشوق کا کچھ دور ہو
ایک فٹ کا میل ہونا چاہئے

قوم باندھوں ڈور اک درکار ہے
ریل میں اسٹیل ہونا چاہئے

راستہ کٹنے کا کچھ احساس ہو
کوئی سنگ میل ہونا چاہئے

بنت حوا کی نزاکت دیکھئے
جسم پر کیا نیل ہونا چاہئے؟

گھر ہو باغیچہ ہو اظہر پھول ہوں
اور کنارے جھیل ہونا چاہئے​

 

[الف عین]

باقی تو درست لیکن یہ دونوں۔۔

ہے عجب پھیلائے شر ملا مگر
مسجدوں کو سیل ہونا چاہئے

محنت ۔۔ مزدور کیا احسان ہے
ان کا چھلکا پیل ہونا چاہئے
واضح نہیں ہیں۔ پیل کیا انگریزی والا ہے؟

 

[محمد اظہر نذیر]

باقی تو درست لیکن یہ دونوں۔۔

ہے عجب پھیلائے شر ملا مگر
مسجدوں کو سیل ہونا چاہئے
جی اگر یوں کہا جائے تو مناسب ہے کیا؟
کاروبار شر تو چلتا ہی رہے
مسجدوں کو سیل ہونا چاہئے

محنت ۔۔ مزدور کیا احسان ہے
ان کا چھلکا پیل ہونا چاہئے
واضح نہیں ہیں۔ پیل کیا انگریزی والا ہے؟
جی یہ انگریزی والا پیل ہے یعنی چھیلنا، یون دیکھ لیجئے شعر
کھال آجر کی ہو ہر مزدور کی
ان کا چھلکا پیل ہونا چاہئے

گویا

مجھ میں کچھ تبدیل ہونا چاہئے
خود کو اچھا فیل ہونا چاہئے

ہاتھ ہوں میزوں کے اوپر ہی دھرے
اُن کے نیچے ڈیل ہونا چاہئے

کاروبار شر تو چلتا ہی رہے
مسجدوں کو سیل ہونا چاہئے

کھال آجر کی ہو ہر مزدور کی
ان کا چھلکا پیل ہونا چاہئے

مرہم۔ زخم زباں درکار ہے
زخم فورا ھیل ہونا چاہئے

اُس کے در کے سامنے بیٹھا رہوں
مجھ کو اتنی ڈھیل ہونا چاہئے

گھر اگر معشوق کا کچھ دور ہو
ایک فٹ کا میل ہونا چاہئے

قوم باندھوں ڈور اک درکار ہے
ریل میں اسٹیل ہونا چاہئے

راستہ کٹنے کا کچھ احساس ہو
کوئی سنگ میل ہونا چاہئے

بنت حوا کی نزاکت دیکھئے
جسم پر کیا نیل ہونا چاہئے؟

گھر ہو باغیچہ ہو اظہر پھول ہوں
اور کنارے جھیل ہونا چاہئے​

 

[الف عین]

مسجدوں کو سیل کرنے والی بات میری سمجھ میں نہیں آئی۔ اگر یہ مراد ہے کہ "ورنہ"وہاں کاروبار شر چلتا رہے گا اگر سیل نہ کی جائیں تو۔۔۔۔ اگر یہی مراد ہے تو یہ مفہوم واضح نہیں ہوتا۔'ورنہ' کہیں فٹ کر سکو تو شاید واضح ہو جائے

 

[محمد اظہر نذیر]

مسجدوں کو سیل کرنے والی بات میری سمجھ میں نہیں آئی۔ اگر یہ مراد ہے کہ "ورنہ"وہاں کاروبار شر چلتا رہے گا اگر سیل نہ کی جائیں تو۔۔۔ ۔ اگر یہی مراد ہے تو یہ مفہوم واضح نہیں ہوتا۔'ورنہ' کہیں فٹ کر سکو تو شاید واضح ہو جائے
جی محترم کہنا یہ ہے کہ شر کے کاروبار پر کوئی اعتراض نہیں کسی کو، مگر مسجدیں بند کرنا چاہتے ہیں