ایک غزل برائے تنقید، تبصرہ اور رہنمائی کے،'' زندگی کچھ بھی نہیں ہاتھ میں زر ہونے تک''

[محمد اظہر نذیر]

زندگی کچھ بھی نہیں ہاتھ میں زر ہونے تک
قید رہنا ہی ہے دیوار میں در ہونے تک

لوٹنا بھول کے دیوار سے لگ بیٹھا ہوں
ہاتھ پھیلا ہے، دعاؤں میں اثر ہونے تک

ہو گیا جب تو یہ دیکھیں گے ہوا کیا کیا ہے
خوف انہونی کا رہتا ہے مگر ہونے تک

چار دیوار کی وقعت کا پتہ چل جائے
آسماں کے ہوں تلے میں بھی جو گھر ہونے تک

پُتلیاں آنکھ کی لگتا ہے کہ پتھرائیں گی
جان اظہر تیرا رستے سے گزر ہونے تک​

 

[غلام ربانی فدا]

اساتذہ فن تشریف لاتے ہوں گے۔ہم صدائے جرس ہیں

 

[محمد اظہر نذیر]

اساتذہ فن تشریف لاتے ہوں گے۔ہم صدائے جرس ہیں

پر اب ایسا جرس بھی کیا کہ صدا آئے ہی نہیں، حضور کچھ تو ارشاد فرمائیے

 

[رحیم ساگر بلوچ]

ﮨﻮ ﮔﯿﺎ ﺟﺐ ﺗﻮ ﯾﮧ ﺩﯾﮑﮭﯿﮟ
ﮔﮯ ﮨﻮﺍ ﮐﯿﺎ ﮐﯿﺎ ﮨﮯ
ﺧﻮﻑ ﺍﻧﮩﻮﻧﯽ ﮐﺎ ﺭﮨﺘﺎ ﮨﮯ
ﻣﮕﺮ ﮨﻮﻧﮯ ﺗﮏ..
خوب ھے جناب داد قبول فرمائیے

 

[محمد اظہر نذیر]

چچا غالب کے مصرع پر میری ہرزہ سرائی

زندگی کچھ بھی نہیں ہاتھ میں زر ہونے تک
قید رہنا ہی ہے دیوار میں در ہونے تک

لوٹنا بھول کے دیوار سے لگ بیٹھا ہوں
ہاتھ پھیلا ہے، دعاؤں میں اثر ہونے تک

کیا ستم ہے کہ کرو واہ، اثر فوری ہو
آہ کو چاہئے اک عمر اثر ہونے تک

ہو گیا جب تو یہ دیکھیں گے ہوا کیا کیا ہے
خوف انہونی کا رہتا ہے مگر ہونے تک

چار دیوار کی وقعت کا پتہ چل جائے
آسماں کے ہوں تلے میں بھی جو گھر ہونے تک

پُتلیاں آنکھ کی لگتا ہے کہ پتھرائیں گی
جان اظہر تیرا رستے سے گزر ہونے تک​

 

[الف عین]

رسید حاضر

 

[الف عین]

اصلاح حاضر
زندگی کچھ بھی نہیں ہاتھ میں زر ہونے تک
قید رہنا ہی ہے دیوار میں در ہونے تک
/درست

لوٹنا بھول کے دیوار سے لگ بیٹھا ہوں
ہاتھ پھیلا ہے، دعاؤں میں اثر ہونے تک
//خوب۔ درست

کیا ستم ہے کہ کرو واہ، اثر فوری ہو
آہ کو چاہئے اک عمر اثر ہونے تک
//پہلا مصرع شاید اس طرح واضح تر ہو۔۔
جب کرو واہ تو ہوتا ہے اثر جلد، مگر

ہو گیا جب تو یہ دیکھیں گے ہوا کیا کیا ہے
خوف انہونی کا رہتا ہے مگر ہونے تک
//’انہونی‘ کا تلفظ ’انونی‘ کی طرح تقطیع ہوتا ہے۔ ان۔ ہونی‘ نہیں
یوں کیں تو
ہو گیا جب تو یہ دیکھیں گے ہوا ہے کیا کچھ
خوف ان دیکھے کا رہتا ہے مگر ہونے تک

چار دیوار کی وقعت کا پتہ چل جائے
آسماں کے ہوں تلے میں بھی جو گھر ہونے تک
//دوسرا مصرع رواں نہیں

پُتلیاں آنکھ کی لگتا ہے کہ پتھرائیں گی
جان اظہر تیرا رستے سے گزر ہونے تک
/پتلیاں تو نہیں۔ آنکھیں پتھرا جانے کا محاورہ ہے۔
آنکھیں شاید مری پتھرا تی چلی جائیں گی
یا اس قسم کا کچھ اور، (محض مثال کے لئے پتھرانے چلے جانے کا محاورہ استعمال کیا ہے مورنی درست یہ بھی نہیں)