ایک میٹھی سی غزل، تنقید، تبصرہ اور رہنمائی کیلئے، چھپا کر فائدہ کیا، کہ کے دیکھیں''

[محمد اظہر نذیر]

چھپا کر فائدہ کیا، کہہ کے دیکھیں
پھر اُس کے بعد جو ہو سہہ کے دیکھیں

اکٹھے رہ کے اُکتا سے گئے ہیں
چلو کچھ دیر تنہا رہ کے دیکھیں

کہاں لے جائیں گے جذبات ہم کو
محبت کی ہے دھارا بہہ کے دیکھیں

بُرا وہ اسقدر شائد نہیں ہے
اُسے سُن کر اُسے کچھ کہہ کے دیکھیں

پتہ چلتا ہے اظہر کیا تھا بھاؤ
وہی گُزرے جو خود پر، سہہ کے دیکھیں​

 

[محمد اظہر نذیر]

ایک چھوٹی سی تبدیلی

چھپا کر فائدہ کیا، کہ کے دیکھیں
پھر اُس کے بعد جو ہو سہ کے دیکھیں

اکٹھے رہ کے اُکتا سے گئے ہیں
چلو کچھ دیر تنہا رہ کے دیکھیں

کہاں لے جائیں گے جزبات ہم کو
محبت کی ہے دھارا بہ کے دیکھیں

بُرا وہ اسقدر شائد نہیں ہے
سُنیں اُس کی، اُسے کچھ کہ کے دیکھیں

پتہ چلتا ہے اظہر کیا تھا بھاؤ
وہی گُزرے جو خود پر، سہ کے دیکھیں​

 

[الف عین]

باقی تو درست، بلکہ بہت خوب، لیکن یہ آخری دونوں اشعار واضح نہیں
بُرا وہ اسقدر شائد نہیں ہے
سُنیں اُس کی، اُسے کچھ کہ کے دیکھیں

پتہ چلتا ہے اظہر کیا تھا بھاؤ
وہی گُزرے جو خود پر، سہ کے دیکھیں
÷÷دوسرا مصرع بھی رواں نہیں، پہلا
پتہ چلتا ہے اظہربھاؤکیا تھا
مجھے بہتر محسوس ہوتا ہے۔ وضاھت کی بات تو اس میں بھی۔۔

 

[محمد خلیل الرحمٰن]

ایک چھوٹی سی تبدیلی

چھپا کر فائدہ کیا، کہ کے دیکھیں
پھر اُس کے بعد جو ہو سہ کے دیکھیں

اکٹھے رہ کے اُکتا سے گئے ہیں
چلو کچھ دیر تنہا رہ کے دیکھیں

کہاں لے جائیں گے جزبات ہم کو
محبت کی ہے دھارا بہ کے دیکھیں

بُرا وہ اسقدر شائد نہیں ہے
سُنیں اُس کی، اُسے کچھ کہ کے دیکھیں

پتہ چلتا ہے اظہر کیا تھا بھاؤ
وہی گُزرے جو خود پر، سہ کے دیکھیں​

اظہر بھائی کچھ الفاظ کے ہجوں پر خصوصی غور فرمائیے
سہہ
کہہ
جذبات

آپ کے پہلے مراسلے میں ہم نے درستی کردی تھی لیکن دوسرے مراسلے میں آپ نے انہیں پھر سے دہرایا تو کہہ رہے ہیں۔ جزاک اللہ

 

[محمد اظہر نذیر]

اظہر بھائی کچھ الفاظ کے ہجوں پر خصوصی غور فرمائیے
سہہ
کہہ
جذبات

آپ کے پہلے مراسلے میں ہم نے درستی کردی تھی لیکن دوسرے مراسلے میں آپ نے انہیں پھر سے دہرایا تو کہہ رہے ہیں۔ جزاک اللہ

محترم محمد خلیل الرحمٰن کچھ وضاحت فرما دیجئے میں اپنی کوڑھ مغزی پہ نوحہ خواں، مراسلہ الولیٰ تو یہی ہے اس لڑی میں
آپ کہنا چاہتے ہیں کہ میں نے کہ اور اور سہ کو کہہ اور سہہ لکھا ہے، تو ایسا جلدی میں ہو گیا تھا، معذرت کا خواہستگار ہوں
ہجے یعنی اسپیلنگز ہی نا؟