ایک ناقص شعر اصلاح کا منتظر ہے

[مزمل شیخ بسمل]

شعر کافی پرانہ ہے لیکن اسی حالت میں پیشِ خدمت ہے.:

عجب ہی رسم ہے دنیا میں تشبیہات کی بسمل
مرے جذبات کو اہلِ جہاں اشعار کہتے ہیں

 

[احمد بلال]

شعر کافی پرانہ ہے لیکن اسی حالت میں پیشِ خدمت ہے.:

عجب ہی رسم ہے دنیا میں تشبیہات کی بسمل
مرے جذبات کو اہلِ جہاں اشعار کہتے ہیں

وزن کے اعتبار سے تو درست ہے۔ اساتذہ کا انتظار ہے

 

[الف عین]

وزن کے حساب سے تو بلال کا کہنا درست ہے۔ البتہ معنوی اعتبار سے پہلا مصرع ’عجب ہی‘ اور تشبیہات کی رسم‘ کے استعمال پر سوال اٹھاتا ہے، اس کو بدلنے کا سوچیں

 

[مزمل شیخ بسمل]

اس کو بدل کر کس طرح سے کروں تو بہتر رہے گا آپ کے مطابق؟

 

[الف عین]

عجب سا طورہے دنیا میں تشبیہات کا بسمل
ایک امکان یہ ہے

 

[مزمل شیخ بسمل]

عجب سا طورہے دنیا میں تشبیہات کا بسمل
ایک امکان یہ ہے

بہت عمدہ استاد محترم.
جزاکاللہ خیرا.
اب دوسرا مصرعہ اس پہلے مصرعے کے حساب سے ٹھیک ہے یا اس میں بھی تبدیلی کی ضرورت ہوگی؟

 

[مزمل شیخ بسمل]

اس شعر کی بھی اصلاح درکار ہے۔

کل رات میرے ساتھ عجب سانحہ ہوا​

وہ پاس ہی میں تھا کہ مری آنکھ کھل گئی​

​

 

[احمد بلال]

وہ پاس ہی میں تھا کہ مری آنکھ کھل گئی

ہی ؟ ایسے کر دیں
وہ پہلو میں ہی تھا۔۔ یا پہلو میں ہی وہ تھا کہ۔۔۔

 

[مزمل شیخ بسمل]

اور یوں کہوں تو؟
وہ پاس میں ہی تھا؟

 

[احمد بلال]

اور یوں کہوں تو؟
وہ پاس میں ہی تھا؟

معذرت ۔ ہی پر اعتراض نہیں تھا، "میں" پر تھا ۔ میں ہی کریں یا ہی میں، بات ایک ہی ہے۔ میں یہ کہہ رہا تھا کہ پاس میں ہونا صحیح نہیں ہے، پاس ہونا صحیح ہے۔ جیسے تم مرے پاس ہو تے ہو گویا

 

[الف عین]

یوں کر دو

کل رات میرے ساتھ عجب سانحہ ہوا​

وہ پاس ہی تھا، اور مری آنکھ کھل گئی​

یا​

وہ ساتھ ہی تھا، اور مری آنکھ کھل گئی​

 

[مزمل شیخ بسمل]

یوں کر دو

کل رات میرے ساتھ عجب سانحہ ہوا​

وہ پاس ہی تھا، اور مری آنکھ کھل گئی​

یا​

وہ ساتھ ہی تھا، اور مری آنکھ کھل گئی​

حضرت کی خصوصیت ہے کہ شاعر کے الفاظ کو کم ہی تبدیل کرتے ہیں. انہی الفاظ میں اصلاح کی کوئی صورت پیدا کرنا بھی کمال.
بہت عمدہ استاد محترم.

 

[محمد وارث]

اور یوں کہوں تو؟
وہ پاس میں ہی تھا؟

ہی کا استعمال بھی بہت Tricky ہے۔ یہ خاص اس لفط کے ساتھ بلا فصل استعمال کیا جاتا ہے جس پر ضرور دینا منظور ہو، مثلاً ہم اکثر کہتے ہیں

یہ آپ کا ہی کام ہے۔

لیکن صحیح کچھ یوں ہے

یہ آپ ہی کا کام ہے۔

اسی طرح پاس میں ہی تھا یا ساتھ میں ہی تھا کہ بجائے پاس ہی میں تھا یا ساتھ ہی میں تھا چاہیے۔

اور اعجاز صاحب نے اسے بالکل درست استعمال کر کے خوب کر دیا ہے

 

[مزمل شیخ بسمل]

ہی کا استعمال بھی بہت Tricky ہے۔ یہ خاص اس لفط کے ساتھ بلا فصل استعمال کیا جاتا ہے جس پر ضرور دینا منظور ہو، مثلاً ہم اکثر کہتے ہیں

یہ آپ کا ہی کام ہے۔

لیکن صحیح کچھ یوں ہے

یہ آپ ہی کا کام ہے۔

اسی طرح پاس میں ہی تھا یا ساتھ میں ہی تھا کہ بجائے پاس ہی میں تھا یا ساتھ ہی میں تھا چاہیے۔

اور اعجاز صاحب نے اسے بالکل درست استعمال کر کے خوب کر دیا ہے

بہت عمدہ وارث بھائی. بہت خوب.