ایک پرانی غزل کچھ رد و بدل کے ساتھ دوبارہ اصلاح کے لیئے پیش ہے

[مانی عباسی]

خدارا کچھ میری اس آرزو کی آبرو رکھنا
نگاہوں کے سوا بھی اک مقامِ گفتگو رکھنا

جمالِ روئے تاباں سے میں ٹکڑوں میں بکھر جاؤں
بنا کر آئینہ مجھ کو تم اپنے رو برو رکھنا

گریباں چاک ہو جانا محبت کی نشانی ہے
رقیبوں سے کہا جائے کہ سامانِ رفو رکھنا

مریضِ عشق کی چارہ گری کے واسطے اب کے 
نظر کے میکدے میں محفل جام و سبو رکھنا

نمازِ عشق پڑھنے کو اگر کرنا وضو ہے تو
بجائے اشک کے آنکھوں میں تم اپنی لہو رکھنا

تمام اہلِ جہاں کو مشورہ مانی یہی دوں گا
سکوں گر چاہتے ہو تو محبت کو عدو رکھنا​

 

[مانی عباسی]

الف عین محمد یعقوب آسی آپ دونوں استادوں سے رائے درکار ہے ۔۔۔ ۔۔۔ ۔۔۔ ۔۔

 

[محمد یعقوب آسی]

خدارا کچھ میری اس آرزو کی آبرو رکھنا
نگاہوں کے سوا بھی اک مقامِ گفتگو رکھنا

جمالِ روئے تاباں سے میں ٹکڑوں میں بکھر جاؤں
بنا کر آئینہ مجھ کو تم اپنے رو برو رکھنا

ان شعروں میں
’’میری‘‘ کی پہلی ے کو گرانا مقصود ہے تو لکھا ہی کیوں جائے؟ کہ لفظ ’’مری‘‘ بھی درست تسلیم کیا جاتا ہے اور معروف بھی ہے۔ ایسی ہی صورت ’’آئینہ‘‘ کی ہے۔ اس کی املاء ’’آئنہ‘‘ بھی معروف ہے، ے کو گرا ہی دینا ہے تو ’’آئنہ‘‘ لکھئے۔


مزمل شیخ بسمل صاحب کیا فرماتے ہیں، اس نکتے پر!

 

[محمد یعقوب آسی]

گریباں چاک ہو جانا محبت کی نشانی ہے
رقیبوں سے کہا جائے کہ سامانِ رفو رکھنا

آہا، رقیبوں کو کیا پڑی ہے صاحب، کہ وہ رفو کا سامان کریں، وہ تو آپ کو گریباں چاک دیکھ کر خوش ہوں گے۔

 

[محمد یعقوب آسی]

نمازِ عشق پڑھنے کو اگر کرنا وضو ہے تو
بجائے اشک کے آنکھوں میں تم اپنی لہو رکھنا

اس کے پہلے مصرعے کو اور نکھارئیے۔ بہت زبردست شعر نکلے گا۔ موجودہ حالت میں بھی عمدہ ہے۔

 

[مانی عباسی]

ان شعروں میں
’’میری‘‘ کی پہلی ے کو گرانا مقصود ہے تو لکھا ہی کیوں جائے؟ کہ لفظ ’’مری‘‘ بھی درست تسلیم کیا جاتا ہے اور معروف بھی ہے۔ ایسی ہی صورت ’’آئینہ‘‘ کی ہے۔ اس کی املاء ’’آئنہ‘‘ بھی معروف ہے، ے کو گرا ہی دینا ہے تو ’’آئنہ‘‘ لکھئے۔


مزمل شیخ بسمل صاحب کیا فرماتے ہیں، اس نکتے پر!

درست کہا آپ نے

 

[مانی عباسی]

آہا، رقیبوں کو کیا پڑی ہے صاحب، کہ وہ رفو کا سامان کریں، وہ تو آپ کو گریباں چاک دیکھ کر خوش ہوں گے۔

اسکو حذف کر رہا ہوں

 

[مانی عباسی]

اس کے پہلے مصرعے کو اور نکھارئیے۔ بہت زبردست شعر نکلے گا۔ موجودہ حالت میں بھی عمدہ ہے۔

کوشش کرتا ہوں۔۔۔۔۔۔۔۔۔آپکی شفقت اور اصلاح پر ممنون ہوں

 

[محمد یعقوب آسی]

اسکو حذف کر رہا ہوں

حذف نہ کیجئے، ’’رقیبوں‘‘ کی جگہ ’’رفیقوں‘‘ کو رکھ کے دیکھ لیجئے۔یا ’’ندیموں‘‘ کو لے آئیے کہ اس میں ایمائیت بھی ہے۔
اور یہ کہ کیا فرماتے ہیں جناب الف عین صاحب۔

 

[مانی عباسی]

حذف نہ کیجئے، ’’رقیبوں‘‘ کی جگہ ’’رفیقوں‘‘ کو رکھ کے دیکھ لیجئے۔یا ’’ندیموں‘‘ کو لے آئیے کہ اس میں ایمائیت بھی ہے۔
اور یہ کہ کیا فرماتے ہیں جناب الف عین صاحب۔

پسند نہیں آ رہا پھر بھی۔۔۔۔۔ ۔ایمائیت لگا کے مطلب کیا بنی گا شعر کا؟؟؟؟؟؟؟

 

[نکتہ ور]

آہا، رقیبوں کو کیا پڑی ہے صاحب، کہ وہ رفو کا سامان کریں، وہ تو آپ کو گریباں چاک دیکھ کر خوش ہوں گے۔

رقیب تو جلد از جلد رفو کریں گے تا کہ محبت کی نشانی ختم ہو جائے

 

[محمد یعقوب آسی]

رقیب تو جلد از جلد رفو کریں گے تا کہ محبت کی نشانی ختم ہو جائے

مان گئے صاحب۔ آپ کی نکتہ وری کو۔ سچ مچ مان گئے۔ بہت عمدہ۔

 

[محمد یعقوب آسی]

پسند نہیں آ رہا پھر بھی۔۔۔ ۔۔ ۔ایمائیت لگا کے مطلب کیا بنی گا شعر کا؟؟؟؟؟؟؟

ندیم کو شاعر لوگ ’’رازدان‘‘ کے معانی میں بھی لاتے ہیں۔ مثبت کبھی منفی۔

 

[مانی عباسی]

رقیب تو جلد از جلد رفو کریں گے تا کہ محبت کی نشانی ختم ہو جائے

خوب نقطہ ور جی.۔۔۔۔۔۔۔۔

 

[الف عین]

نکتہ ور کا نکتہ خوب ہے۔ اس لحاظ سے موجودہ شعر ہی خوب ہے۔

 

[مانی عباسی]

نکتہ ور کا نکتہ خوب ہے۔ اس لحاظ سے موجودہ شعر ہی خوب ہے۔

بالکل۔۔۔۔