امیر مینائی ایک ہے میرے حضر اور سفر کی صورت ۔ امیر مینائی

[فاتح]

ایک ہے میرے حضر اور سفر کی صورت
گھر میں ہوں گھر سے نکل کر بھی نظر کی صورت

چشمِ عشاق سے پنہاں ہو نظر کی صورت
وصل سے جان چراتے ہو کمر کی صورت

ہوں وہ بلبل کہ جو صیاد نے کاٹے مرے پر
گر گئے پھول ہر اک شاخ سے پر کی صورت

تیرے چہرے کی ملاحت جو فلک نے دیکھی
پھٹ گیا مہر سے دل شیرِ سحر کی صورت

جھانک کر روزنِ دیوار سے وہ تو بھاگے
رہ گیا کھول کے آغوش میں در کی صورت

تیغ گردن پہ کہ ہے سنگ پر آہیں دمِ ذبح
خون کے قطرے نکلتے ہیں شرر کی صورت

کون کہتا ہے ملے خاک میں آنسو میرے
چھپ رہی گرد یتیمی میں گہر کی صورت

نہیں آتا ہے نظر، المدد اے خضر اجل
جادۂ راہِ عدم موئے کمر کی صورت

پڑ گئیں کچھ جو مرے گرم لہو کی چھینٹیں
اڑ گئی جوہرِ شمشیر شرر کی صورت

قبر ہی وادیِ غربت میں بنے گی اک دن
اور کوئی نظر آتی نہیں گھر کی صورت

خشک سیروں تنِ شاعر کا لہو ہوتا ہے
تب نظر آتی ہے اک مصرعِ تر کی صورت

آفت آغازِ جوانی ہی میں آئی مجھ پر
بجھ گیا شام سے دل شمعِ سحر کی صورت

جلوہ گر بام پہ وہ مہرِ لقا ہے شاید
آج خورشید سے ملتی ہے قمر کی کی صورت

دہنِ یار کی توصیف کڑی منزل ہے
چست مضمون کی بندش ہو کمر کی صورت

نو بہارِ چمنِ غم ہے عجب روز افزوں
بڑھتی جاتی ہے گرہ دل کی ثمر کی صورت

ہوں بگولے کی طرح سے میں سراپا گردش
رات دن پاؤں بھی چکر میں ہیں سر کی صورت
امیر مینائی
​

 

[کاشفی]

بہت خوب جناب فاتح صاحب!

 

[فاتح]

ایک ہے میرے حضَر اور سفَر کی صورت​

گھر میں ہوں گھر سے نکل کر بھی نظر کی صورت​

​

چشمِ عشّاق سے پنہاں ہو نظر کی صورت​

وصل سے جان چراتے ہو کمر کی صورت​

​

ہوں وہ بلبل کہ جو صیاد نے کاٹے مرے پر​

گر گئے پھول ہر اک شاخ سے پر کی صورت​

​

تیرے چہرے کی ملاحت جو فلک نے دیکھی​

پھٹ گیا مہر سے دل شِیرِ سحَر کی صورت​

​

جھانک کر روزنِ دیوار سے وہ تو بھاگے​

رہ گیا کھول کے آغوش میں در کی صورت​

​

تیغ گردن پہ کہ ہے سنگ پر آہیں دمِ ذبح​

خون کے قطرے نکلتے ہیں شرر کی صورت​

​

کون کہتا ہے ملے خاک میں آنسو میرے​

چھپ رہی گرد یتیمی میں گہر کی صورت​

​

نہیں آتا ہے نظر، المدد اے خضر اجل​

جادۂ راہِ عدم موئے کمر کی صورت​

​

پڑ گئیں کچھ جو مرے گرم لہو کی چھینٹیں​

اڑ گئی جوہرِ شمشیر شرر کی صورت​

​

قبر ہی وادیِ غربت میں بنے گی اک دن​

اور کوئی نظر آتی نہیں گھر کی صورت​

​

خشک سیروں تنِ شاعر کا لہو ہوتا ہے​

تب نظر آتی ہے اک مصرعِ تر کی صورت​

​

آفت آغازِ جوانی ہی میں آئی مجھ پر​

بجھ گیا شام سے دل شمعِ سحَر کی صورت​

​

جلوہ گر بام پہ وہ مہرِ لقا ہے شاید​

آج خورشید سے ملتی ہے قمر کی کی صورت​

​

دہنِ یار کی توصیف کڑی منزل ہے​

چست مضمون کی بندش ہو کمر کی صورت​

​

نو بہارِ چمنِ غم ہے عجب روز افزوں​

بڑھتی جاتی ہے گرہ دل کی ثمر کی صورت​

​

ہوں بگولے کی طرح سے میں سراپا گردش​

رات دن پاؤں بھی چکر میں ہیں سر کی صورت​

​

بارشِ سنگِ حوادث نہ ہو کس طرح امیرؔ​

آہ ہے شکلِ شجر، اشک ثمر کی صورت​

امیر مینائی​

از دیوانِ امیر مینائی معروف بہ اسمِ تاریخی "مراۃ الغیب"​

براے برادرم مہدی نقوی حجاز اور مزمل شیخ بسمل​

 

[مہدی نقوی حجاز]

شکریہ فاتح صاحب

 

[محمد وارث]

لاجواب۔

شکریہ فاتح صاحب ارسال فرمانے کیلیے۔

 

[نیرنگ خیال]

بہت عمدہ

 

[امیداورمحبت]

تیرے چہرے کی ملاحت جو فلک نے دیکھی​

پھٹ گیا مہر سے دل شِیرِ سحَر کی صورت​

خوبصورت ۔۔۔۔۔۔۔۔۔۔۔۔

 

[قرۃالعین اعوان]

لاجواب!

 

[کاشفی]

واہ واہ! بہت ہی خوب اور لاجواب۔ مزا آگیا۔ بہت شکرہ فاتح الدین بشیر صاحب !

 

[فاتح]

مہدی نقوی حجاز ، محمد وارث ، نیرنگ خیال ، کاشفی صاحبان اور امیداورمحبت اور قرۃالعین اعوان صاحبات، آپ کی جانب سے پذیرائی پر آپ کا شکریہ

 

[مزمل شیخ بسمل]

مہدی نقوی حجاز ، محمد وارث ، نیرنگ خیال ، کاشفی صاحبان اور امیداورمحبت اور قرۃالعین اعوان صاحبات، آپ کی جانب سے پذیرائی پر آپ کا شکریہ

اللہ اکبر۔ ہم نہیں نظر آئے آپ کو سب سے پہلے زبردست ریٹ کرنے والے۔

 

[فاتح]

اللہ اکبر۔ ہم نہیں نظر آئے آپ کو سب سے پہلے زبردست ریٹ کرنے والے۔

اوووووہ ہم نے ریٹنگ والے احباب دیکھے ہی نہیں۔۔۔
صرف انھی کے نام لکھے جنھوں نے کچھ لکھنے کی زحمت کی تھی۔۔۔۔ ہاہاہا

 

[مزمل شیخ بسمل]

اوووووہ ہم نے ریٹنگ والے احباب دیکھے ہی نہیں۔۔۔
صرف انھی کے نام لکھے جنھوں نے کچھ لکھنے کی زحمت کی تھی۔۔۔ ۔ ہاہاہا

لکھنے والے اکثر وہ بھی ہوتے ہیں جو پڑھنے کی زحمت نہیں کرتے۔

 

[فاتح]

لکھنے والے اکثر وہ بھی ہوتے ہیں جو پڑھنے کی زحمت نہیں کرتے۔

یہ اسرار و رموز سرِ عام بیان نہیں کرتے۔

 

[سید زبیر]

قبر ہی وادیِ غربت میں بنے گی اک دن​

اور کوئی نظر آتی نہیں گھر کی صورت ​

واہ ۔۔ فاتح صاحب بہت اعلیٰ ​

 

[فاتح]

سید زبیر صاحب ممنون ہوں

 

[طارق شاہ]

جناب فاتح صاحب اچھے انتخاب پر ڈھیر ساری داد
غزل دیکھ لی تھی مگر نقوی صاحب اور بسمل صاحب سے منسوب کیا تھا آپ نے، اس لئے رائے یا داد دینے میں تاخیر ہوئی
تشکّر اس پیشکش پر
بہت خوش رہیں

 

[فاتح]

جناب فاتح صاحب اچھے انتخاب پر ڈھیر ساری داد
غزل دیکھ لی تھی مگر نقوی صاحب اور بسمل صاحب سے منسوب کیا تھا آپ نے، اس لئے رائے یا داد دینے میں تاخیر ہوئی
تشکّر اس پیشکش پر
بہت خوش رہیں

محترم بہت ممنون ہوں۔ ان دو برادران کو متوجہ کرنے کی وجہ یہ بنی کہ ایک دھاگے میں کسی گفتگو کے دوران اس غزل کے ایک مصرع پر مہدی صاحب کا خیال تھا کہ مصرع یوں نہیں جیسا مزمل صاحب نے لکھا ورنہ آپ تمام احباب کی بصارتوں کی نذر ہے۔

 

[ناعمہ عزیز]

بہت خوب

 

[فاتح]

بہت خوب

شکریہ بیٹا۔ خاص طور پر اس کا۔۔۔