پیر فضل گجراتی ایہہ پھٹ برہوں دے - پیر فضل گجراتی

[تلمیذ]

ایہہ پھٹ برہوں دے مینوں دیرپا معلوم ہوندے نیں
جو میرے روگ نیں اوہ لا دوا معلوم ہوندے نیں

جنہان نو ں زندگی وچہ اوس ظالم دے نیں ہتھ لگے
اہنہاں نو ں میرے شکوے کجھ بجا معلوم ہوندے نیں

جے اک سِمّن توں رک جائے تے دوجا ہو شروع جاندائے
میرے ناسور اک توں اک سوا معلوم ہوندے نیں

کدی خاراں نوں تکیاں پھلاں دے آجانے نیں چیتے
رقیب آپنے مینوں دلربا معلوم ہوندے نیں

کوئی میخانے ول، کوئی پیا بت خانے ول دوڑے
فضل دے یار سارے پارسا معلوم ہوندے نیں

- - - - - پیر فضل گجراتی

 

[فاتح]

کوئی میخانے ول، کوئی پیا بت خانے ول دوڑے
فضل دے یار سارے پارسا معلوم ہوندے نیں
​

بہت ودھیا جناب۔ بڑی مہربانی!

 

[ماظق]

بہت عمدہ جناب
بڑی سوھنی شاعری اے

 

[محمد وارث]

واہ واہ واہ لاجواب، کیا خوب کلام اے پیر ہوراں دا۔

بہت شکریہ جناب تلمیذ صاحب شیئر کرن لئی۔

 

[Saraah]

چنگا انتخاب اے