اے صاحب لولاک ﷺ

[الف نظامی]

اے صاحب لولاک ﷺ


وقتی کہ شوم محو ثنائی شہ لولاک ﷺ
سیراب کند کشت دلم دیدہ نمناک
در طوف تجلی گہِ انوارِ رخ پاک
ہر لحظہ عجب رقص کند طائر ادراک
اے صاحب لولاک ﷺ

وا لطف و عنایات کا در آج کی شب ہے
ہوں محو ثنا و صفتِ سرور ذیشاں
ہے عالم وجداں میں عجب طور سے رقصاں
از ذوق صریر قلمم گنبد افلاک
اے صاحب لولاک ﷺ

کونین کے دولہا کا گزر آج کی شب ہے
اک نور سے معمور فضا عرش تلک ہے
گیسوئے شب تار میں عنبر کی مہک ہے
پہنی ہے ثریا نے ستاروں بھری پوشاک
اے صاحب لولاک ﷺ

وہ رحمت کل محو سفر آج کی شب ہے
رہبر ہے نہ راہوار ہے نہ رخت سفر ہے
پھیلا ہوا اک دائرہ ہ دام اثر ہے
ہے گردِ سفر میں تری گم گردشِ افلاک
اے صاحب لولاک ﷺ

امت کے گناہوں پہ نظر آج کی شب ہے
پاتے ہیں نوید آج شفاعت کی گنہ گار
بخشش کو گنہ گاروں کی اے سیدِ ابرار
رحمت نے تری دامنِ یزداں کو کیا چاک
اے صاحبِ لولاک ﷺ

قوسین کی منزل کا سفر آج کی شب ہے
ہے زیرِ اثر زیرِ قدم عرش بریں بھی
رضواں کو تعجب ہے تو جبریل امیں بھی
آئینہ ء حیرت ہے سر گنبد افلاک
اے صاحبِ لولاک ﷺ


( سید شاکر القادری )​

 

[سید زبیر]

الف نظامی ، نہائت اعلیٰ کلام شریک محفل کیا ہے
ہے زیرِ اثر زیرِ قدم عرش بریں بھی
رضواں کو تعجب ہے تو جبریل امیں بھی
آئینہ ء حیرت ہے سر گنبد افلاک
اے صاحبِ لولاک ﷺ
جزاک اللہ

 

[الف نظامی]

بہت شکریہ سید زبیر۔