طارق شاہ
محفلین
غزلِ
اکبر الہٰ آبادی
اے فلک دل کی ترقّی کا جو ساماں ہوتا
طاعتِ حق کا سِتارہ بھی درَخشاں ہوتا
جان لیتا جو شبستانِ فنا کا انجام
صُورتِ شمْع ہراِک بزْم میں گریاں ہوتا
غُنْچہ مُرجھا کے گِرا شاخ سے افسوس نہ کر
کِھل بھی جاتا تو یہی تھا کہ پریشاں ہوتا
ناصحا نالہ و زاری پہ ملامت ہے عبث
چُپ بھی ہوتا تو مِرا راز نہ پنہاں ہوتا
کس مپُرسی کا گِلہ کچُھ نہیں مجھ کو اکبر
حال ہی کیا تھا کہ جس کا کوئی پُرساں ہوتا
چمنِ دہر میں مایوس رہا میں اکبر
کاش! اِک پھول بھی تو زینتِ داماں ہوتا
اکبر الہٰ آبادی
اکبر الہٰ آبادی
اے فلک دل کی ترقّی کا جو ساماں ہوتا
طاعتِ حق کا سِتارہ بھی درَخشاں ہوتا
جان لیتا جو شبستانِ فنا کا انجام
صُورتِ شمْع ہراِک بزْم میں گریاں ہوتا
غُنْچہ مُرجھا کے گِرا شاخ سے افسوس نہ کر
کِھل بھی جاتا تو یہی تھا کہ پریشاں ہوتا
ناصحا نالہ و زاری پہ ملامت ہے عبث
چُپ بھی ہوتا تو مِرا راز نہ پنہاں ہوتا
کس مپُرسی کا گِلہ کچُھ نہیں مجھ کو اکبر
حال ہی کیا تھا کہ جس کا کوئی پُرساں ہوتا
چمنِ دہر میں مایوس رہا میں اکبر
کاش! اِک پھول بھی تو زینتِ داماں ہوتا
اکبر الہٰ آبادی
