محسن نقوی اے مرے کبریا.............!!

[قرۃالعین اعوان]

اے انوکھے سخی!
اے مرے کبریا!!
میرے ادراک کی سرحدوں سے پرے
میرے وجدان کی سلطنت سے ادھر
تیری پہچان کا اولیں مرحلہ!

میری مٹی کے سب ذائقوں سے جدا!
تیری چاہت کی خوشبو کا پہلا سفر!!
میری منزل؟
تیری رہگزر کی خبر!
میرا حاصل؟
تری آگہی کی عطا!!
میرے لفظوں کی سانسیں
تیرا معجزہ!
میرے حرفوں کی نبضیں
ترے لطف کا بے کراں سلسلہ!
میرے اشکوں کی چاندی
ترا آئینہ!
میری سوچوں کی سطریں
تری جستجو کی مسافت میں گم راستوں کا پتہ!

میں مسافر ترا۔۔۔۔(خود سے ناآشنا)
ظلمتِ ذات کے جنگلوں میں گھرا
خود پہ اوڑھےہوئےکربِ وہم و گماں کی سلگتی ردا
ناشناسائیوں کے پرانے مرض
گمرہی کے طلسمات میں مبتلا
سورجوں سے بھری کہکشاں کے تلے
ڈھونڈتا پھرتا ہوں ترا نقشِ پا۔۔۔۔۔!
اے انوکھے سخی!
اے مرے کبریا۔۔!!

کب تلک گمرہی کے طلسمات میں؟

ظلمتِ ذات میں​

ناشناسائیوں سے اٹی رات میں
دل بھٹکتا رہے
بھر کے دامانِ صد چاک میں بے اماں حسرتوں کا لہو

بے ثمر خواہشیں​

رائیگاں جستجو!!​

اے انوکھے سخی!
اے مرے کبریا!!
کوئی رستہ دکھا

خود پہ کھل جاؤں میں​

مجھ پہ افشاہو ” تو “​

اے مرے کبریا!!
کبریا‘ اب مجھے
لوحِ ارض و سماکے سبھی ناتراشیدہ‘ پوشیدہ

حرفوں میں لپٹے ہوئے​

اسم پڑھنا سکھا​

اے انوکھے سخی!​

اے مرے کبریا​

میں مسافر ترا​

​

​

 

[سید زبیر]

سبحان اللہ ۔ ۔ نہائت خوبصورت کلا م شئیر کیا ہے
جزاک اللہ

 

[قرۃالعین اعوان]

سبحان اللہ ۔ ۔ نہائت خوبصورت کلا م شئیر کیا ہے
جزاک اللہ

شکریہ!

 

[جنید اقبال]

زبردست

 

[قرۃالعین اعوان]

زبردست

شکریہ!