اے مومنو مُبارک رمضان آگیا ہے غزل نمبر 142 شاعر امین شارؔق

[امین شارق]

الف عین سر
مفعول فاعِلاتن مفعول فاعِلاتن

اے مومنو مُبارک رمضان آگیا ہے​

ہم سب کی مغفرت کا سامان آگیا ہے​

اس ماہ میں خدا کا قرآن آگیا ہے رمضان نیکیوں کی ہے کان آگیا ہے​

ہرسِمت رونقیں ہیں نیکی کی کثرتیں ہیں​

پھر قید میں خُدا کی شیطان آگیا ہے​

​

کرنا ہے رب کو راضی نیکی میں دِل لگا کے​

رب کی طرف سے دیکھو مہمان آگیا ہے​

​

تھا اِنتظار جس کا وہ شاہکار آیا​

دُنیا میں آج ماہِ ذیشان آگیا ہے​

​

روزے کی جزا خود ہی دے گا ہمارا اللہ​

دل خوش ہے یاد جب یہ فرمان آگیا ہے​

​

اے روزہ داروں تم سب ہوں خوش نصیب کتنے​

جنت تجھے لے جانے رضوان آگیا ہے​

صد شکر ہے خدا کا پھر ہم نے اس کو پایا​

شارؔق یہ لے کے رحمتِ رحمان آگیا ہے​

 

[الف عین]

اے مومنو مُبارک رمضان آگیا ہے
ہم سب کی مغفرت کا سامان آگیا ہے
... درست

اس ماہ میں خدا کا قرآن آگیا ہے
رمضان نیکیوں کی ہے کان آگیا ہے
.. قرآن کی آمد تو ابھی کی بات نہیں،ردیف غلط ہو رہی ہے، یوں کہو
اترا تھاجس مہینے قرآن، آگیا ہے
دوسرا مصرع بھی درست نہیں، یوں ہو تو
رمضاں جو نیکیوں کی ہے کان، آ گیا ہے
لیکن یہ قافیہ بندی ہی لگتی ہے

ہرسِمت رونقیں ہیں نیکی کی کثرتیں ہیں
پھر قید میں خُدا کی شیطان آگیا ہے
.... ٹھیک

کرنا ہے رب کو راضی نیکی میں دِل لگا کے
رب کی طرف سے دیکھو مہمان آگیا ہے
.. ٹھیک، مگر دو لخت لگتا ہے

تھا اِنتظار جس کا وہ شاہکار آیا
دُنیا میں آج ماہِ ذیشان آگیا ہے
... پہلے مصرع کا صیغہ ماضی کا ہے، شاہکار کہنا بھی بعید ہے رمضان کے ماہ کو، پہلا مصرع دوبارہ کہو

روزے کی جزا خود ہی دے گا ہمارا اللہ
دل خوش ہے یاد جب یہ فرمان آگیا ہے
... پہلے مصرع کا نصف دوسری بحر میں چلا گیا ہے

اے روزہ داروں تم سب ہوں خوش نصیب کتنے
جنت تجھے لے جانے رضوان آگیا ہے
... تخاطب میں جمع کے صیغے میں "ں" نہیں آتا، "دارو" ، اور ""ہو "ہی
لکھنا چاہیے
دوسرے مصرعے میں لے کی ے کا اسقاط درست نہیں ،" لجانے" نہیں بنایا جا سکتا

صد شکر ہے خدا کا پھر ہم نے اس کو پایا
شارؔق یہ لے کے رحمتِ رحمان آگیا ہے
.. رحمان قافیہ غلط ہے، اضافت کے ساتھ

 

[امین شارق]

بہت شکریہ الف عین سر رہنمائی کے لئے۔۔

اے مومنو مُبارک رمضان آگیا ہے
ہم سب کی مغفرت کا سامان آگیا ہے

اصلاح کے بعد
اُترا تھا جس مہینے قرآن، آگیا ہے
رمضاں جو نیکیوں کی ہے کان، آ گیا ہے

ہرسِمت رونقیں ہیں نیکی کی کثرتیں ہیں
پھر قید میں خُدا کی شیطان آگیا ہے

پہلا مصرعہ تبدیل کیا ہے
اس ماہ کی تواضع کرنی ہے نیکیوں سے
رب کی طرف سے دیکھو مہمان آگیا ہے

دونوں مصرعے تبدیل کئے ہیں
اے روزہ دارو کتنے ہو خوش نصیب تم کو
فردوس میں بسانے رضوان آگیا ہے

پہلا مصرعہ تبدیل کیا ہے
اپنا مہینہ جس کو اللہ نے خود کہا وہ
دُنیا میں آج ماہِ ذیشان آگیا ہے
سر یہ مصرعہ دوبارہ چیک کیجئے گا یہ اسی بحر میں ہے
مفعول فاعِلاتن مفعول فاعِلاتن

روزے کی جزا خود ہی دے گا ہمارا اللہ
دل خوش ہے یاد جب یہ فرمان آگیا ہے

صد شکر ہے خدا کا پھر جیتے جی دوبارا
شارؔق ہمیں میسر رمضان آگیا ہے

 

[الف عین]

دُنیا میں آج ماہِ ذیشان آگیا ہے
سر یہ مصرعہ دوبارہ چیک کیجئے گا یہ اسی بحر میں ہے
مفعول فاعِلاتن مفعول

درست، لیکن میں نے بحر مختلف ہونے کی بات اس مصرعے کے لئے کہی تھی، دیکھو

روزے کی جزا خود ہی دے گا ہمارا اللہ
دل خوش ہے یاد جب یہ فرمان آگیا ہے
... پہلے مصرع کا نصف دوسری بحر میں چلا گیا ہے

یہ غلطی اب بھی قائم ہے، باقی تو درست ہو گئے