اے ھواؤ سال نو پہ میرے دیس جاؤ

[sadia saher]

اے ھواؤ سال نو پہ میرے دیس جاؤ

اے ھواؤ سال نو پہ میرے دیس جاؤ
میری سر زمین کو میرا سلام کہنا
یاد کرتے ھیں تمہیں صبح شام کہنا
تمہارے لیے ھیں ھمارے رکوع و قیام کہنا
لگ رھے ھیں ھم پہ کیسے الزام کہنا
ھماری دعائیں ھیں تمہارے نام کہنا

اے چاند جب تم میرے وطن کی دھرتی
پہ اپنی چاندنی بکھیرو تو
وہاں میرے ھم وطنوں سے کہنا
ھو دور مگر دل کے پاس ھو تم
غم کی رات میں خوشی کا احساس ھو تم
نئ صبح نئ روشنی کی آس ھو تم

اے بارش جب تم میرے دیس پہ برسو توکہنا
آزمائش کی ان گھڑیوں کے بعد
خوشیوں کے پھول کبھی تو کھلیں گے
برسوں کے بچھڑے کبھی تو ملیں گے
پرانے زخم کبھی تو سلیں گے


اے سورج جب تم اپنی کرنیں بکھرو
تو بے حوصلہ لوگوں سے کہنا
دلوں میں امید کے دئیے جلاتے رہنا
نفرتوں میں محبت کے گیت گاتے رھنا
قربانیوں کی کہانیاں سناتے رھنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔ سعدیہ سحر

 

[امیداورمحبت]

برسوں کے بچھڑے کبھی تو ملیں گے

بہت خوب سعدیہ ۔ ۔ بطور خاص پہلی پوسٹ کے لئے

 

[زین]

اے سورج جب تم اپنی کرنیں بکھرو
تو بے حوصلہ لوگوں سے کہنا
دلوں میں امید کے دئیے جلاتے رہنا
نفرتوں میں محبت کے گیت گاتے رھنا
قربانیوں کی کہانیاں سناتے رھنا

بہت خوب۔۔۔۔



اچھا ہوا آپ یہاں بھی تشریف لے آئی۔ اب تعارف والے زمرے میں اپنا تعارف بھی کروائیے۔

ویسے یہاں شاعروں کی ‘’بڑی‘‘ تعداد پائی جاتی ہے ۔ امید ہے آپ کا اچھا وقت گزرے گا۔

 

[الف عین]

م حفل میں خوش آمدید سعدیہ۔ لیکن یہ آپ کی شاعری میں پوسٹ کرنا تھا۔
منتظمین سے دوبارہ۔۔۔۔ اپنی پہلی پوسٹ لائبریری کے غیر ارکان بھی لائبریری میں ہوسٹ کر پا رہے ہیں۔ اور ہم کو لاگ ان ہوئے بغیر محفل لائبریری کے پیغامات دکھاتی تک نہیں۔ کہتی ہے کہ دس پوسٹس ہونا ضروری ہیں۔

 

[محمد وارث]

اردو محفل پر خوش آمدید سعدیہ سحر صاحبہ۔ مجھے زین صاحب سے معلوم ہوا ہے کہ آپ ماشاءاللہ شاعرہ ہیں اور مختلف فورمز کی رکن ہیں۔

اردو محفل کے 'محفلِ ادب' کے موڈریٹر کی حیثیت سے میں آپ کو خوش آمدید کہتا ہوں، اور آپ سے استدعا ہے کہ آپ اپنی شاعری زمرہ "آپ کی شاعری" میں پوسٹ کریں نیز میں شائق بھی ہوں آپ کی شاعری پڑھنے کیلیئے!

اعجاز صاحب، آج کل 'ماہِ لائبیری' منایا جا رہا ہے اور اس لیے منتظمین نے لائبریری سیکشن میں پوسٹنگ اوپن کر دی ہے اور محفل کا کوئی بھی رکن لائبریری میں پوسٹ کر سکتا ہے!

 

[محمد نعمان]

بہت شکریہ سعدیہ صاحبہ۔
بہت اچھی کاوش ہے

 

[نبیل]

میں نے اس موضوع کو اس زمرہ میں منتقل کر دیا ہے۔

 

[الف عین]

اعجاز صاحب، آج کل 'ماہِ لائبیری' منایا جا رہا ہے اور اس لیے منتظمین نے لائبریری سیکشن میں پوسٹنگ اوپن کر دی ہے اور محفل کا کوئی بھی رکن لائبریری میں پوسٹ کر سکتا ہے!

ابھی بھی اسے چیک کرنے کے لئے لاگ ان کئے بغیر’اردو شاعری‘ کے زمرے میں پہنچا تو وہی پیغام ملا۔۔ کم از کم دس پوسٹس ہونا ضروری ہیں۔ اب ایک نئے رکن کی حیثیت سے داخل ہو کر دیکھتا ہوں کہ پوسٹ کرنے کی اجازت ہے یا یہ فورم ہی نہیں دیکھ سکتا۔

 

[sadia saher]

بہت خوب۔۔۔۔



اچھا ہوا آپ یہاں بھی تشریف لے آئی۔ اب تعارف والے زمرے میں اپنا تعارف بھی کروائیے۔

ویسے یہاں شاعروں کی ‘’بڑی‘‘ تعداد پائی جاتی ہے ۔ امید ہے آپ کا اچھا وقت گزرے گا۔

شکریہ زین
زین نے کافی پہلے کہا تھا میں اس فورم پہ بھی لکھا کروں اب آگئ ھوں یہاں ۔۔ زین کے سوا کسی کو ناھی جانتی
اپنا تعارف کیا کرواؤں ؟؟

 

[sadia saher]

سب کا شکریہ
میں ابھی شاعری پڑھ رھی تھی کافی شاعر ھیں یہاں کافی سیکھنے کو ملے گا

 

[sadia saher]

سب کا شکریہ
میں ابھی شاعری پڑھ رھی تھی کافی شاعر ھیں یہاں کافی سیکھنے کو ملے گا

 

[ارشد خان]

سلا م پاکستان

۔۔۔۔۔ نثر کو شاعری بنانے کی کوشش کی گئی ہے ۔

 

[زین]

ارشد خان صاحب !
معذرت کے ساتھ ، آپ کے تمام پیغام پڑھ کر اندازہ ہوتا ہے کہ آپ ہر کسی کی حوصلہ شکنی کرنا چاہتے ہیں۔

 

[ارشد خان]

سلا م ۔
جناب میں شاعری کی خا میا ں بتاتا ہوں ۔ اس طرح انسان بہتر تخلیق پیش کر سکتا ہے ۔

، سعدیہ نے اچھی شاعری بھی کی ہے اور میں نے تعریف کی ہے آپ نے شاہد نہیں پڑھی ، شکریہ

 

[ارشد خان]

جیسے سعدیہ کی اس غزل کے آخری د و شعر بہت اچھے ہیں ۔

ترکِ تعلق سہی غیروں سی گفتگو رھنے دو

 

[محمد نعمان]

ارشد سا حب اسلام و علیکم۔
جناب اگر آپ خامی بتاتے ہیں ، بہت اچھی بات ہے ، تو اس خامی کو تفصیل سے بتائیں کہ خامی کیا ہے۔۔۔اور اس کو ٹھیک کیسے کیا جائے۔۔۔اپنا نقطہ نظر کھل کے بیان کیجے کہ اس طرح غلط فہمیاں جنم نہ لیں گی۔۔۔