بابا مجھے ڈر لگتا ہے

[فخرنوید]

 

[اشتیاق علی]

نظم سن کر مجھے ان شہید بچوں کی یاد آگئی جو پچھلے دنوں اسلام آباد کے ایک تعلیمی ادارے میں شہید ہوئے تھے۔ اللہ ان سب کی مغفرت فرمائے. آمین

 

[Fari]

ہماری آنے والی معصوم نسل کتنی بدنصیب ہے کہ ہمارے ملک میں ان کو سوائے اس ڈر کے اور کچھ میسّر نہیں رہا--

 

[فرخ منظور]

بہت متاثر کُن نظم ہے۔ شکریہ فخر صاحب!

 

[فاتح]

بہت شکریہ فخر نوید صاحب۔ اسے پڑھتے پڑھتے بے اختیار پلکیں بھیگ گئیں۔ کس کی نظم ہے؟
اس پر پہلا شکریہ اور پہلا تبصرہ میں نے ہی کیا تھا لیکن اب دیکھا تو وہ شاید انٹرنیٹ کی رندانہ کاری کی نظر ہو گیا۔

 

[فخرنوید]

عاطف جاوید عاطف صاحب کا یہ کلام ہے

 

[arifkarim]

اسکو یونیکوڈ میں کر دیں۔

 

[فاتح]

بابا مجھ کو ڈر لگتا ہے!

بابا میری مس کہتی ہیں
کل سے سب بچوں کو اپنے
گھر رہنا ہے گھر پڑھنا ہے!

میں نے سنا ہے!
ایک بڑے سے، کالی مونچھوں والے ’’انکل‘‘
بومب (Bomb) لگا کر آئیں گے
سب بچے مر جائیں گے!

بابا کیوں ماریں گے ہم کو!؟
ہم سے کوئی بھول ہوئی کیا؟
ہم سے کیوں ناراض ہیں انکل؟

بابا ان کو گڑیا دے دوں؟
یا پھر میرے رنگوں والی یاد ہے نا وہ نیلی ڈبیا
میری پچھلی سالگرہ پر مجھ کو آپ نے لا کر دی تھی
اور میری وہ پیاری پونی
ریڈ کلر کی تتلی والی!
وہ بھی دے دوں؟
پھر تو نہیں ماریں گے مجھ کو؟

یاد ہے بابا ایک دفعہ جب!
مجھے ہاتھ پہ چوٹ لگی تھی
بہت زیادہ درد ہوا تھا!!
تھوڑا سا خوں بھی نکلا تھا!
بہت زیادہ روئی تھی میں!!

کیا یہ بم بڑا ہوتا ہے؟
بہت زیادہ چوٹ لگے گی؟
درد بھی شاید زیادہ ہو گا!!
بابا مجھ کو ڈر لگتا ہے!
(عاطف جاوید عاطف)
​

 

[arifkarim]

شکریہ فاتح بھائی، کیا فاسٹ سروس ہے آپکی!

 

[اشتیاق علی]

یونیکوڈ میں لکھنے کا شکریہ۔

 

[فاتح]

شکریہ فاتح بھائی، کیا فاسٹ سروس ہے آپکی!

آپ کہیں اور ہم نہ لکھیں ایسے بھی حالات نہیں
ایک ذرا گوگل ہی کیا تھا اور تو کوئی بات نہیں
​

 

[شمشاد]

بہت ہی رلانے والا کلام ہے۔

 

[نین کنول]

بہت ہی دل کو چھو لینے والی نظم ہے

 

[mrkk]

بہت خوبصورت اور اثر انگیز ہے۔ یونیکوڈ میں لکھنے کا شکریہ۔