بالی وڈ کے مسٹر پرفیکٹ عامر خان اداکاری کے شعبے میں اپنے آپ منوانے میں کامیاب ہوچکے ہیں مگر ان کی تعلیمی قابلیت محض 12 ویں کلاس تک ہی محدود ہے۔
سابق ملکہ حسن ایشوریہ رائے بچن دنیا کی سب سے خوبصورت حسینہ بننے میں تو کامیاب رہیں مگر زولوجی میں ڈگری لینے میں ناکام رہی اور انہیں کالج چھوڑنا پڑا، اس کے بعد زراعت میں ڈگری حاصل کرنے کی کوشش بھی کی مگر مس ورلڈ مقابلے میں شرکت کی وجہ سے کامیاب نہیں ہوسکیں۔
بالی وڈ کے بادشاہ شاہ رخ خان دہلی کے سینٹ کولمبیا اسکول میں تو پڑھتے رہے اور پھر دہلی یونیورسٹی سے معاشیات میں گریجویشن بھی کرلی مگر جامعہ ملیہ اسلامیہ میں ماس کمیونکیشن میں ماسٹرز کی ڈگری حاصل کرنے کا خواب ٹیلیویژن میں موقع ملنے کے بعد ادھورا ہی رہ گیا۔
کپور خاندان سے تعلق رکھنے والی کرشمہ اپنی اداﺅں سے شائقین پر تو جادو کرنے میں کامیاب رہیں مگر دلچسپ بات یہ ہے کہ تعلیمی میدان میں وہ صرف پرائمری تک ہی پڑھ سکیں اور پھر بالی وڈ کے میدان میں کود پڑی۔
کرشمہ کے کزن رنبیر کپور بھی اسکول سے نکلنے کے بعد کالج کا منہ دیکھنے کی بجائے نیویارک میں اداکاری کی تعلیم حاصل کرنے چلے گئے اور واپس آکر فلموں میں مصروف ہوگئے۔
سوناکشی سنہا اس حوالے سے قابل ذکر ہیں کہ انھوں نے بالی وڈ میں داخلے سے قبل ممبئی سے فیشن ڈیزائننگ میں ڈگری حاصل کرلی تھی۔
نوجوان باصلاحیت فنکار ایوشمان کھرانہ پنجاب یونیورسٹی سے ماس کمیونیکشن میں ماسٹرز کرنے کی کوشش کررہے ہیں۔
اسی طرح او لالا گرل ودیا بالن بھی ممبئی یونیورسٹی سے ماسٹرز ڈگری حاصل کرنے میں کامیاب رہی۔
ماخذ
