بجلی کے نرخوں میں ایک روپے ایک پیسے فی یونٹ کمی

[الف نظامی]

نیپرا نے بجلی کے نرخوں میں ایک روپے ایک پیسے فی یونٹ کمی کردی ہے۔
ایکسپریس نیوز کے مطابق نیپرا نے سینٹرل پاور پرچیزنگ ایجنسی کی درخواست پر بجلی کی قیمت میں کمی ایک روپیہ ایک پیسہ فی یونٹ کمی کردی ہے، قیمت میں کمی مارچ کے مہینے کے لئے کی گئی ہے اور اس کا اطلاق لائف لائن صارفین اور کے الیکٹرک کے علاوہ ملک کی تمام بجلی کی تقسیم کار کمپنیوں پر ہو گا۔ قیمتوں میں کمی کا اطلاق جون کے مہینے میں ہوگا۔

 

[شمشاد]

بڑا تیر مارا ہے جو ایک روپیہ کم کر دیا ہے۔
ڈالر108 سے 96 پر آ گیا ہے اور بجلی صرف ایک روپیہ سستی کی ہے۔

 

[الف نظامی]

بڑا تیر مارا ہے جو ایک روپیہ کم کر دیا ہے۔
ڈالر108 سے 96 پر آ گیا ہے اور بجلی صرف ایک روپیہ سستی کی ہے۔

پاکستان میں انرجی مکس کا زیادہ حصہ تھرمل یعنی آئل سے بجلی بنانے کا ہے۔ اور تیل سے مہنگی بجلی بنا کر عوام کو قدرے کم نرخ پر فراہم کرنے سے رواں مالی سال اب تک حکومت 190 ارب روپے کی سبسڈی برداشت کرچکی ہے ،یعنی خود مہنگی بجلی بنا کر عوام کو سستے نرخوں پر دے رہی ہے۔ جب تک پن بجلی اور متبادل توانائی کے ذرائع کا فروغ نہیں ہوتا ، بجلی مہنگی ہی رہے گی۔ اور اب خبر ہے کہ آئی ایم ایف کے ایما پر بجلی کی سبسڈی بھی ختم کی جا رہی ہے۔
ہمیں چاہیے کہ تیل سے بجلی بنانے والے آئی پی پیز سے جان چھڑا لیں۔

 

[قیصرانی]

اچھی خبر ہے
لائف لائن صارفین سے کیا مراد ہے؟

 

[الف نظامی]

اچھی خبر ہے
لائف لائن صارفین سے کیا مراد ہے؟

ماہانہ 200 یونٹ تک بجلی استعمال کرنے والے صارفین جن کے لیے بجلی کا ٹیرف کم ہے۔

 

[الف نظامی]

متعلقہ:-
پاکستان میں انرجی مکس؛energy mix

 

[محمود احمد غزنوی]

ہمیں چاہیے کہ تیل سے بجلی بنانے والے آئی پی پیز سے جان چھڑا لیں۔

"ہمیں" سے مراد یقیناّ حکومت ہوگی، عوام تو جان چھڑانے سے رہے

 

[الف نظامی]

"ہمیں" سے مراد یقیناّ حکومت ہوگی، عوام تو جان چھڑانے سے رہے

ایک آئیڈیل حکومت میں ایسا ہی ہونا چاہیے لیکن پاکستان میں عوام کو ووٹ ڈالنے سے ایک قدم آگے بڑھ کر حکومت کو راست عملی پر مجبور کرنے کے فنون کو سیکھنا بہت ضروری ہے۔ اور انہیں اس بات کا ادراک ہونا چاہیے کہ تبدیلی کی قوتوں میں سے ایک قوت عوام بھی ہے۔

 

[قیصرانی]

ایک آئیڈیل حکومت میں ایسا ہی ہونا چاہیے لیکن پاکستان میں عوام کو ووٹ ڈالنے سے ایک قدم آگے بڑھ کر حکومت کو راست عملی پر مجبور کرنے کے فنون کو سیکھنا بہت ضروری ہے۔ اور انہیں اس بات کا ادراک ہونا چاہیے کہ تبدیلی کی قوتوں میں سے ایک قوت عوام بھی ہے۔

قابلِ غور۔ میرے خیال میں تبدیلی کی واحد قوت عوام ہی ہونی چاہئے

 

[الف نظامی]

قابلِ غور۔ میرے خیال میں تبدیلی کی واحد قوت عوام ہی ہونی چاہئے

"پرو ایکٹو سٹیزن شپ"

 

[arifkarim]

بڑا تیر مارا ہے جو ایک روپیہ کم کر دیا ہے۔
ڈالر108 سے 96 پر آ گیا ہے اور بجلی صرف ایک روپیہ سستی کی ہے۔

سعودی تیل کا کرم ہے۔ ایک سال بعد واپس اسی سطح پر آجائے گا افراط زر کی وجہ سے۔

 

[arifkarim]

قابلِ غور۔ میرے خیال میں تبدیلی کی واحد قوت عوام ہی ہونی چاہئے

کونسی والی "عوام"؟

 

[زیک]

بڑا تیر مارا ہے جو ایک روپیہ کم کر دیا ہے۔
ڈالر108 سے 96 پر آ گیا ہے اور بجلی صرف ایک روپیہ سستی کی ہے۔

بجلی کی قیمت 14 روپے سے 1 روپیہ کم = 7 فیصد
ڈالر کی قیمت میں کمی = 11 فیصد

 

[قیصرانی]

کونسی والی "عوام"؟

وہی جو اوپر والی پوسٹ میں میں نے اقتباس لیا تھا، وہ والی عوام

 

[الف نظامی]

نیشنل الیکٹرک پاور ریگولیٹری اتھارٹی (نیپرا) نے بجلی کے نرخوں میں 1.88 روپے فی یونٹ کمی کی منظوری دے دی ہے۔ بجلی کے نرخوں میں کمی کی یہ منظوری فرنس آئل کی قیمتیں کم ہونے کے بعد دی گئی ہے۔ میڈیا رپورٹس کے مطابق اس منظوری کے بعد جامشورو پاور کمپنی کے یونٹ ون کے ٹیرف میں ایک روپے 63 پیسے جبکہ جامشورو پاور پلانٹ 2,3,4 کے ٹیرف میں ایک روپے 88 پیسے فی یونٹ کی کمی کی منظوری دی گئی ہے۔ صارفین کو نرخوں میں کمی کا ریلیف ماہانہ فیول ایڈجسٹمنٹ کی مد میں دیا جائے گا جس کا اطلاق جون کے بلوں پر ہو گا۔

 

[باباجی]

یہاں پر بہت سی کرایہ پہ بجلی دینے والی کمپنیز ایسی بھی ہیں جو بجلی نہیں دے رہیں لیکن کرایہ وصول رہی ہیں ۔ اس وجہ سے بھی بجلی مہنگی ہو رہی ہے ۔
اور یہ کیا کمی ہوئی ۔۔ مذاق ہے یہ عوام کے ساتھ اور لائف لائن کے نام پر بھی بیوقوف بنایا جا رہا ہے ۔ بجائے اس کے یونٹ بڑھنےکے ساتھ بجلی کی قیمت کم ہوتی یہاں بڑھ رہی ہے ۔ لوڈ شیڈنگ کے ساتھ عوام سے 24 گھنٹے کی بجلی خرچ کے پیسے لیئے جا رہے ہیں ۔
کیونکہ انہیں نے اصل طاقت یعنی عوامی طاقت کو تقسیم کردیا تاکہ انقلاب یا تبدیلی نہ آ سکے ۔۔۔ ورنہ تاریخ گواہ ہے کے عوامی طاقت نے کیسے کیسے ایسے ویسے اور ایسے ویسے کیسے کیسے کردیئے