بخت نہ وکدے مُل وے - شریف کنجاہی

[شمشاد]

رنگا رنگ نیں کپاہ دے پھُل وے
کرِے بخت نہ وکدے مُل وے

لیندے ای خرید نہیں تاں جی ، وے ہانیا
کرئیے تے کرئیے کی، وے ہانیا
اُچی کرن نہ دیندے سی، وے ہانیا
ہنجو چندرے نیں پیندے ڈُلھ وے

ہتھ اپنے چ اپنی ڈور نہیں
جیہدے ہتھ وچ، اس تے زور نہیں
لکھی دُھر دی تے ہوندی ہور نہیں
لکھ ہفئے پئے گُھل گُھل وے

مٹی ڈھوئی کسے چک پھیرے
کسے وگ سیالاں دے چھیڑے
جدوں بخت نہ ہون چنگیرے
راہ نیلیاں جاندیاں بھُل وے
کرے بخت نہ وکدے مُل وے
(شریف کنجاہی)

 

[فرحت کیانی]

بخت نہ وکدے مل وے-۔۔-
حق ہے۔