بدلے ہوئے حالات سے ڈر جاتا ہوں اکثر

[فرحت کیانی]

بدلے ہوئے حالات سے ڈر جاتا ہوں اکثر
شیرازہء ملت ہوں، بکھر جاتا ہوں اکثر

میں ایسا سفینہ ہوں کہ ساحل کی صدا پر
طوفان کے سینے میں اتر جاتا ہوں اکثر

میں موت کو پاتا ہوں کبھی زیرِ کفِ پا
ہستی کے گماں سے بھی گزر جاتا ہوں اکثر

مرنے کی گھڑی آئے تو میں زیست کا طالب
جینے کا تقاضا ہو تو مر جاتا ہوں اکثر

رہتا ہوں اکیلا میں بھری دنیا میں واصف
لے نام مرا کوئی تو ڈر جاتا ہوں اکثر

۔۔۔۔واصف علی واصف

 

[عمر سیف]

عنوان دیکھا تو لگا کہ کہیں پڑھی ہے پہلے پر یاد نہیں آ رہا کب۔ بہت خوب شئیرنگ کی فرحت۔

 

[فرحت کیانی]

بہت شکریہ۔۔ یقیناّ پڑھی ہو گی ۔میں نے خود بھی یہ ایک سے زیادہ جگہوں پر پڑھی ہے

 

[عمر سیف]

شاید کسی میگزین میں ؛؟

 

[فرحت کیانی]

شاید کسی میگزین میں ؛؟

میں نے بھی پہلی بار کسی میگزین میں ہی پڑھی تھی۔ایک دو دن پہلے کسی آرٹیکل میں بھی ایک شعر دیکھا تو پوری غزل یاد آ گئی۔

 

[عمر سیف]

اب بےچینی اور تجسس ہو رہا ہے کہ کہاں پڑھی ہے :s

 

[فرحت کیانی]

ویسے میں نے کافی عرصہ پہلے پڑھی تھی۔اس لئے یاد نہیں ہے کہ کون سا میگزین تھا۔

 

[فرحت کیانی]

بدلے ہوئے حالات سے ڈر جاتا ہوں اکثر۔ واصف علی واصف

بدلے ہوئے حالات سے ڈر جاتا ہوں اکثر
شیرازہء ملت ہوں بکھر جاتا ہوں اکثر

میں ایسا سفینہ ہوں کہ ساحل کی صدا پر
طوفان کے سینے میں اُتر جاتا ہوں اکثر

میں موت کو پاتا ہوں کبھی زیرِ کفِ پا
ہستی کے گماں سے بھی گزر جاتا ہوں اکثر

مرنے کی گھڑی آئے تو میں زیست کا طالب
جینے کا تقاضا ہو تو مر جاتا ہوں اکثر

رہتا ہوں اکیلا میں بھری دنیا میں واصف
لے نام مرا کوئی تو ڈر جاتا ہوں اکثر

واصف علی واصف

 

[محمداحمد]

مرنے کی گھڑی آئے تو میں زیست کا طالب
جینے کا تقاضا ہو تو مر جاتا ہوں اکثر

واہ بہت خوب! بہت ہی اعلٰٰی!

 

[ایم اے راجا]

بہت خوب لاجواب انتخاب، فرحت کیانی صاحبہ۔

 

[محمد وارث]

شکریہ فرحت، واصف کی خوبصورت غزل شیئر کرنے کیلیئے، لا جواب!