بدن کی اپنی شریعتیں ہیں از نسیم سیّد

[سید شہزاد ناصر]

قبول و ایجاب کی شریعت
درست ..... لیکن
بدن کی اپنی شریعتیں ہیں
حقیقتیں ہیں
سوال ہیں
اپنے فیصلے ہیں
تو فرض جیسی عبادتوں سی
محبتوں
اور حفظ.... جیسی
تلاوتو ں سی..... لگاوٹوں سے
نہ کھلنے والی گرہ کے
انکار کو سمجھتے
جو گھپ اند ھیروں میں
لمس کے
گہری خامشی میں بدن کی
تکرار سی ہے کو ئی
اس ایک تکرار کو سمجھتے
یہ خواب گاہوں میں
فرض آدابِ زوجیت کی ترازوؤں میں
جو تُل رہا ہے
اس ایک سودے کو
ایک بازار کو سمجھتے
جو آج تک کچھ سمجھ نہ پا ئے
وہ حرف اقرار کی
تہوں میں اتر کے
تفصیل ِ حاشیہ میں قرارکر تے
حقیقتو کے ورق الٹتے
بدن کی اپنی شر یعتوں کے
رموز و اسرار کو سمجھتے۔۔۔۔

نسیم سیّد

 

[الف عین]

بہت خوب۔ غالباً شہزاد کو بہت سی غیر ضروری سپیس ختم کرنی پڑی ہوں گی، اب بھی کچھ رہ گئی ہیں۔

 

[سید شہزاد ناصر]

بہت خوب۔ غالباً شہزاد کو بہت سی غیر ضروری سپیس ختم کرنی پڑی ہوں گی، اب بھی کچھ رہ گئی ہیں۔

اعجاز بھائی میرے دھاگے پر آپ کے تاثرات میرے لئے اعزاز کی بات ہے
آپ نے بجا فرمایا کچھ مواد میرے پاس ان پیج میں ہے
کاپی اور پیسٹنگ میں بڑی مشکلات ہوتی ہیں کبھی سپیس کا مسلئہ کبھی رسم الخط کی مشکل
ایک بار پھر آپ کی شفقت کا شکریہ
شاد و آباد رہیں

 

[الف عین]

میرا تجربہ ہے کہ نسرین سید اردو لکھنے میں یہی اغلاط کرتی ہیں، فیس بک سے میں نے بھی بہت کچھ کلام کاپی کر رکھا ہے ای بک بنانے کے لئے لیکن اسی وجہ سے تدوین کی نوبت نہیں آئی ہے

 

[سید شہزاد ناصر]

میرا تجربہ ہے کہ نسرین سید اردو لکھنے میں یہی اغلاط کرتی ہیں، فیس بک سے میں نے بھی بہت کچھ کلام کاپی کر رکھا ہے ای بک بنانے کے لئے لیکن اسی وجہ سے تدوین کی نوبت نہی
ن آئی ہے

اگر آپ کا حکم ہو تو نسرین سید کا کلام جمع کرنے میں آپ کی مدد کروں؟

 

[الف عین]

ذاتی پیغام دیکھیں