برائے اصلاح۔ مہرباں حضرات نظر فرمائیں۔

[فیضان قیصر]

تم حبس میں تازہ ہوا کا جھونکا ہو صاحب
تم تپتی زمیں پر سکوں کا سایا ہو صاحب
تب جا کے شکایت کا بھی نخرہ اٹھائوں میں
گھر پہ تمھیں آنے سے اگر روکا ہو صاحب
اس بات کو لیکر میں بڑی الجھنوں میں ہوں
تم یار ہو یا ناصحہ یا دھوکا ہو صاحب
اب تو خوشی کی بات پہ بھی خوش نہیں ہے دل
اب زندگی سے جیسے جی بھرچکا ہو صاحب
روکا تو اسے جاتا ہے جو جانے لگا ہو
اسکو بھلا کیا روکنا جو جاچکا ہو صاحب

 

[فیضان قیصر]

الف عین صاحب نظرِکرم چاہتا ہوں۔

 

[فیضان قیصر]

الف عین شکریہ میں اب ٹیگ کرنے میں کامیاب ہوگیا ہوں آپ کو۔ غزل کے سدھار کے لیئے آپکی نظرِکرم کا ملتجی۔

 

[الف عین]

اس کی بحر کیا مفعول مفاعیل مفاعیل فعولن ہے۔ یعنی
"کہتے ہیں کہ غالب کا ہے اندازِ بیاں اور‘
والی؟
اگر ہاں، تو کچھ جگہ بحر سے خارج ہے اور کہیں کہیں حروف غلط جگہ ساقط کیے گئے ہیں۔ پہلے بحر کا کنفرم ہو جائے تو بات آگے کی جائے۔

 

[فیضان قیصر]

جی محترم بحر یہ ہی ہے۔ مذید رہنمائی کا منتظر۔ شکریہ

 

[الف عین]

اس صورت میں بہت سے حروف کا غلط اسقاط ہو رہا ہے۔

تم حبس میں تازہ ہوا کا جھونکا ہو صاحب
تم تپتی زمیں پر سکوں کا سایا ہو صاحب
۔۔ہوا کا جھونکا کو ’ہوَکَجوک‘
’سکوں کا سایہ‘ کو سُکُکَ سای‘ تقطیع ہونا غلط ہے

تب جا کے شکایت کا بھی نخرہ اٹھائوں میں
گھر پہ تمھیں آنے سے اگر روکا ہو صاحب
’کا بھی ‘ کو کَب‘ تو چل سکتا ہے، اٹھاؤَ ں میں کو ’اٹَوو میں‘ تقطیع غلط ہے۔

اس بات کو لیکر میں بڑی الجھنوں میں ہوں
تم یار ہو یا ناصحہ یا دھوکا ہو صاحب
دھوکا ہو کا ’دوکَہو۔ تقطیع ہونا

اب تو خوشی کی بات پہ بھی خوش نہیں ہے دل
اب زندگی سے جیسے جی بھرچکا ہو صاحب
دوسرا مصرع مکمل بحر سے خارج ہے۔

روکا تو اسے جاتا ہے جو جانے لگا ہو
اسکو بھلا کیا روکنا جو جاچکا ہو صاحب
اس کا بھی دوسرا مصرع مکمل خارج از بحر​

 

[الف عین]

مختصر یہ کہ مکمل غزل میں ’کا ہو‘ محض ’کَہو‘ تقطیع ہو رہا ہے۔

 

[فیضان قیصر]

زبردست بہت شکریہ محترم۔ یقین جانئیے ۔ آپ کی طرف سے جن خامیوں کی نشاندہی کی گئی ہے اس سے بہت کچھ سیکھنے کو ملا ہے۔ بہت خوشی محسوس کر رہا ہوں۔ گویا کہ اصلاح کا اصل مقصود حاصل ہو گیا ہو۔ آپ کا بہت زیادہ مشکور ہوں ۔ اللہ جزائے خیر دے۔