برائے اصلاح ، تضمین بر نعتِ امام ، لَم یَاتِ نَظِیرُکَ

[ابو المیزاب اویس]

یا رسولِ خدا، یا حبیبِ خدا، میں نے دل سے تجھے ناخدا جانا​

تیری مثل نہیں ممکن باخُدا ، نا خدا جانا، نا جُدا جانا​

کیا مجال مِری، کیا بساط بھَلا، کیسے کہدوں میں نے کیا جانا​

لَمْ یاتِ نَظِیرُکَ فِی نَظَرِِ،، مِثلِ تَو نہ شُد پیدا جانا​

جگ راج کو تاج تورے سر سو ہے تُجھ کو شہِ دو سَرا جانا​

​

تُو شاہِ دو عالَم، میں ہوں گدا، تُو کانِ کرم میں ہوں پُرخطا​

حسنین کے صدقے میں مُصطفٰی،مُجھ پہ ہو خُدارا لطف و عطا​

آفت میں ہوں، مُشکل میں ہوں ، میں کس سے کہوں جُز تیرے سِوا​

اَلْبَحْرُ عَلا وَالْمَوْجُ طَغٰٰی ، مَن بیکس و طوفاں ہو شرُبا​

منجدھار میں ہوں بگڑی ہے ہوا موری نیَّا پار لگا جانا​

​

مِرے بختِ سیاہ نے اِک چادر ظلمت کی ہے میرے گرد بُنی​

گھیرا ہے اندھیروں نے مُجھ کو اور عرض قمر نے اک نہ سُنی​

عرضی طیبہ پہنچانے کو یہ راہ انوکھی میں نے چُنی​

یَاشَمسُ نَظَرْتِ اِلٰی لَیلِی ،، چو بہ طیبہ رَسی عرضے بکنی​

توری جوت کی جَھل جَھل جگ میں رَچی مِری شب نے نہ دِن ہوناجانا​

​

مَازَاغْ کا سُرمہ آنکھوں میں، ہے دست تِرا اِک بَحرِ فضَل​

تیری ایک ادائے تبسم سے کِھل جائینگے میرے دل کے کنول​

تِرے حسنِ ملیح کا کیا کہنا، تُو اِک شاہکارِ نورِ ازَل​

لَکَ بَدْرُُ فِی الْوَجْہِ الْاَجْمَلْ ،،، خط ہالہءِ مہ زُلف ابرِ اجَل​

تورے چندن چندر پروکنڈل ،رحمت کی بھرَن برسا جانا​

​

شہرت کی طلب نہ دولت کی، نا چاہوں جلال و جاہ و حِشم​

نے مَن کو لگن ساون کی ہے، نے مَن مانگت ہے جامِ جَم​

میری حالت مَخفی نہیں تُجھ سے، تو واقفِ رازِ لوح و قلم​

اَنَافِی عَطَشِِ وَّ سَخَاکَ اَتَمْ ، اے گیسوئے پاک اے ابرِکرم​

برسن ہارے رم جھم رم جھم دو بوند اِدھر بھی گِرا جانا​

​

اے عرش نشیں، خیرُ المرسَلیں، اے سرورِ دیں، اے شاہِ اُمَم​

اے مالک و قاسمِ خُلدِ بریں ، اے رونق و شانِ باغِ اِرَم​

اے راحتِ ہر قلبِ مُضطر، اے رافع نافع دافعِ غَم​

اَنَافِی عَطَشِِ وَّ سَخَاکَ اَتَمْ ، اے گیسوئے پاک اے ابرِکرم​

برسن ہارے رم جھم رم جھم دو بوند اِدھر بھی گِرا جانا​

​

جب مِہرِ قیامت جوش پہ ہو، ہر اِک کو لگا ہو اپنا ہی غَم​

ہر ایک نَفَس ہو فریادی، ہر اِک پہ گِرا ہو کوہِ الَم​

اُس وقت کروں اے کاش شہا میں عرض یہی بہ چشمِ نَم​

اَنَافِی عَطَشِِ وَّ سَخَاکَ اَتَمْ ، اے گیسوئے پاک اے ابرِکرم​

برسن ہارے رم جھم رم جھم دو بوند اِدھر بھی گِرا جانا​

​

گِر پڑ کے یہاں پہنچا ہوں میں، آنکھوں میں سجانے دے یہ دَمک​

میری دھڑکن میں میری سانسوں میں بَس جانےدے شہرِنبی کی مَہک​

میرے قلب میں جی بھر کر شہرِ طیبہ کی سمونے دے تُو چَمَک​

یَا قافِلَتِی زِیدِی اَجَلَک، رحمے بر حَسرتِ تِشنِہ لَبک​

مورا جِیرا لَرجے دَرَک دَرَک، طیبہ سے ابھی نہ سنا جانا​

​

جب شرف مِلا حاضری کا کِھلیں دل کی کلیاں اور مِلی راحت​

وہ صحنِ حرم، محرابِ کرم، وہ در، منبر، روضہِ جنّت​

وہ لمحہ متاعِ زِیست ھوا، دیدار ہواتھا جس ساعت​

وَاھًا لِسُوَ یعَاتٍ ذَھَبَت، آں عَہدِ حضورِ بار گہت​

جب یاد آوَت موہے کر نہ پَرت، دردا وہ مدینے کاجانا​

​

طیبہ سے دوری کے صدمے اور رنج و الَم تابکے میں سہوں​

یہ میری تڑپ یہ میری طلب، یہ ذوق مِرا یہ میرا جنوں​

تِرے ہجر و فراق میں شاہِ اُمم، اب صبر کروں تو کیسے کروں​

اَلْقَلْبُ شَجِِ وَّالْھَمُّ شُجُوْں، دل زار چناں جاں زیرِ چنوں​

پَت اپنی بِپَت میں کاسے کہوں میرا کون ہےتیرے سِوا جانا​

​

مِرا تن صدقے مِری جان فِدا،، تِرے عشق کی آتش اور بڑھا​

مورے مَن ما اگن توری پریت کی ہے، اٹھتا ہے دھواں ہلکا ہلکا​

مِورا دھن دولت واروں تَو پہ، صدقہ ہی تو ہے یہ تِرے گھر کا​

اَلرُّوحُ فِدَاکَ فَزِدْ حَرْقَا ، یک شعلہ دِگر برزن عِشقا​

مورا تن من دھن سب پھونک دیا یہ جان بھی پیارے جَلا جانا​

​

ہے ملکِ سخن پہ تِری شاہی، تُو مدحتِ شاہ میں نغمہ سَرا​

تو واصفِ شمعِ رسالت ہے حسان الہند، شاہِ شعرا​

یہ فکر تِری یہ عجز تِرا، تو نے یہ کہا کیا کہنا تِرا​

بس خامۂِ خامِ نوائے رضا، نہ یہ طرز مِری نہ یہ رنگ مِرا​

ارشادِ احبّا ناطق تھا ناچار اِس راہ پڑا جانا​

​

الغات الربع میں لکھنے کا تیرے ہی تو سَر پہ رہا سہرا​

یہ نظم انوکھی نِرالی ، انوکھا طَور ، نِرالا ڈھنگ تِرا​

سب سے ہے جدا یہ رنگ تِرا ، قربان تِرے کہ تو نے کہا​

بس خامۂِ خامِ نوائے رضا، نہ یہ طرز مِری نہ یہ رنگ مِرا​

ارشادِ احبّا ناطق تھا ناچار اِس راہ پڑا جانا​

 

[الف عین]

اس کے لئے تو فرصت چاہئے، لمبی نعت ہے نا۔ کچھ مصرع البتہ تقطیع میں نہیں آ رہے ہیں، مفعول مفاعیلن فعلن وزن میں۔ کہیں ’میرا‘ ’میری‘ کا محل ہے اور کہیں مرا ، مری کا جس کا خیال نہیں رکھا گیا ہے۔

 

[ابو المیزاب اویس]

اس کے لئے تو فرصت چاہئے، لمبی نعت ہے نا۔ کچھ مصرع البتہ تقطیع میں نہیں آ رہے ہیں، مفعول مفاعیلن فعلن وزن میں۔ کہیں ’میرا‘ ’میری‘ کا محل ہے اور کہیں مرا ، مری کا جس کا خیال نہیں رکھا گیا ہے۔

جی ضرور، میں منتظر رہوں گا، آپ کے قیمتی مشوروں کا جب آپ کو سہولت ہو ضرور کرم فرمائیں۔۔
جزاک اللہ ۔ آمین