برائے اصلاح

[فیضان قیصر]

مجھکو اپنا خیال کرتی ہو
تم بھی کیا کیا کمال کرتی ہو
تم مجھے کتنا پیار کرتے ہو ؟
روز کیوں یہ سوال کرتی ہو؟
جب تمھیں یاد میں نہیں کرتا
ہائے کتنا وبال کرتی ہو
تم مری جان کتنی بھولی ہو
جھوٹ کو سچ خیال کرتی ہو
مجھ سے بے قدر آدمی کے لیے
خود کا جینا محال کرتی ہو
کرتی ہو بے وقوفیاں اکثر
ہاں مگر بے مثال کرتی ہو
تم پہ فیضان جاں چھڑکتا ہے
کچھ تو ایسا کمال کرتی ہو

 

[فیضان قیصر]

الف عین سر
عظیم بھائی

 

[الف عین]

باقی تو درست ہے غزل لیکن وبال کرنا درست محاورہ نہیں. وبال پیدا کرنا، کھڑا کرنا وغیرہ درست ہیں۔ اس قافیے کے شعر کو نکال ہی دو

 

[فیضان قیصر]

باقی تو درست ہے غزل لیکن وبال کرنا درست محاورہ نہیں. وبال پیدا کرنا، کھڑا کرنا وغیرہ درست ہیں۔ اس قافیے کے شعر کو نکال ہی دو

شکریہ سر ۔ جب سر مجھے کسی لفظ کے استعمال کے حوالے سے کوئی شک ہوتا ہے تو میں پھر اس لفظ کے استعمال کے حوالے دوسرے شعراہ کے کلام سے مدد لے لیتا ہوں ۔ مندرجہ ذیل شعر میں وبال کا استعمال صحیح سمجھیں یا غلط

خوشی سے گزرے یہ سب کے لئے تو اچھا ہے

یہ زندگی ہے اسے بھی وبال مت کرنا

 

[الف عین]

شکریہ سر ۔ جب سر مجھے کسی لفظ کے استعمال کے حوالے سے کوئی شک ہوتا ہے تو میں پھر اس لفظ کے استعمال کے حوالے دوسرے شعراہ کے کلام سے مدد لے لیتا ہوں ۔ مندرجہ ذیل شعر میں وبال کا استعمال صحیح سمجھیں یا غلط

خوشی سے گزرے یہ سب کے لئے تو اچھا ہے

یہ زندگی ہے اسے بھی وبال مت کرنا

مجھے تو یہ بھی غلط لگ رہا ہے، دوسرے احباب کیا کہتے ہیں,؟

 

[فیضان قیصر]

مجھے تو یہ بھی غلط لگ رہا ہے، دوسرے احباب کیا کہتے ہیں,؟

سر دوسرے احباب کی رائے کا تو مجھے نہیں پتہ مگر آپ کی رائے کو سند جانتے ہوئے وبال کے اس طرح استعمال کو غلط سمجھ لیتا ہوں