برائے اصلاح

[Muhammad Ishfaq]

تجھ پہ ہم اعتبار کیوں کرتے
اپنے دل کو فگار کیوں کرتے
جن کو میری خوشی گوارا نہیں
پھر دل و جاں نثار کیوں کرتے
گر نہ چیزوں کی قیمتیں بڑھتیں
لوگ چیخ و پکار کیوں کرتے
جس نے خوں کے رلا دیے آنسو
اس سے قول و قرار کیوں کرتے
جس سے امید ہی نہ اچھےکی ہو
ربط پھر استوار کیوں کرتے
جو چمن کو اجاڑ کر رکھ دے
اُس سے ذکرِ بہار کیوں کرتے
جس کو احساسِ غم نہیں شاکی
اُس پہ غم آشکار کیوں کرتے

 

[الف عین]

یہ درست تقطیع کی غزل ہے ماشاء اللہ، البتہ یہ احساس ہوا کہ اگر ردیف 'کیا کرتے' کر دی جائے تو بہتر تاثر دیتی یے۔

تجھ پہ ہم اعتبار کیوں کرتے
اپنے دل کو فگار کیوں کرتے
... درست

جن کو میری خوشی گوارا نہیں
پھر دل و جاں نثار کیوں کرتے
... 'کرتے' فعل سے اگر فاعل 'ہم' فرض کیا جائے تو پہلے مصرع میں 'میری' سے شتر گربہ پیدا ہو جاتا ہے۔ بہتر ہے مفہوم واضح کر کے کہیں

گر نہ چیزوں کی قیمتیں بڑھتیں
لوگ چیخ و پکار کیوں کرتے
چیخ اور پکار کے درمیان واو عطف درست نہیں کہ پکار ہندی لفظ ہے
لوگ اتنی پکار... بہتر ہو گا

جس نے خوں کے رلا دیے آنسو
اس سے قول و قرار کیوں کرتے
.. درست

جس سے امید ہی نہ اچھےکی ہو
ربط پھر استوار کیوں کرتے
... اچھک ہو' تقطیع ہوتا ہے، ے کا اسقاط درست نہیں، دوسرے مصرعے میں بھی کس سے ربط؟ اس کا سوال اٹھتا ہے
یوں کہا جا سکتا ہے
جس سے امید ہو نہ اچھے کی
اس سے رثط استوار کیوں کرتے

جو چمن کو اجاڑ کر رکھ دے
اُس سے ذکرِ بہار کیوں کرتے
... درست

جس کو احساسِ غم نہیں شاکی
اُس پہ غم آشکار کیوں کرتے
... شاکی تخلص ہے؟ درست ہے شعر، غم نہیں کی بہ نسبت 'غم نہ ہو' بہتر لگتا ہے مجھے

 

[Muhammad Ishfaq]

یہ درست تقطیع کی غزل ہے ماشاء اللہ، البتہ یہ احساس ہوا کہ اگر ردیف 'کیا کرتے' کر دی جائے تو بہتر تاثر دیتی یے۔

تجھ پہ ہم اعتبار کیوں کرتے
اپنے دل کو فگار کیوں کرتے
... درست

جن کو میری خوشی گوارا نہیں
پھر دل و جاں نثار کیوں کرتے
... 'کرتے' فعل سے اگر فاعل 'ہم' فرض کیا جائے تو پہلے مصرع میں 'میری' سے شتر گربہ پیدا ہو جاتا ہے۔ بہتر ہے مفہوم واضح کر کے کہیں

گر نہ چیزوں کی قیمتیں بڑھتیں
لوگ چیخ و پکار کیوں کرتے
چیخ اور پکار کے درمیان واو عطف درست نہیں کہ پکار ہندی لفظ ہے
لوگ اتنی پکار... بہتر ہو گا

جس نے خوں کے رلا دیے آنسو
اس سے قول و قرار کیوں کرتے
.. درست

جس سے امید ہی نہ اچھےکی ہو
ربط پھر استوار کیوں کرتے
... اچھک ہو' تقطیع ہوتا ہے، ے کا اسقاط درست نہیں، دوسرے مصرعے میں بھی کس سے ربط؟ اس کا سوال اٹھتا ہے
یوں کہا جا سکتا ہے
جس سے امید ہو نہ اچھے کی
اس سے رثط استوار کیوں کرتے

جو چمن کو اجاڑ کر رکھ دے
اُس سے ذکرِ بہار کیوں کرتے
... درست

جس کو احساسِ غم نہیں شاکی
اُس پہ غم آشکار کیوں کرتے
... شاکی تخلص ہے؟ درست ہے شعر، غم نہیں کی بہ نسبت 'غم نہ ہو' بہتر لگتا ہے مجھے

بہت بہت شکریہ آپ نے بہت اچھے سے راہنمائی کی۔بندہ کی حوصلہ افزائی ہوئی۔ اللہ آپ کو خوش رکھے۔

 

[Muhammad Ishfaq]

اصلاح کے بعد
تجھ پہ ہم اعتبار کیوں کرتے
اپنے دل کو فگار کیوں کرتے
جن کو میری خوشی گوارا نہیں
وہ دل و جاں نثار کیوں کرتے
گر نہ چیزوں کی قیمتیں بڑھتیں
لوگ اتنی پکار کیوں کرتے
جس نے خوں کے رلا دیے آنسو
اس سے قول و قرار کیوں کرتے
جس سے امید ہو نہ اچھے کی
اس سے ربط استوار کیوں کرتے
جو چمن کو اجاڑ کر رکھ دے
اُس سے ذکرِ بہار کیوں کرتے
جس کو احساسِ غم نہ ہو شاکی
اُس پہ غم آشکار کیوں کرتے

 

[Muhammad Ishfaq]

اصلاح کے بعد
تجھ پہ ہم اعتبار کیوں کرتے
اپنے دل کو فگار کیوں کرتے
جن کو میری خوشی گوارا نہیں
وہ دل و جاں نثار کیوں کرتے
گر نہ چیزوں کی قیمتیں بڑھتیں
لوگ اتنی پکار کیوں کرتے
جس نے خوں کے رلا دیے آنسو
اس سے قول و قرار کیوں کرتے
جس سے امید ہو نہ اچھے کی
اس سے ربط استوار کیوں کرتے
جو چمن کو اجاڑ کر رکھ دے
اُس سے ذکرِ بہار کیوں کرتے
جس کو احساسِ غم نہ ہو شاکی
اُس پہ غم آشکار کیوں کرتے

پرورش کا جو مول ہی پا لے
اس کو رب شمار کیوں کرتے
جب ترے آنے کی امید نہ ہو
ہم ترا انتظار کیوں کرتے

ان اشعار کی بھی اصلاح کردیجئے گا۔
شکریہ ۔
دعا گو ۔
محمداشفاق

 

[الف عین]

پرورش کا جو مول ہی پا لے
اس کو رب شمار کیوں کرتے
.. کیا کہنا چاہتے ہیں؟ سمجھ نہیں سکا 'مول' بمعنی قیمت؟ دوسرا مصرع بحر سے خارج ہے
پھر اسے رب شمار کیوں کرتے
ہو سکتا ہے، اس کا مطلب جو بھی ہو۔

جب ترے آنے کی امید نہ ہو
ہم ترا انتظار کیوں کرتے
.. درست

البتہ
جن کو میری خوشی گوارا نہیں
وہ دل و جاں نثار کیوں کرتے
مفہوم سے عاری ہو گیا ہے

 

[Muhammad Ishfaq]

پرورش کا جو مول ہی پا لے
اس کو رب شمار کیوں کرتے
.. کیا کہنا چاہتے ہیں؟ سمجھ نہیں سکا 'مول' بمعنی قیمت؟ دوسرا مصرع بحر سے خارج ہے
پھر اسے رب شمار کیوں کرتے
ہو سکتا ہے، اس کا مطلب جو بھی ہو۔

جب ترے آنے کی امید نہ ہو
ہم ترا انتظار کیوں کرتے
.. درست

البتہ
جن کو میری خوشی گوارا نہیں
وہ دل و جاں نثار کیوں کرتے
مفہوم سے عاری ہو گیا ہے

وہ ‘‘ کی جگہ ‘‘ہم ’’ٹھیک رہے گا؟
ہم دل و جان نثار کیوں گرتے

 

[محمد احسن سمیع راحلؔ]

وہ ‘‘ کی جگہ ‘‘ہم ’’ٹھیک رہے گا؟
ہم دل و جان نثار کیوں گرتے

ہم کہیں گے تو شتر گربہ در آئے گا۔

 

[Muhammad Ishfaq]

ہم کہیں گے تو شتر گربہ در آئے گا۔

ان کو میری خوشی گوارا نہیں
وہ دل و جاں نثار کیوں کرتے

 

[Muhammad Ishfaq]

ان کو میری خوشی گوارا نہیں
وہ دل و جاں نثار کیوں کرتے

سر ! کیا اس طرح ٹھیک ہے ؟

 

[الف عین]

ان کو میری خوشی گوارا نہیں
وہ دل و جاں نثار کیوں کرتے

مفہوم میری سمجھ میں تو نہیں آ سکا، محض 'جن' کو 'ان' سے بدلنے کے علاوہ تو کچھ تبدیلی نہیں ہے

 

[Muhammad Ishfaq]

مفہوم میری سمجھ میں تو نہیں آ سکا، محض 'جن' کو 'ان' سے بدلنے کے علاوہ تو کچھ تبدیلی نہیں ہے

مجھ سے ملنا جسے گوارا نہ ہو
وہ دل و جاں نثار کیوں کرتے
اب دیکھیں

 

[الف عین]

مجھ سے ملنا جسے گوارا نہ ہو
وہ دل و جاں نثار کیوں کرتے
اب دیکھیں

وہ مراد محبوب؟ یہ تو زبردستی ہے کہ محبوب کو مجبور کیا جائے کہ وہ آپ کے عشق میں شہید ہو جائے!

 

[Muhammad Ishfaq]

برائے مہربانی درستی فرمادیں۔

 

[Muhammad Ishfaq]

کیا باقی تمام اشعار ٹھیک ہیں؟

 

[الف عین]

باقی اشعار تو اصلاح کے ضمن میں جو مشورے دیے تھے، وہ تم قبول کر چکے، اس لیے درست ہی ہیں۔ بعد میں دو اشعار مزید پوسٹ کیے تھے، ان میں بھی ایک درست قرار دیا تھا۔ شمار اور نثار قوافی والے شعر درست نہیں ہوئے ہیں، باقی درست ہیں

 

[Muhammad Ishfaq]

باقی اشعار تو اصلاح کے ضمن میں جو مشورے دیے تھے، وہ تم قبول کر چکے، اس لیے درست ہی ہیں۔ بعد میں دو اشعار مزید پوسٹ کیے تھے، ان میں بھی ایک درست قرار دیا تھا۔ شمار اور نثار قوافی والے شعر درست نہیں ہوئے ہیں، باقی درست ہیں

غزل میں کم از کم کتنے اشعار ہونے چاہیئے۔

 

[محمد احسن سمیع راحلؔ]

کم از کم چار تو ہوں، پانچ سے سات کا عدد نہایت مناسب رہتا ہے۔