آئی کے عمران
محفلین
(پھول)
رنگ برنگے پیارے پیارے
پھول زمیں کے چاند ستارے
کھلتے ہیں جب پھول چمن میں
کوئی خوشی ہوتی ہے من میں
خاک سے رب نے ان کو نکالا
اور حسیں رنگوں میں ڈھالا
بھینی خوشبو، پیاری رنگت
ان سے دھرتی کی ہے زینت
تتلی ان کا حسن بڑھائے
آکے پروں کو جب پھیلائے
رب نے دکھائی اپنی قدرت
سب کو الگ دی دیکھوصورت
نام ہزاروں بچو اِن کے
تھک جاؤ گے تم گن گن کے
پڑتے ہیں جب اوس کے قطرے
ان کی رنگت اور بھی نکھرے
حسن ان کا بھائے آنکھوں کو
خوشبو مہکائے سانسوں کو
چھوتی ہیں جب ان کوہوائیں
ایک ادا سے یہ لہرائیں
فصل گل سے ان کی یاری
اور خزاں سے ہے بیزاری
بلبل ان کو گیت سنائیں
مستی میں یہ جھومتے جائیں
پھول ہو تم بھی اپنے چمن کے
تم سے حسیں ہیں دن جیون کے
میری دعا ہے بچو دل سے
ہنستے رہو تم پھولوں جیسے
(عمران کمال)
رنگ برنگے پیارے پیارے
پھول زمیں کے چاند ستارے
کھلتے ہیں جب پھول چمن میں
کوئی خوشی ہوتی ہے من میں
خاک سے رب نے ان کو نکالا
اور حسیں رنگوں میں ڈھالا
بھینی خوشبو، پیاری رنگت
ان سے دھرتی کی ہے زینت
تتلی ان کا حسن بڑھائے
آکے پروں کو جب پھیلائے
رب نے دکھائی اپنی قدرت
سب کو الگ دی دیکھوصورت
نام ہزاروں بچو اِن کے
تھک جاؤ گے تم گن گن کے
پڑتے ہیں جب اوس کے قطرے
ان کی رنگت اور بھی نکھرے
حسن ان کا بھائے آنکھوں کو
خوشبو مہکائے سانسوں کو
چھوتی ہیں جب ان کوہوائیں
ایک ادا سے یہ لہرائیں
فصل گل سے ان کی یاری
اور خزاں سے ہے بیزاری
بلبل ان کو گیت سنائیں
مستی میں یہ جھومتے جائیں
پھول ہو تم بھی اپنے چمن کے
تم سے حسیں ہیں دن جیون کے
میری دعا ہے بچو دل سے
ہنستے رہو تم پھولوں جیسے
(عمران کمال)
آخری تدوین:
