برائے تنقید، تبصرہ اور اصلاح

[مانی عباسی]

جب تجلی انکی ہر سو دیکھیں
کیوں لب و رخسار و گیسو دیکھیں

وہ گزرتے جا رہے ہیں اور ہم
دہر کو مدہوشِ خوشبو دیکھیں

بے ٹھکانہ ہے صنم تو دل لے
آ سخنور حسن کی خو دیکھیں

بستیِ غم کا سفر یاد آئے
"تم" کو ہوتے جب کبھی "تو" دیکھیں

چشمِ ریگِ کوچہِ مجنوں میں
نامِ قیس آتے ہی آنسو دیکھیں

 

[نایاب]

واہہہہہہہہہہہہہہہہہہ
کیا خوب کہا ہے

چشمِ ریگِ کوچہِ مجنوں میں ​

نامِ قیس آتے ہی آنسو دیکھیں​

 

[مانی عباسی]

واہہہہہہہہہہہہہہہہہہ
کیا خوب کہا ہے

چشمِ ریگِ کوچہِ مجنوں میں ​

نامِ قیس آتے ہی آنسو دیکھیں​

شکریہ

 

[ایم اے راجا]

مانی ساحب خوب غزل ہوئی ہے

 

[نامعلوم اول]

بحر کی پابندی نہ ہوئی۔ اصلاح کی کوشش کی تو غزل نئے سرے سے لکھنی پڑے گی۔ مدد کے لیے مطلع کی نئی شکل بنا رہا ہوں ۔ بہتر ہو گا کہ اس کے مطابق غزل پھر سے لکھیں:

جلوہ اس کا ہی جو ہر سو دیکھیں
کیوں لب و عارض و گیسو دیکھیں​

بحر بنی: فاعلاتن فعلاتن فعلن​

 

[مانی عباسی]

بحر کی پابندی نہ ہوئی۔ اصلاح کی کوشش کی تو غزل نئے سرے سے لکھنی پڑے گی۔ مدد کے لیے مطلع کی نئی شکل بنا رہا ہوں ۔ بہتر ہو گا کہ اس کے مطابق غزل پھر سے لکھیں:

جلوہ اس کا ہی جو ہر سو دیکھیں​

کیوں لب و عارض و گیسو دیکھیں​

بحر بنی: فاعلاتن فعلاتن فعلن​

اب صحیح ہے نا ؟؟؟؟؟؟؟؟؟؟؟


جب تجلی تری ہر سو دیکھیں
کیوں لب و عارض و گیسو دیکھیں

وہ جو گزریں تو گل و گلشن بھی
دہر کو ساقطِ خوشبو دیکھیں

بے ٹھکانہ ہے صنم تو دل لے
آ چلیں حسن کی پھر خو دیکھیں

وادیِ غم کا سفر یاد آئے
"تم" کو ہوتے کبھی جو "تو" دیکھیں

چشمِ ریگِ نگرِ مجنوں میں
نامِ قیس آتے ہی آنسو دیکھیں

 

[مانی عباسی]

مانی ساحب خوب غزل ہوئی ہے

شکریہ جناب