برائے تنقید تبصرہ و اصلاح

[مانی عباسی]

دلوں کو پاک کرتی ہے وفا کا درس دیتی ہے
محبت مبتدی کو منتہا کا درس دیتی ہے

نگاہیں قتل کرتی ہیں اشارے ساتھ دیتے ہیں
تری نازک ادا مجھکو خطا کا درس دیتی ہے

کسی کی آنکھ گاگر ہے کسی کی آنکھ ساگر ہے
کسی کی آنکھ آنکھوں کو حيا کا درس دیتی ہے

ہٹا کر زلف اپنی صورتِ مہرِ مکمل سے
ادھورے چاند کو وه انتہا کا درس دیتی ہے

حیاتِ جاوداں کی میں تمنا کیوں کروں مانی
مجھے خود زندگی آ کر فنا کا درس دیتی ہے​

 

[مہدی نقوی حجاز]

تمام اشعار بہترین ہیں۔ ہماری جانب سے رسید حاضر ہے۔ بہت خوب جناب۔

 

[مانی عباسی]

تمام اشعار بہترین ہیں۔ ہماری جانب سے رسید حاضر ہے۔ بہت خوب جناب۔

شکریہ جناب ۔۔۔۔۔۔۔ابھی استاد الف عین کا انتظار ہے ۔۔۔۔۔۔

 

[محمد اسامہ سَرسَری]

بہت خوب ماشاءاللہ کیا خوب لکھا ہے۔
ہماری طرف سے بہت سی داد قبول فرمائیں۔
اگر خط نستعلیق میں لکھا کریں تو زیادہ بہتر ہو۔

 

[عبد الرحمن]

ماشاٰء اللہ بہت عمدہ اشعار کہے ہیں۔

 

[الف عین]

درست غزل ہے، البتہ دو نکات
ادھورے چاند کو وه انتہا کا درس دیتی ہے
واضح نہیں کہ انتہا سے یہاں کیا مراد ہے۔
اس کے علاوہ ’نازک ادا‘؟؟؟

 

[مانی عباسی]

بہت خوب ماشاءاللہ کیا خوب لکھا ہے۔
ہماری طرف سے بہت سی داد قبول فرمائیں۔
اگر خط نستعلیق میں لکھا کریں تو زیادہ بہتر ہو۔

داد کے لیئے شکریہ.۔۔۔۔۔ خط نستعلیق میں کیسے لکھا جا سکتا ہے ؟؟؟؟؟؟؟

 

[مانی عباسی]

ماشاٰء اللہ بہت عمدہ اشعار کہے ہیں۔

شکریہ

 

[مانی عباسی]

۔
ادھورے چاند کو وه انتہا کا درس دیتی ہے
واضح نہیں کہ انتہا سے یہاں کیا مراد ہے۔

۔چاند کی انتہا کیا ہوتی ہے ؟؟؟؟ مکمّل ہو جانا ۔۔۔میری محبوبہ کی صورت جو مکمل چاند جیسی ہے وو آدھے چاند کو انتہا یعنی مکمل ہونے کا درس دے رہی ہے ۔۔۔۔۔۔۔۔۔۔۔۔۔

 

[مانی عباسی]

۔
اس کے علاوہ ’نازک ادا‘؟؟؟

نازک لوگوں کی نازک ادائیں ۔۔۔۔۔۔۔۔۔۔

 

[الف عین]

ٹھیک ہے چل بھی سکتا ہے، اگرچہ انتہا کے معی کو وسعت دینے کی انتہا ہو گئی!!

 

[مانی عباسی]

ٹھیک ہے چل بھی سکتا ہے، اگرچہ انتہا کے معی کو وسعت دینے کی انتہا ہو گئی!!

پھر چلا ہی لیتے ہیں.۔۔۔۔۔۔۔۔۔۔۔

 

[محمد اسامہ سَرسَری]

داد کے لیئے شکریہ.۔۔۔ ۔۔ خط نستعلیق میں کیسے لکھا جا سکتا ہے ؟؟؟؟؟؟؟

جیسے آپ نے یہ جملہ لکھا ہے۔

 

[طاھر جاوید]

ماشاٰء اللہ بہت عمدہ اشعار کہے ہیں۔