خیبر پختون خوا کے ضلع مانسہرہ کی ہر وادی ہی قدرت کا حسین شاہکار ہے لیکن برف باری نے وادی کونش کے علاقے چھتر پلین کی خوبصورتی کو چار چاند لگادئیے ہیں۔
مانسہرہ میں بارشوں کے بعد سورج نے برف پوش پہاڑوں اور وادیوں کواپنی کرنوں سےمنور کیا تو برف کی دودھیا روشنی آنکھوں کو خیرہ کرنے لگی۔
ان دلکش نظاروں کو اپنی نظروں میں سمونے کے لیے ملک بھر اور بیرون ملک سے سیاح کھنچے چلے آ رہے ہیں۔
ضلع مانسہرہ اور بٹگرام کے سنگم پر واقع چھتر پلین اور شارکول ٹاپ پہنچ کر بچے خوشی سے پھولے نہیں سماتے۔
کوئی بچہ سنو مین کے ساتھ تصاویربنواتا ہےتو کوئی اپنے کزنوں کو برف کے گولے مار مار کر انجوائے کرتاہے۔
سیاحوں کا کہنا ہے کہ اگر چھتر پلین میں پکنک اسپاٹس بنا کر مناسب سہولتیں فراہم کر دی جائیں تو علاقے میں سیاحت کے فروغ کے ساتھ ساتھ غریب عوام کے روزگار میں بھی اضافہ ہو گا۔
لنک
