برما میں مسلمانوں کو زندہ دفن کیا گیا،اقوام متحدہ کی رپورٹ میں انکشاف

[کاشفی]

برما میں مسلمانوں کو زندہ دفن کیا گیا،اقوام متحدہ کی رپورٹ میں انکشاف

ینگون(دنیا نیوز) برما میں انسانیت سوز مظالم کی داستان کی رقم کی گئی،مسلمانوں کی نسل کشی سے متعلق اقوام متحدہ کی رپورٹ میں انکشاف ہوا ہے کہ کئی مسلمانوں کو قبروں میں زندہ دفن کیا گیا۔

قتل عام میں سیکیورٹی ادارے بھی شامل رہے۔اقوام متحدہ کی انسانی حقوق کی تنظیم کے مطابق کئی علاقوں سے اجتماعی قبریں ملی ہیں جن میں دفن افراد کے ہاتھ اور پیر بندھے ہوئے ملے۔ رپورٹ کے مطابق ان قبروں سے 28بچوں کی لاشیں بھی ملی ہیں۔ عینی شاہدین کے مطابق بدھ مت کے پیرو کاروں نے مسلمانوں کے اکثریتی علاقوں میں داخل ہو کر املاک کو نقصان پہنچایا اور لوگوں پر تشد د کیا۔اس موقع پر سیکیورٹی ادارے بھی اس قتل عام میں پوری مدد فراہم کرتے رہے۔
ماخذ:دنیا نیوز

 

[arifkarim]

برما کے مسلمانوں نے آزادی پاکستان کے بعد مشرقی پاکستان میں شامل ہونے کی پیشکش کی تھی جسے مسلم لیگ نے قبول نہیں کیا۔ لیکن اب پچھتانے کا کیا فائدہ؟http://en.wikipedia.org/wiki/Rohing...Mujahideen_separatist_movements_.281947-70.29

 

[S. H. Naqvi]

محفل کے وہ لوگ جو گزرے وقت ایسے تھریڈ شروع کرنے کی مخالفت میں پیش پیش تھے اوربھرپور انداز میں دلائل دیتے تھے کہ وہ سب تصویریں اور ویڈیوز نقلی ہیں اور برما کے مظالم کی ساری کہانیاں خود ساختہ ہیں، آج خاموش ہیں، ان کے پسندیدہ میڈیا نے خبر دی ہے انھیں کچھ تو تبصرہ کرنا چاہیے۔
میں یہ لکھنے پہ اسلیئے مجبور ہوا کہ مجھے یاد ہے کہ اس وقت کس طرح مختلف دلائل دے کر حتیٰ کہ کف اڑانے تک یہ سب کچھ خود ساختہ کہا گیا تھا اور پاکستان کی فکر کرنے کا مشورہ دیا گیا تھا۔

 

[محمد علم اللہ]

۔۔۔

 

[arifkarim]

یہاں ہندوستان میں بھی اسی قسم کی افواہیں اڑی تھیں ۔عالمی میڈیا اب کیوں نہیں آواز اٹھاتی کیوں سب کو سانپ سونگھ گیا ہے ۔یقین جانئے اس خبر کو پڑھ کر میرے رونگٹے کھڑے ہوگئے ہیں ۔میں نے فسادات کے منظر کو بہت قریب سے دیکھا ہے ۔ابھی مظفر نگر میں جو کچھ ہوا تھا میں تین مرتبہ وہاں جا چکا ہوں اب تک ۔ابھی اسلام دشمن عناصر کو مسلمانوں کی جانب سے ایک کانٹا بھی چبھ جائے تو پوری دنیا میں ہنگامہ کئے پھریں گے کہ مسلمانوں نے یہ کیا لیکن ایسے موقعوں پر ان کی زبانیں گنگ ہو جاتی ہیں ۔بس اللہ ہی مدد کرے ۔سازشین کو نیست ونابود اور ان کے ناپاک عزائم کو تہہ و بالا کرے ۔یا الہہ العالمین تو ہی رحیم ہے رحم کا معاملہ فرما ۔

اور اب برما نے اس یو این رپورٹ کی نفی کر دی:
http://www.mmtimes.com/index.php/national-news/8619-myanmar-rejects-latest-un-report.html

 

[x boy]

السلام علیکم ورحمت اللہ وبرکاتہ
بہت سارے لوگ بہت ساری کہانیاں لکھ سکتے ہیں لیکن حقیقت میں سناتا ہے
برما میں مسلمانوں کے ساتھ یہ پہلی دفعہ نہیں ہوا اس سے پہلے بدھ مت کے پیرو کاروں نے مسلمانوں کی بستی میں داخل ہوکر ہر عمر کے لوگوں کو ذبح کیا تھا
میرے قریب میں کچھ لوگ ہیں جن کی فیملیاں آج بھی برما میں رہتی ہیں اور وہ مجھے بتاتے رہتے ہیں کہ آج یہ ہو ا کل یہ ہوا تھا،
برماکے مسلمانوں نے پچھلے ایک سال سے (قریبا) مسجد وں میں نمازیں نہیں ادا کیں، انکی مسجدوں کو جلادیا گیا، اگر کچھ بچا بھی ہے تو اس کو بند کروادیا اور
گورنمنٹ کہتی ہے یہاں حکومت کے خلاف بغاوت کی باتیں ہوتی ہیں، ایک گاؤں سے دوسرے گاؤں جانے کے لئے پولیس سے پیپر خریدنے پڑتے ہیں
اگر ایک رات رکنا ہے تو اس کے پیپر وہاں کے پولیس سے لینے ہوتے ہیں اس طرح کا ظلم تو چنگیز خان نے بھی نہیں کیا ہوگا،مسلمانوں کو ذندہ جلادیا
اگر آگ سے فرار ہوئے تو پگڑ کر دوبارہ آگ میں ڈال دیتے ہیں اب تک ان گنت مسلمانوں کو جلا کے مارڈالا،
یو این او کو تو بس پپٹ سمجھئے ، وہاں جاکر بھی کچھ نہیں کرسکی۔ امریکہ بس اتنا کہتا ہے کہ یار اب بس بھی کرو، ہمیں او آئی سی سے فون کال آرہے ہیں۔
او آئی سی کی طرف سے منتخب امریکن سیٹیزن مسٹر وقارالدین ہیں متعدد بار دبئی زیارت کرچکے ہیں اس بارہ میں اپنی اسپیچ دے چکے ہیں لیکن دال ابھی تک نہیں گلی۔
ان کا وائٹ ہاؤس میں آنا جانا ایسا ہے جیسے ہم اپنے رشتہ داروں کے گھروں میں جاتے ہیں۔