بس یہی کچھ ہے معجزہ مرے پاس (ندیم بھابھہ(

[عمران شناور]

[font="urdu_umad_nastaliq"]ندیم بھابھہ کی غزل احباب کی نذر:

بس یہی کچھ ہے معجزہ مرے پاس
ایک تو ہے اور اک دعا مرے پاس

یہ تری گفتگو کا لمحہ ہے
اس گھڑی ہے مرا خدا مرے پاس

تیرا نعم البدل نہیں‌کوئی
تو فقط ایک ہی تو تھا مرے پاس

تجھے کچھ وقت چاہیے مری جاں
وقت ہی تو نہیں‌بچا مرے پاس

میں نے تجھ کو خدا سے مانگا تھا
لوٹ آئی مری دعا مرے پاس

اس لیے خود کو زندہ رکھا ہے
تو کبھی لوٹ آئے گا مرے پاس
ندیم بھابھہ [/font]

 

[شمشاد]

شکریہ جناب لیکن یہ ندیم بھائی ہیں یا بھابھی؟

 

[مغزل]

شکریہ جناب لیکن یہ ندیم بھائی ہیں یا بھابھی؟

جناب بھائی ہیں ۔۔ بھابھا (‌بھابھہ)‌خاندانی نام ہے ان کا

 

[محمد وارث]

اچھی غزل ہے، شکریہ عمران صاحب شیئر کرنے کیلیے!

 

[عمران شناور]

بہت بہت شکریہ وارث جی!