بلاگ کے متعلق هیلپ

[Muhammad zubair]

السلام علیکم
دوستو میں نے بلاگ تو بنا لیا هے مگر اب مسئله یه هے که میں اپنے بلاگ پر زیاده سے
زیاده وزٹر کیسے لاؤں کوئ اچھی ٹرکس یه کوئ ایسا موضوع جس پر لوگ پوسٹ پر کمنٹ بھی کریں پلیز اس پوسٹ کو نظر انداز مت کرنا کچھ تو جواب لازمی دینا
نبیل اسد اسد اللہ فقیر شکیب احمد

 

[حمیرا عدنان]

جناب محمد زبیر صاحب اردو بلاگنگ والے سیکشن میں آپ نے کوئی چھ دھاگے کھولے ہیں اور سب میں صرف ایک بات مشترکہ ہے میرا بلاگ یا بلاگ کے لیے تھیم یا بلاگ میں مدد وغیرہ وغیرہ اگر آپ صرف ایک دھاگہ کھول لیتے اور اس میں سارے سوالات کر لیتے تو زیادہ مناسب تھا
مانا آپ نیو یوزر ہیں لیکن جناب محفل کے بھی کچھ آداب ہوتے ہیں پہلے اپنا تعارف کرائیں تاکہ ہمیں بھی پتا ہو ہم کس کی مدد کر رہے ہیں
میرے باتیں آپ کو تلخ ضرور لگیں گی لیکن یہ آپ کی بہتری کے لیے ہیں

 

[نبیل]

میری رائے میں بلاگ محض توجہ حاصل کرنے کا ذریعہ نہیں ہونا چاہیے۔ اگر بلاگ کو اظہار خیال یا معلومات شئیر کرنے کے لیے استعمال کیا جائے تو زیادہ بہتر رہتا ہے۔ مجھے سمجھ نہیں آ سکی کہ آپ اپنے بلاگ سے کیا مقصد حاصل کرنا چاہتے ہیں۔ اس میں کئی نوعیت کے موضوعات اکٹھے ہوئے ہوئے ہیں۔ اگر آپ مذہبی، سیاسی اور ٹیکنالوجی کے موضوعات پر تحاریر پوسٹ کرنا چاہتے ہیں تو ان سب کے لیے علیحدہ بلاگ شروع کر لیں۔ بلاگسپاٹ پر یہ زیادہ مشکل بھی نہیں ہے۔ اور اگر اردو بلاگ چلانا ہے تو بہتر ہے کہ سادہ تھیم رکھیں لیکن اس طرح کہ اردو متن واضح اور درست فونٹ میں نظر آئے۔ بلاگ کی ٹریفک بڑھانے کا کوئی شارٹ کٹ نہیں ہے۔ اس کے لیے کچھ عرصہ باقاعدگی سے پوسٹ کریں اور دوسروں کے بلاگ پر کمنٹ کرتے رہیں تاکہ وہ بھی آپ کے بلاگ کی جانب متوجہ ہوں۔

 

[شکیب]

آپ نے اپنے تئیں بہت کام کا سوال پوچھا ہے، اور یہ معصوم سوال میرے ذہن میں بھی سر اٹھاتا تھا جب میں نے دسویں جماعت میں پہلی مرتبہ اپنی ویب سائٹ (ایچ پیج پر) بنائی تھی۔ در اصل آپ Indirectly سرچ انجن آپٹیمائیزیشن SEO کے بارے میں پوچھ رہے ہیں۔ اور اس کا شارٹ کٹ کوئی نہیں ہے۔ خصوصا اردو بلاگ کے لیے۔ اگر آپ ٹریفک چاہتے ہیں تو معیاری اور اچھے آرٹیکلز لکھتے رہیں چاہے ٹیوٹوریلز ہوں یا کچھ اور۔ لوگ خود بخود کھنچے چلے آئیں گے۔ آپ دیکھتے ہی ہوں گے کہ کسی سائٹ یا فیس بک پیج پر ہم کسی ذریعے سے پہنچتے ہیں، اور ان کی ”ایک سے بڑھ کر ایک“ پوسٹس / آرٹیکلز کو پڑھ کر سوچتے ہیں کہ پتہ نہیں اب تک اس پیج کا پتہ کیوں نہیں چلا تھا۔ اس کے بعد ہم فورا اس صفحے کو سسکرائب یا Get Notification پر سیٹ کر لیتے ہیں۔
ہماری یہی سائکالوجی آپ کے سوال کا جواب ہے۔ اگر آپ اپنے صفحے پر معیاری اور کارآمد مواد فراہم کر رہے ہیں تو ہر کسی کو آپ کی طرف راغب کر ہی دے گا۔ کام کے تئیں اخلاص ہی کام کی بہتر ین انداز میں تکمیل کرتا ہے۔
بہترین مثال کے طور پر ایم بلال ایم ڈاٹ کام دیکھ لیں۔ بلال بھائی کے ہر آرٹیکل کو پڑھ کر مزہ آتا ہے، اور یہ ہمیں مزید اس سائٹ کے وزٹ پر مجبور کرتا ہے۔
آخر میں یہ بھی بتاتا چلوں، کہ صرف لوگوں کے اکٹھا کرنے کے لیے بلاگنگ کرنا مجھے بے حد ناپسند ہے، جیسا کہ نبیل بھائی نے کہا!