سودا بلبلِ تصویر ہوں جوں نقشِ دیوارِ چمن۔ از سودا

[فرخ منظور]

بلبلِ تصویر ہوں جوں نقشِ دیوارِ چمن
نے قفس کے کام کا ہرگز، نہ درکارِ چمن

کیا گلہ صیّاد سے ہم کو یوں ہی گزری ہے عمر
اب اسیرِ دام ہیں، تب تھے گرفتارِ چمن

نوک سے کانٹوں کے ٹپکے ہے لہو، اے باغباں
کس دل آزردہ کے دامن کش ہیں یہ خارِ چمن

زخم پر ہر گُل کے چھڑکے صبح، محشر کا نمک
سیکھ لے گر ہم سے رونا شبنمِ زارِ چمن

لختِ دل گرتے خزاں میں جاے برگ، اے عندلیب
ہم اگر ہوتے تری جاگہ گرفتارِ چمن

فصلِ گُل جاتی ہے سودا دیکھ لے نرگس کو ٹُک
باغ میں مہماں ہے کوئی دن یہ بیمارِ چمن



از مرزا رفیع سودا

 

[محمد وارث]

لا جواب، شکریہ جناب شیئر کرنے کیلیئے!

 

[فرخ منظور]

لا جواب، شکریہ جناب شیئر کرنے کیلیئے!

بہت شکریہ وارث صاحب - چلبلی سے اب پژمردنی کا سفر-

 

[محمد وارث]

دونوں کی اپنی اپنی لذت ہے، "پاویں ہجر تے پاویں وصال ہووے۔۔۔۔۔۔۔۔۔۔۔۔۔۔۔۔۔"

 

[فرخ منظور]

دونوں کی اپنی اپنی لذت ہے، "پاویں ہجر تے پاویں وصال ہووے۔۔۔۔۔۔۔۔۔۔۔۔۔۔۔۔۔"

جی درست فرمایا -
اگر تو اتفاقاً مل بھی جائے
تری فرقت کے صدمے کم نہ ہوں گے

 

[فرحت کیانی]

نوک سے کانٹوں کے ٹپکے ہے لہو، اے باغباں
کس دل آزردہ کے دامن کش ہیں یہ خارِ چمن

فصلِ گُل جاتی ہے سودا دیکھ لے نرگس کو ٹُک
باغ میں مہماں ہے کوئی دن یہ بیمارِ چمن

واہ۔ بہت خوب
بہت شکریہ سخنور!

 

[فرخ منظور]

نوک سے کانٹوں کے ٹپکے ہے لہو، اے باغباں
کس دل آزردہ کے دامن کش ہیں یہ خارِ چمن

فصلِ گُل جاتی ہے سودا دیکھ لے نرگس کو ٹُک
باغ میں مہماں ہے کوئی دن یہ بیمارِ چمن

واہ۔ بہت خوب
بہت شکریہ سخنور!

بہت بہت شکریہ فرحت کیانی!

 

[محمد وارث]

جی درست فرمایا -
اگر تو اتفاقاً مل بھی جائے
تری فرقت کے صدمے کم نہ ہوں گے

اور آپ نے بھی درست فرمایا، مگر ڈرتا ہوں اس وقت سے جب آپ کہنے لگیں:

تجھ سے ملنا خوشی کی بات سہی
تجھ سے مل کر اداس رہتا ہوں

 

[خرم شہزاد خرم]

بہت خوب اچھا انتخاب ہے

 

[فاتح]

فرخ صاحب! آپ نے اساتذہ کا اتنا کلام جمع کیا ہے کہ بنفس نفیس اساتذہ کی فہرست میں شال ہو گئے ہیں۔

 

[فرخ منظور]

اور آپ نے بھی درست فرمایا، مگر ڈرتا ہوں اس وقت سے جب آپ کہنے لگیں:

تجھ سے ملنا خوشی کی بات سہی
تجھ سے مل کر اداس رہتا ہوں

حضور ہم تو اداس ہوکر‌ زیادہ خوش رہتے ہیں- آپ نے میرے نغموں کا انتخاب بھی دیکھا ہی ہوگا ان میں سے 90 فیصد اداسی اور غم سے لبریز ہیں -

 

[فرخ منظور]

بہت خوب اچھا انتخاب ہے

بہت شکریہ خرم!

 

[فرخ منظور]

فرخ صاحب! آپ نے اساتذہ کا اتنا کلام جمع کیا ہے کہ بنفس نفیس اساتذہ کی فہرست میں شال ہو گئے ہیں۔

واہ واہ فاتح صاحب آپ نے بالکل درست لکھا ہم اساتذہ کی شال تو ہو سکتے ہیں ان میں شامل نہیں‌ہو سکتے قبلہ!

 

[محمد وارث]

بس ایک 'م' کا فرق ہے وہ اپنے م م مغل صاحب سے لے لیں

 

[مغزل]

رسید حاضر ہے جناب صبح سب سے پہلے ہرزہ سرائی میں ہی کروں گا۔

 

[محمد نعمان]

جناب بہت خوب۔۔۔۔۔

 

[فرخ منظور]

جناب بہت خوب۔۔۔۔۔

بہت شکریہ محمد نعمان صاحب!