بلبل سنے نہ کیونکہ قفس میں چمن کی بات- شیخ قلندر بخش جرات

[پیاسا صحرا]

بلبل سنے نہ کیونکہ قفس میں چمن کی بات
آواراہ ء وطن کو لگے خوش وطن کی بات

عیش طرب کا ذکر کروں کیا میں دوستو!
مجھ غم زدہ سے پوچھئے رنج و محن کی بات

شاید اسی کا ذکر ہو - ہر راہگزرمیں میں
سنتا ہوں گوشِ دل ہر اک مرد و زن کی بات

جرات! خزاں کے آتے چمن میں رہا نہ کچھ
اک رہ گئی زباں پہ گل و یاسمن کی بات

شیخ قلندر بخش جرات

 

[محمد وارث]

بہت خوب، لا جواب

شکریہ آپ کا پوسٹ کرنے کیلیے!

 

[شاہ حسین]

بہت خوب جناب